غلطه العمر

البارت الثلاث و عشرون

سكرت باب الزنزانه بالمفتاح ومشيت وانا جلست على الفراش..البنات الي معي بالزنزانه قالولي ويش في قلت بشروني بكره انجلد
قالولي ليش زعلانه هذا كاس كلنا بنشرب منه ..نامي ولاتفكرين وناموا وشخرو كمان وانا ماغمض لي جفن من الخوف والندم..جالسه اذكر الي حصل بيني وبين الي كنت افكر اني احبه..الخمر والرقص والاغنيه واللمسه الملعونه واللذه..ما دامت غير ثواني وضاعت وحياتي ضاعت معاها...وبقى لي الالم والندم والمذله ولاحول ولاقوة الا بالله,,ظليت صاحيه لين اذن الفجر ورن الجرس قمت اصلي وبعدها جلست استغفر
خرجت وقت الفطور وحاولت اكل بس ماقدرت المسه رجعته ومشيت لزنزاتي وجلست فيها..ماعرف متى كان الوقت لما جت لي وقالت قومي وبيدها الكلبوش مفتوح مديت لها يدي وقلت يعني ضرب وكمان قيد والله حرام قالت معلش هذا لاننا بنخرج المبنى التاني ..يلا تحركي بسرعه بس اما قفنت وقلت بس سؤال واحد الله يوفقك قالت طيب اسالي بسرعه
قلت مافي مجل تدقون على ابوي وامي يحضرون ويشوفوني وانا وانضرب؟ يمكن يقتنعوا اني اخذت جزائي ويسامحوني قالت لا ممنوع والان تحركي مشينا مسافه تحت الشمس وكانت حاااره ..المهم وصلنا الغرفه الي يطبقون فيها الجلد ومن وراها كان في زي قفص شبك كبير وداخله في مسجونات تانيين قلت اكيد هذول نفس جريمتي يعني كلنا بننضرب ..ياويلي
فتحت الحارسه باب الشبك ودخلتني وقفلت بالقفل وقالت لنا اسمعي انتي وياها..الشيخ بيجي هو والناس..رجال..يعني ما اسمع صوت منك ليها قالت واحده من البنات طيب ولو صيحت من الالم قالت لا ماتصيحي امسكي نفسك مهما كان..بعد ما اتنظرنا فوق الساعه وصل الشيخ والمندوبين..وبدات حفلة الجلد..كل واخده يجي دورها وينادوها يطلعوها يخرجوها من الشبك ويدخلوها الغرفه ويقرا الشيخ التهمه والحكم..
رغم التحذير في بنات ما قدروا يحملوا وصرنا نسمع البكاء والانين وصوت الضربات وكل مانسمع البكى والصراخ نرتعب اكثر.. وندعي..