_اني مااشوفهة هيج اشوفها قلة تربيه
_بس اني تربايه عمك ستار
_تنهدت شجن انتي بطريق واني بطريق سديت الخط وكعدت منهار ابجي ربي اخذني وخلصني
_من كطع الخط دخت واغمى عليه جنت ممصدكة وكعدت بالفراش شهر كامل صخونه وشكو بيه حمى مالطة وياهو الي يجي يحجي شكل ......
بهذا الشهر نرجع للاسكندريه ونشوف شصار
نازك _زاد تعلقي بسلطان وحبي اله بدة يكبر وينشنش ويدبدب وخطيه عباس كام كل يوميه يبات يم ابو علاوي الحرس مال الميتم علمودي يخاف ابات وحدي
لحد مافد يوم طبكت سيارة نزلوا منهة رجال ومرة ودخلوا للميتم راحوا للادارة سبحان الله من شفتهم گلبي انعصر ودزت عليه المديره وكالت جايين يتبنون طفل صغير رادوا سلطان لان بعدة شهر ويخبل صاير اني تخبلت جلبت بيه اخذته من ايدي المرة وضلت تناغي خفت حيل مستحيل اخليها تاخذه اشوف اتبناه اني ميقبلون لازم مرة ورجال متزوجين بهذا اليوم ماخذوا سلطان لان عدهم اجراءات لازم يكملوها يلا ياخذوه بقيت اباوع عليه وابجي مااريد يروح مني ماكو حل تذكرت الولد ابو القناة شنى اسمه هاا تذكرت اسمة جاسم تذكرت ناطيني رقمة ضليت ادور عليه بالغراض لحد مالكيت الكرت جانت ساعه ١١ بليل دكيت عليه رد ورة كم دكة رد الوو
_الو الو
_منو انتي
_اني شسمة تتذكر الميتم
ها نازك مو اسمج جان
_اي تنهدت شلونك
_الحمد لله امري انتي شلونج شعجب دكيتي بهالوكت
_ااااا بعدة عرضكً قائم
_اي طبعا
_اني موافقه بس بشرط
_شنو الخلاج توافقين وشنو الشرط
_شرطي اتبنى طفل من الميتم والي تريدة يصير
_ مممممم سلطان مو
_ايي بجيت عفيه جايين يريدون يتبنوه مااريد ياخذو مني ادري راح اضلمة ويايه يجوز يعيش يمهم احسن من ميعيش يمي بس مااكدر ع فراكة يمكن تشوف هالشي مراهقة مني بس والله مو بيدي
_تنهدت لالا عادي حنانج زيد عن اللزوم باجر جاي لاخوج اريد نتزوج باسرع وقت باجر جاين ذولة الاثنين مممممم اجيب مدير القناه يتوسطلي مينطوهم
_اشكر كرمك
_كرمي !! بعدج كلشي مشايفة من كرمي نازك مراح تتندمين مو
_لامتأكدة من قراري بس المهم سلطان ميعوفني
_مراح يعوفج وراح اسجلة بأسمي بعد شتريدين
_صدك والله انت ماكو منك الله يشافيك
_لا .....يلة روحي نازك سديت الخط وضليت احرك بروحي مااريد شفقة من احد ابد لدرجة حته الدعاء بالشفاء مااتحملة
ثاني يوم رحت للميتم وقبلت المديرة تنتظرني لان نازك كلش متعلقه بيه وفرحت بزواجهة لان نازك حيل ساعدتهم تقدمت ع حب الاصول وعباس راد مني اهلي وكتله مشاكل بينه اكو وطبعا سالفه العجز بس اني ونازك نعرف بيها وافق عباس بعد ماجبتله نص الحلة خطابة وواسطة تزوجتها زواج بسيط بيناتنه ولبستهة ذهب مثل كل عروس واشتريت شقه
مثل العادة واخذتا سلطان ورحنه للشقه بيغداد وسجلت سلطان بأسمي
نازك _الشقه تخبل والذهب جنت طايرة بيه وابد مدايرة بال لشغلته
جاسم _ارجع من الشغل الكاها محضرة الاكل والبيت يلمع وهادئ وسلطان بديت اتعلق بيه واحبه حبيت ترتيب البيت ونظافتها وسوالفها.وضحكتها واكلها نظافه ملابسي واهتمامها بيه بصراحة وياه حسيت روحي كامل ونسيت عوقي وعجزي .... ها نازك شو صفنتي
نازك _مشتاقه لعبوسي دمعت عيني
جاسمً_ايش ميجي يعيش اهنا شقتنا كبيرة
_هذا كلش خشمه يابس ويضوج يتكل ع احد
_بس اني نسيبةً
_مااعرف ملتهي بشغل العماله
_يشتغل بالعماله اويلي يابه اكلج انطيني رقمة
_هاك رديت الرقم وعفته لان سوسو كام يبجي
_خابرت عباس وعزمته ع غدة وشلع گلبي يلا قبل شكد نحس يالله ورة ساعه ونص وصل جنت موصي اكل من برة مفاجئة لنازك مكتلها عباس راح يجي من طب ركضت عليه وحضنته تبجي خطيه تذكرت اختي وحازم وامي شكد مشتاقلهم صار شهرين مشايفهم فكرت اخذ نازك وسلطان اكلهم تزوجت او متزوج من زمان اكذب عليهم اكيد حيفرحًولي كعدنا تغدينا ورها شربنا جاي وكعدنا نسولف اني وعباس
جاسم _عباس محتاجك بشغلةً
عباس_گول عيوني الك
_تعرف اني بلداوي وعدي قناه عايفهاع جماعتي هناك
_المطلوب مني شنو شون اساعدك بيها بناء
_ولك لا هههه
_لعد شنوو اني من النوع الطبعي جدي مو اتشاقه واسولف حيل صعب طبعي
_خال رايد منك تلزم القناة عدي ٥٠٪هناك
_ترة كلشي مااعرف وممكمل دراسة
_تجي ويايه للقناة مال بغداد واشوفكً كم يوم وتتعلم متريد تعوفني
_ليش اني خاف چيف تريد تساعدني
_لاياب احنه محتاجيك شبيك مو دنكلك احنه محتاجيك اكلو محتاجيك يكلي دتساعدني
_ماشي .... نازكً جيبي لهذا سلطان خلي اشوفه
نازك _هاك بس دير بالك ليوكع
عباس _ولج هاي شنو نافخته صاير مدبدب ههههههه
نازك _اي صلي ع النبي حتحسدةً
عباس _والله محضوض بيكم يوم الالكم وتجيبوله اخ
جاسم _باوعت لنازك مدارت بال ايتسمت ولا مرة حسستني بعجزي دائما تحسسني اني صاحب فضل عليها بات يمنه عباس وثاني يوم اخذته للقناة كمت اعلمة والله ياخذ سبع مو من النوع الي بس يسولف ويضحك ويهرالبنات اللي بالقناة ابد وبالنسبه للنوم اني ونازك جنه انام بسويت سوة هي بالغرفه واني بالهول قنفات تتحول جربايه انضل نسولف ونضحك كأنما اخوة حجيتلها ع شجن كلشي وشكد احبها ...... حسيت بيها بچت اني بالهول وهي بالغرفه وكلمن بفراشه مااشوفها ....
نازك اذا انتي تبجين لعد اني شكول
نازك _جاسم تدري انت ماكو منك والله العظيم
جاسم _ليش بلة
نازكً_رغم الاذية الي دتتاذاها مستمر بعطائك
خلتني اغير مفهوم فاقد الشيء لايعطيه
جاسم _ههههههه تنهدت يلة تصبحين ع خير بقه عباس يمنه تقريبا اسبوع يمكن من جيت لبغداد لحد هسه ممتونس هالكد سوالف وضحك ولعب دومنه وىرق ودلال نازك النه كيك وعصاير والاكلات وسوالف سلطان التضحكً طلعوني من قهري عباس ضبط الشغلة تواصلت ويه الولد ببلد وكتلهم ع عباس واتصلت باخويه وامي كتلهم جاي وي زوجتي اخذتهم ورحت هيأت نازك لكلشي واتفقنا كلشي تسمع تغلس
صلاحً الدين .بلد :
ساعه ٢ الضهر وصلت بلد فهمت عباس تصالحت ويه اهلي عباس عفته بالقناة مقبل يجي لبيت اهلي الولد استقبلوا ورحبوا بيه واني اخذت نازك وسلطان ورحت لبيت اهلي نزلنا من السيارة جانوا ولد عمي ينتظرونا واخويه وامي والجهال نزلنا وتلكونا وعاتبوني لانه سويت العرس سكيتي المهم لفقت الموضوع الصدمة لامي ولحازم من شافوا سلطان وكتلهم ابني
حارمً_السالفه مال جاسم مو خاليه شوكت خلف اكيد داخل بالحرام والبنيه شلون مجان اخذهة من حبلت منه
متكلي شوكت تزوجتوا
جاسم _صار سنة
حازم _لويش محجيت صحت بيه وخزرته
جاسم_هسه شتريد باوعتله بحنان خويه يحزامً ضهري ماريد تزعل مني سالفتي جبيرة احاجيه بداخلي وعيوني تدمع انتبه عليه
حازمً_جاسمً شبيكً احجيلي اني حازم
جاسمً_ماكو شي والله هاي تزوجت وكتلكم لان انتوا قافلين ع شجن
حازم _هاي هي خويه بالخير عليك باوعت لمرته ملكة جمال اكيد جايبته بحسنها نطاني جاسم ابنه شلته دمعت عيني ليش ياخويه حارمنه منه ليش شوف حاله امك شوفهة شلون فرحانه تذكر من جنت اكلك احنه مثل النخل مانفتزك من كاعه لان اذا افترك عنها
جاسم _دمعت عيني مااات كتلها وعفته ياخويه اني الميت احاجي بداخلي بقيت اشهك بحضنه
حازم _ولك جاسم انت ابو گلب الگوي تبجي هاي شنو امشي خل ناخذ سلطان للكاع نشوفه حلالنه اروح فدوة لضحكتك يول مايشبهك
جاسم _باوعت لنازكً نصت راسها يشبه امه
حازم _اي يشبه امه باوعت عليها ودرت عيني طلعنه للبستان بقينا تفتر ونسولف شلون صارت القسمة
نازك _راح جاسم وبقيت وحدي بانظار امة المبتسمة وطايرة بينه ومرت اخو المدري شبيهة بنت اخو تنكرط كرط وابن اخو رزن عبالك ابن العشرين ولا جنه صف اول متوسط
نور _اي بيت من ياعمامً يعني
نازك _بني سعد
نور _هاا اهلا وسهلا امج ابوج
نازك _متوفيين بس اخ واحد عدي هسه كام يشتغل بالقناة مال بلد
نور_بمكان جاسم يعني
_نازكً_ايي
نور _اي طبعا نسيبه وحب يفيدة
نازك _اي خطيه هو كلش حباب جاسم
