التوأمتان

الحلقة الاولى

الحلقة ألاولى

------------

يشار:عايز تموت نفسك وتموت كافر..هانة عليك نفسك .. طب أنا هونت عليك ..مفكرتش فيا مفكرتش أنا هقدر أعيش من غيرك أزاى..

سيف وهو نايم على السرير ووشه أصفر من التعب: متزعلش منى .. غصب عنى..

يشار:انا عمرى ماهزعل منك أنت أبنى .. مش أبن اخويا الله يرحمه .. أخويا ومامتك سابوك أمانة فى رقبتى وأنت لسه كان عندك خمس سنين الله يرحمهم هما الآتنين..أقول لنفسى ايه معرفتش أصون الامانة..

سيف: أنا عارف اللى انا عملته ده غلط...كان فين عقلى لما فكرت أنتحر.. تعرف ياعمى لما شوفت نفسى بموت دعيت ربنا اللى انا أفضل عايش ..مكنتش عايزأموت وأنا على معصية...خلاص أنا هبقى أنسان كويس ومسئول ..

يشار: الحمد الله أنك طلعت من التجربة وأنت سليم..أناعايزك تقولى هو انا أقصرت معاك فى حاجة.. كنت علطول بقولك خلينا أصحاب واحكيلى عن كل مشكلك..

سيف: ماأنت عطول مشغول ومش فاضى وشغلك واخد كل وقتك..

يشار: مش فاضى لآى حد ..ألا أنت .. أنا أسيب الدنيا كله وأجيلك ..لو كنت وسط أيه حسيبو وأجيلك..أنت أبنى اللى مخلفتهوش..

أحكيلى بصراحة ليه عملت كده .. ايه الحاجة اللى وصلتك لدرجة أنك تكره حياتك وتفكر تموت نفسك..

سيف: أنا حكيلك على كل حاجة..الحكاية ابتدت لما كنت فى دبى مع صحابى فى أجازة الويك اند..وحضرت عرض أزياء ..وشوفتها وهى ماشية على catwalk ..حبيتها من أول نظرة.. مش عارف اوصفلك احساسى أول ماشوفتها قلبى فضل يدق جامد ..كلها على بعض عجبتنى ..نظرة عينيها ..مشيتها ..ولا الهالة اللى حوليها اللى بتقول ممنوع اللمس ..أنت أقصى حاجة عندك أنك تبص بس..أنا عرفت بنات كتير وكسرت قلوب بنات كتير.

هى ياعمو عرفت تخلينى زى الخاتم فى صبعها..

فلاش باك

بعد ماأسيل خلصت عرض الازياء ..كانت وافقة معا واحدة صحبتها فى ريسبشن الفندق..

روان: شايفه يأسيل الشاب اللى واقف هناك عند موظف الاستقبال..ده ياستى من عائلة غنية أوى وعمه غنى أوى ..

أسيل: بجد الكلام ده يارورو..

روان: أيوه ياحبييتى..

أسيل: بصى عليا وتفرجى وشوفى الشغل اللى على أصوله ..أما وقعته فى غرامى مابقاش أنا أسيل..

روان: مش هتقدرى عليه..ده دنجوان كل البنات بيترمو تحت رجليه..

اسيل: كل البنات اللى عرفهم مبيقوش أسيل..

روان:يابت ياواثقه أوى من نفسك..يلى ورينى الشغل اللى على أصوله..

سيف كان وافق بيسأل موظف الاستقبال: عايز أعرف رقم الاوضة بنت اسمها أسيل..