غلطه العمر

البارت السادس

نزلت وكان واقف بسيارته في المكان الي اتفقنا عليه وركبت معاه السياره..عطري وزينتي اثارت غرائزه وجلس يقول شعر وكلام غزل بصوت غير المعتاد وانا اضحك في سري اني عجبته..البنت فعلا ضعيفه يابنات..انا ذبت مع كلامه وصوته وبديت اذكر مواقف الرومانسيه في الافلام والاغاني ع بالي انا جولييت وهو روميو,,بعدها قال لي انا عازمك تشوفي شقتي وسويت لك فطور اوربي احسن من اي مطعم هنا..بالاول ترددت بس الخبيث كان عارف ان نقطه ضعفي الغرور فقال خلاص شكلك تخافين بلاها ,,وانا رديت بكل غرور من الي تخاف؟ انا؟ شكلك ماتعرفني,, وطلعت انا قبله وهو خلفي عشان اوريه اني واثقه في نفسي..شوفوا لوين سحبني شيطان غروري,,طلعنا الشقه بالبدايه اكلنا وتكلمنا عادي ..بعدها شغل الكاسيت على الاغنيه الهادئه الاجنبي الي انا احبها وهو عارف ..ولع سيجاره وجاب كاسين وزجاجة خمر..وصب في الكاسين..سالته وش هذا رد بوقاحه خمر..كنت انا اعرف انه يشرب خمر لكن مايسكر وعشان كذا ماتفاجات..قالي تجربي قلتله مستحيل..ما ني تافهه اسكر واضيع عقلي..قال خايفه تسكري؟ فكرتك قد حالك وبعدين العرب متى بيبطلوا جهل يعني ايش ممكن يعملوا هذه الشويه بس يلا الغرب معقدين..البنات زميلاتي في النمسا كانوا مايخافوا وكلهم ثقه بنفسهم و..لسه ماخلص كلامه كنت اناشربت كاس الخمر مره واحده بكده حققت له هدفه..قالي يلا نرقص سلو على الاغنيه مادريت بنفسي الا وانا ارقص والعبايه على الكنبه ...وبعدها,,اخذ اغلى ما املك واعطيته عن طيب خاطر !