غلطه العمر

البارت الخامس

بدأت السنه الدراسيه التانيه في الجامعه..اصبحت كثيرة الغياب..مهمله لمحاضراتي ..حتى عندما اكون في المحاضره شرد فيه واحلام ورديه ورومانسيه..خليت بنت خالتي تبطل تجيني للبيت نذاكر سوا بحجة اني صرت انام بدري..بس عشان مااضيع اي وقت ما اقضيه معاه..بنت خالتي حاولت تنصحني اهتم بدراستي قلت لها وانا اناظرها واضحك خليك في نفسك ياحبيبتي انا ماينخاف علي تعرفيني..وتمر الايام وانا كل يوم اغرق في هذا الشاب اكثر وفي كلامه عن الحريه والعداله والثقه في النفس ..قالي ماتعملي الا الشي الي تحسي انك تبغيه..ماكنت ادري اني امشي ورا هواي ..لحد ماجا يوم وقالي ابي اشوف صورتك..انا للاسف فرحت من داخلي بس رفضت اعطيه مو عشان حرام بس عشان اخليه يتشوق اكثر..بعدها بايام ارسلت له صورتي بكل فخر ..اشتعل لهفه واعجاب..قال انتي اجمل بنت انا شفتها بحياتي وانتي وانتي وطبعا انا غروري صور لي انه صادق طبعا لانها الحقيقه انا شايفه نفسي احلى واحده ..كان موسم الامتحانات النهائيه بالجامعه فقررت اذاكر لكن ماخلاني دقيقه ظل يلح طول الوقت علي عشان اقابله وانا كالعاده عذبته بالرفض عشان تزيد لهفته الين وافقت..حددنا المكان والوقت كان نفس وقت امتحان ماده بالكليه..مارحت امتحن وقلت بقدم بعدين اي عذر وامتحنها ..ورحت اقابله وامي في المدرسه تحسبني بروح امتحن..ماشافتني يوم طلعت بعبايتي الضيقه والخواتم والاساور والمناكير بيدي والكحل والعدسات والعطر الي خلصته على نفسي ولبست الكعب برغم مايحتاج لاني طويله اصلا..ياريت امي كانت موجوده يومها ياريت ياريت..ياريتني سمعت كلام اختي الصغيره يوم شافتني وقالت لا تخرجي تعالي العبي معي.كنت بلعب معاها و.ما كنت ادري اني بصير انا لعبه اذا طلعت.