إنتقام الجن

الجزء 02

قلت رانيا عاينت لي ووقعت ع الارض...

صحيت زوجي وحكيت ليو الحاصل قال لي تاسير الحمي..

كانت الساعه 5 الصباح قمته وشربتها مويه بس م شربت كتير ورقدته الشي الحيرني انها كانت فاتحه عيونه وبتاعين لي باب الخيمه وحتي م بترمش...

اذن الصباح وقمنا نصلي سمعت صوت رانيا بتقول لي امي عاوزه شاي قلت الحمدلله قربت منها ولمستها كانت الحمي نزلت منها قلت لي هسي بسوي مشيت صليت وسويت الشاي وجبته ليها لقيته قاعده شربت ورجعت رقدت ف محلها...

زوجي جا قعد جنبها واتكلم معاها قلت لي ابوي انا ماشه الجنه انصدم زوجي من كلام رانيا وقال ليه بعد عمر طويل وفجاء بدت رانيا تهتز بقوه شديد وجسمها بقي بارد وعيونها جحظت وبقي تنفسها صعب بقت تقول ابوي صدري زحو مني.

شاله زوجي وطلع بيها برا بس رانيا لسه مخنوقه اخر كلمه قالت رانيا انا خلاص ماشه الجنه ايوه ماتت رانيا وم عرفنا السبب لي وكيف يومين بس حمي وماتت...

كل سعادتنا وفرحنا اتبدد وراح وخيم الحزن...

بعد اسبوع من موت رانيا قررنا نرحل ولمينا كل شي وفكينا خيمتنا وبدينا رحلتنا...

بعد تلاته يوم سفر وصلنا منطقه ف كلها قش وارض خضراء وجميله وبحيره صغيره نزلنا وخيمنا وولعنا النار وبديت اطبخ اتعشينا ونمنه لان كنا تعبانين من السفر...

شفت رانيا جايه من بعيد وبتتكلم معاي بس م فهمته كلامه بس بينت زي البتحزرني من شي...

صحيت مخلوعه من النوم لقيت الساعه 5 نفس مواعيد موت رانيا صحيت زوجي وقمنا لي الصلاه وولعته الحطب وسويت الشاي وقعدته جنب زوجي الكان حزين شديد ع رانيا وانا عيوني م جفت من البكي....

وحكيت لي الحلم الشفتو..

زوجي اندهش وقال لي انا شفت نفس الحلم بس كانت بتقول لي انت السبب اخواتي اعمل حسابك اخواتي...

وصحيت ع صوتك وانتي بتصحيني..

بس ده معانه شنو انا م فاهم حاجه...

فجاء بتقوم رنا من النوم وهي بتصرخ

جريت عليها ولحقني زوجي كانت بترجف شديد مالك رنا في شنو بسم الله...

امي امي رانيا كانت قاعده جنبي ووشها كان مخيف شديد

بسم الله الرحمن الرحيم

م تخافي قومي اشربي الشاي

زوجي وقف متحير وانا جسمي ةلو برجف من الخلعه..

قال لي كابوس ماف شي انا قلبي كان مقبوض شديد بس قلت ده حزني ع رانيا...

طلع زوجي عشان يرعي وبعد ساعه تقريبا جا راجع بس المره دي وشو كان باين فيه الهلع والرعب...

سالتو مالك في شنو قال الغنم فجاء جنو وبقو يعضو ف بعض لمن بقيت اهدي فيهم واضربهم واحاول ابعدهم من بعض ظهر القط وابتسم لي وحسيت زي كهرباء لسعتني ف كل جسمي ووقعت ف الارض بدون م احس ولمن صحيت لقيت الغنم برعو عادي ومافي شي من الشفتو ف الاول

يتبع....