لف يمين

مشاكل جميلة

بالليل كريم رجع بيته و معاه شوية فلوس حلوين ، شوية لقي جميلة بترن عليه .
كريم : الو ؟ ايوا يا مدام جميلة خير ؟
؟؟؟ : انا عاوزك تبعد عن مراتي خالص ممكن ؟
كريم : بس انا بعيد عنها ..
؟؟؟ : امال اديتها رقم موبايلك ليه ؟
كريم : يا باشا هي اللي كانت عاوزاه والله .
؟؟؟ : لا والله ؟!! هي قالتلي ان انتا اللي طلبته منها !!
كريم : ... حضرتك .. انا اسف .. مش عاد ليا دعوة بيها .
كريم خلص المكالمة ، و قلب الموضوع في دماغه و قال لنفسه : ممممم .... جميلة ، انتي بتوقعيني ايوا انا كده فهمتلك ، لا يا حبيبتي انا بقي هلعب معاكي زي ما انتي بتلعبي معايا كده بس اصبري عليا ، ماشي ، انا هنجز الموضوع ده .
تاني يوم الصبح ، جميلة قالتله ييجي يروحها من البنك عشان تعرفه بيتهم .
كريم راحلها واللي في دماغه لسة في دماغه ، ركبت جميلة معاه لما وصل ، و في الطريق جميلة قعدت تتكلم معاه و تحكيله عن مشاكل حياتها ، و عن جوزها اللي هي مش بتحبه و هو عايش معاها و مش بيحبها علشان فلوسها و بس .
كريم زعل عشانها بس افتكر موقف امبارح ، فلما وصلها البيت سألها : هو انتي قولتي لجوزك اني انا طلبت منك رقمك ؟!
جميلة : لا والله مش قولتله .
كريم : امال هو امبارح اتصل بيا و قالي كده .
جميلة : انا بجد معرفش انت بتتكلم عن ايه ، كل اللي قولتهوله اني ركبت معاك و طلبت رقمك و هو مكانش زعلان ، ده اللي حصل والله العظيم يا كريم متفكرش غلط .
كريم : ...طب خلاص ماشي ، عاوزة حاجة ؟
جميلة : لا شكرا .
كريم روح بيته ، و قعد يسأل نفسه : يا تري هي اللي ناوية شر و لا هو ؟!! هما عاوزين مني ايه ؟!!
و قعد يفكر و في الاخر قال لنفسه : خلاص ماشي ، انا اركبها و اتصاحب عليها لحد معرف مين اللي غلطان .
شوية لقيها بتتصل تاني ، رد لقيه جوزها بيقوله : يعني انا اقولك مش ليك دعوة بيها ، تركبها معاك و تشتمها و تزعلها كمان ؟!!
كريم : نعم ؟!! لا دا انتا بتظلمني كده بقا !! هو فيه ايه ؟؟!!
جوز جميلة : اخر تحذير : ملكش دعوة بيها !!
كريم قفل السكة ، و قعد يفكر : ممكن تكون هي اللي مدبرة الموضوع ، او هو غيران عليها ، بس قبل ما افكر لازم اعرف عمرها الاول عشان ابدا اشتغل .
تالت يوم كريم صحي و لقي جميلة بتتصل ، راحلها البيت عشان يوديها البنك .
سألها عن عمرها ... قالتله انها اتخرجت من شهر ، و اول يوم وصلها فيه كان اول يوم شغل ليها !! هنا كريم كان من حقه يبدأ يشك !!
رجع البيت ، و الساعة 12 الضهر اتصلت بيه و قالتله يرجعها البيت .
كريم راح يوصلها ، و لما ركبت معاه رجعها بيتها ، و سألها : انتي عاوزة ايه بالظبط ؟!!
جميلة عيطت جاااامد و بدأت تتكلم : يا كريم انا بجد بحبك و نفسي اكمل حياتي معاك ، نفسي اطلعه من حياتي و اجيبك مكانه ، هو بيكرهني جامد و مش يستحق فلوسي اصلا ، انا عاوزاك .
كريم زعل من جواه ، وحس انها بدأت تشغل قلبه بجد ، فقالها : جميلة انا ... بدأت احبك انا كمان .. بس لو انتي عاوزة تبقي معايا لازم تبعديه عننا الاول ، مش تقلقي ، انا هرجع البيت و افكر في الموضوع .
جميلة : بسرعة يا كريم ارحوم قلبي مش مستحمل اكتر من كده !!