التوأمتان

الحلقة الثامنه

الحلقة الثامنة

------------

أنا عايز أتجوزك أنتى ..عشان متأكد أنك هتكونى زوجه مخلصه ليا حتى لو بتكرهينى..أنا جايلك بكره عشان أسمع ردك وسابها ومشى..

أثير عايزه تضرب دماغها فى الحيطة وبتقول لنفسها ليه أنا بالذات اللى بيحصل معايا كل ده..

أثير فضلت سهرانه تفكر تعمل أيه وهتقوله أيه لما يجى ليها بكره هترد هتقوله أيه..

ماأنا لوقلت لآ مش هيسيب أسيل فى حالها وهينتقم منها ولو قلت أه ده أنا أموت فيها..

أنا مقدرش أستحمل قربه منى طب هستحمل أزاى لمسة أيديه لما نتجوز..

وراحة مسكه دماغها وبتقول أه يادماغى ..روح منك لله ..أنت أكيد مش بنأدم وهى مسكه دماغها جات ليها فكرة جهنميه وأخيرا هعرف أنتقم

منك وهرد ليك القلم قلمين وخلاص قررت هى هتعمل أيه وهتاخد حقها منه أزاى..

يشارأول مادخل الاوضة شاف أثير نايمه على الكرسى وباين على وشها التعب وقلة النوم فى اللحظة دى فكر يمشى بعيد عنها ويخرج بره حياتها نهائى..

وهى أول مافتحت عينيها كان يشار واقف قصادها..

أثير بسخرية: أنت أيه اللى جابك بدرى كده..

يشار أتجاهل سخريتها: ردك أيه..

أثير : موافقه..

يشار: قالتى أيه..

أثير: موافقه أتجوزك..

يشار: مكنتش متوقع أنك هتوافقى بالسرعة دى ..لدرجه دى حياة أختك وسعادتها تهمك أوى ..

أثير: أنت بنفسك قولت أختى ..أختى عمرى ماهعوضها ..أما أنت كزوج ممكن تتعوض عادى..

يشار: تقصدى أيه بكلامك ده..

أثير : قصدى أنت فهمه كويس.. ماأنا مش هفضل متجوزاك علطول وأكيد هيجى وقت وهنطلق فيه وأنا متأكده أن الوقت ده هيكون قريب وقريب أوى كمان ..

يشار: وأيه اللى مخليكى متأكده كده أنى ممكن أطلقك ..

أثير: بكره هتشوف..

يشار: وأيه بكره هشوف.. هو أنتى ناويه على أيه..

أثير: أنا مش ناويه على حاجه خالص..

يشار: أنا قلبى مش مطمن خالص أنا حاسس بمصيبه هتعمليها أيه مش عارف..

أثير قررت تغير طريقة كلامها وتعصر على نفسها لمونه لو عايزه

خطتها تنجح ..

أثير: هو أنا بردو وش كده ..ده أنا حتى كيوت خالص ..

يشاروهوبيضحك: هو أنتى لسه هتقوليلى ده أنا مجرب الكيوت بتاعتك دى عالمله أزاى..أمال لو مكنتيش كيوت كنت عملتى أيه ..أكيد كانت الدنيا ولعت..