التوأمتان

الحلقة التاسعة

الحلقة التاسعة

-----------

أسيل : أوباااا..يانهار مش باينلو ملامح..أحكيلى هو عمل معاكى أيه بالظبط ..يلى أحكى كل حاجه حصلت معاكى بالتفصيل..

أثير قالت لآختها نص الحقيقة ومردتش تقول ليها أنه عذبها وكانت هتموت بسببه..

أسيل والدموع فى عينيها : يعنى يشار خطفك وحبسك وكل ده حصل معاكى بسبب أستهتارى ..بس والله دلوقتى أنا أتغيرت وبقيت واحدة تانيه.. خلاص أسيل المستهترة مبقتش موجوده..أنتى مصدقنى ..

أثيرأخدت أختها فى حضنها: طبعا مصدقه ومالك زعلانه أوى ..ماهو لولاكى أنتى واللى عملتيه ماكنتش قابلت يشار ولا حبينا بعض..

يابت ياخيبه المفروض تبقى فرحانه مش زعلانه..ده أنا هتجوز خلاص..

أسيل : غصب عنى يأثير هو اللى حصل معاكى ده شوية ..ده أنتى أتخطفتى بسببى أنا ..أنتى بجد أنسانه عظيمه مستاهلش ابقى اختك..

أثير: طبعا متستاهليش هو أنتى تطولى واحدة زيى تبقى أختك..

أسيل: عندك حق..قوليلى هو أنتى بتحبى يشار..

أثير: كلمه بحبه دى قليله عليه ده أنا بموت فيه ومتخيلش حياتى من غيره هتبقى أزاى ..

أسيل: مادام الحب جامد بينكم أوى ..قوليلى بقى أمتى حصلت شرارة الحب بينكم..

أثير: فى الطيارة ..أصله كان قاعد جنبى بس حبه للآنتقام كان مخليه أعمى ..ولما عرف اللى أنا أبقى أثير حبنى أوى أوى وبقى بيعمل أى حاجه عشان يرضينى ويخلينى مبسوطه ..كان معايا فى منتهى الرومانسيه والرقه..

أسيل: قوليلى هو عرف أزاى أنك مش أسيل..

أثير: أنتى عارفه التاتو المرسوم على كتفك من تحت الموجود فيه حرف الاس..

أسيل: أوبا اا ..وده عرف بيه أزاى مفيش غير سيف اللى يعرف بيه..

أثير: ياختى عسل ماالاستاذ سيف بتاعك فرج عمه على كل الصور اللى كانت بينكم..

أسيل: أستنى عليا شويه فى الكلام ..اللى فهمته من كلامك صح ..هو يشار أقلعك هدومك ماهو مش هيشوف التاتو اللى بالطريقة دى..

أثير: هو عمل ده غصب عنى ..هو صمم يشوف التاتو بالعافيه بعد ماحاولت أقنعه أنى أبقى أثير وأسيل تبقى توأمى فهو أفتكر الصور اللى سيف فرجها ليه فصمم يشوف كتفى أذ كان فيه تاتو ولا لآ وكان عايز يعرف أذ كنت بقول الحقيقة ولا بكذب عليه..

أسيل: ومن هنا أبتدت شرارة الحب تزيد بينكم ..مفيش أحلى من كده قصة حب ..لما كده الانتقام يتحول لحب..

أثير : عندك حق وكمان ينفع أفيش فيلم ..قوليلى هتعملى أيه فى الصور اللى مع سيف..

أسيل: بلاش سيرة الصور دى ..ببقى عايزه أضرب دماغى فى الحيطة لما بفتكر اللى عملته معاه وأد أيه كنت وحشه..