حازم_كمت اتصل بعباس اسال عن سلطان عرفت منه انه اشترة بيت يم المشروع مال بلد كيفت انه ابننا يربى كدام عيونا مريتلة للقناة وطلبت منه اخذ سلطان للبيت اخذة لامي تتونس بيه هم من ريحة ابو قبل وجابة للبستان بعد طولي لابس دشداشة وعرقچين وبيدة سبحة صغيرة امة مطلعته بلداوي ومعطرته بعطر ابوه بحيث من حضنته صبرني عباس گلي الخلف مامات هذا ابن اخوك ربي ع ايدك واذا تريد مل يوم اجيبه وي فؤاد كيفت بكلامة واخذته لاني فرحت بشوفته كامت تلوليله ونام بحضنهة مستغرب
عباس_وصاني جاسم بيوم انه احجي سر سلطان لاحد وحلفني كلي خلي اخذ اجر كفاله يتيم حفضت سرة للموت مااحجي لاحد وصرت صدك احسة ابنه
نازك_قبل شهر من وفاة جاسم نطاني جاسم ورقه ببطن ضرف وگلي اذا انكشف سر سلطان انطي هاي الورقه لحازم كتلة مااريد ينكشف گلي باجر عكبه كلشي يصير اذا عايش اني انطيا واذا ميت انتي تنطي الورقه ضميت الظرف بقرآنة الجان يقرة بيه وضميته
علي_رجعنا من اربيل احسن من قبل الحمد لله
شجن_علي متاكل
علي_لالا اكلي انتي اني شبعان ونعسان
شجن_اني هم مااشتهي
علي_لعد خلي ناكل
شجن_هاا!! هيج يعني ...صدك اكولك اريد اروح لاهلي تكدر ورة متكعد من النوم توديني
علي_اي والله اني هم مشتاق لعمي ستار باوعتلها عادي اجيكم للبيت لو هم هنا تشوفيني وهم هناك
شجن_لايابه هلا بيك عمك هم يحبك اكلنا وكام نام .....بقيت اتصفن بذكرياتي وتصورته ونظراته وضحكاته ويه اخواني هههههه
علي_يمي بس جسد روحها اندفنت ويه روحة هذا الموت شسوي الج يبت عمي شبيدي عليج
حازم_بقت نور ورة عزة اخويه ابد مو مزاجي يمها صارت عادية بالنسبه الي وملتهي بالكاع وبس وبعد اسبوع تطلع عدة ام سلطان قويت علاقتي بعباس هيج زلمة مشايف حيل رزن وميشاقه اكثر من مرة طلب مني يباتون فاديه وفؤاد بيت ام سلطان ورة العدة لان يريد يسافر بس مقبلت فاديه مراهقة واخاف عليها واني اساسا شاك بام سلطان حب اخويه لبنت عمي كتله مو مال يتزوج هيج وحدة الا مورطته بس اني ساكت كلشي يبين ويه الوكت كلشي بوكته حلو
عباس_من اريد اروح للقناة لازم امشي المشروع وهو عبارة عن ساقيه كلش كبيرة وبيها مي وبصفها شارع تمشي بيه السيارات اليوم داامشي بموازاته جانت كدامي بنيه لابسة صدرية وجنطة وتمشي واني وراها والسيارات تمشي بصفنا عثرت ووكعت ع ركبها مشيت سريع وكتلها الله الله كومي اباوع ع الكاع بيهة بطل مكسور وواكعه عليه شلته مكتوب عليه سم مال ارضه نخليه بالمواد مال البناء حته ليصير ارضه بالبيت
عباس _تخبلت خويه وين اهلج
فاديه_مالك دخل وخر عوفني
عباس_هاشييج باعي بابا انداريت عليها ايه من الجمال خزرتهة شرفي هذا بطل مال سم اذا هسه مرحتي للمستشفى تتسممين وتورم رجلج واحتمال يكصوها
فادية _باوعتله مستغربه ولمحت سيارة عمي ستار صحت عمي عمي
عمي ستار_ها فادية شجرالج
فاديه_سيارة الخط عطلت ورجعت مشي
عمي ستار_وشنو هالدم
عباس_جيت من وراها حجي السلام عليكم
عمي ستار _هلة عمي عبست بوجهة وعليكم السلام
عباس_عمي ترة البنيه واكعه ع بطل مال سم ومشكوكة رجلها واذا متعقمت تنكص التلحكلها للمستشفى هسه
عمي ستار_صار عمي بسع فادية
عباس_صعدت بسع ضليت اباوع عليها بطرف عيني الله يحميها من كل شر
شجن_هالاشهر قربتني من علي سوالفنا وضحكنا ويدرسني
علي_تعاي شجن هاي حالتهة غلط
شجن_لا بابا صح متاكدة منها
علي _لج بابا غلط هاي شلون سالفه
شجن_تتراهن صح
علي _اي اتراهن من راشدي يفر راسج فر
شجن_واذا صح
هلي _شتريدين سوي بس مو تضربيني عليج الله عيب اني رجال
شجن _ههههههه ماشي باوع الناتج نفس الشي بس الطريقه تختلف ضربتها طرفين بالوسطين وكلبت المقام هاا
علي_هااااا هسه فهمت
شجن_شوً وجهك وجهك اشوفة
علي_اي عبالي غلط
شجنً_لا صح يلا انطيني ايدك
علي _ماما اخاف
شجن_طيني ايدك خزرته وجريتها عضيته قوي
علي _اخ اخ شمربيلي چلب بوليسي بللبيت
شجن_هههههه يلا تصبح ع خير
علي_هاي شلابسة مال تيمون وبومبا
شجن_شمعرفني امي جابتها
علي _بس حلوة عليج ابتسمتلها
شجن_درت وجهي عليه شكرا كلتها بصوت ناصي
علي_شجن شجن بس تعاي دااكولج
شجن_هاا يمعود دنام باجر عدنا دوام
