حبك قدري وليس اختياري

بارت 4

كعدت الصبح على صوت العصافير.واني بنفس ملابسي ومكياجي دخلت للحمام كان بنفس الغرفه واخذت شاور ولبست دشداشه برموده ماروني  وفتحت شعري وخليت مكياج خفيف وكعدت عالسرير وكلت لازم اجمع قواي.وما اضعف واروح احجي وياه لازم اخلي حد لعلاقتنا ميصير نبقى بهيج وضع  طلعت شفته نايم عالقنفه بالصاله وخال الهتفون باذنه ويخابر ويحجي بصوت ناصي وعبالك بعالم ثاني تمنيت اكون مكانها ولو لحضه حبيت اشوفها شنو تحس ومهند يحبها ويحسبلها الف حساب اكيد راح تكون سعيده اووووف الف حسره والف ااااه  خال الموبايل عالطبله يمه كمت اني فتت للصاله وسديت الخط وكعدت يمه هو تفاجأ من تصرفي وكعد على حيله

مهند : ليش سويتي هالشكل شكو

رغد : اريد احجي وياك ولازم تسمعني وتفهمني

مهند  :خير ان شاءالله

رغد : بعد هذا الفلم كوله الي انت رتبته حضرت جنابك متكولي شنو تاليتنا يعني شنو راح يكون مصيري وشنو نهاية علاقتنا

بده موبايله يدك وهو يرفضه عرفتها سحر الي ادك عليه بس مجاوبها

مهند : باوعي اني صحيح ضلمتج واني اسف صدكيني غصبن عني وما اكدر اخون حبيبتي صارلنا سنتين نحب بعض ومتواعدين على الزواج بس امي مقبلت عليها لان من كانت تروح لبيتكم كانت كولش تحبج وتمدح بيج كدامي ليل ونهار بس عذريني اني كنت ولا زلت ما اشوف غير سحر ولو ماكو سحر بحياتي كنت اتمنى تكونين زوجتي صدكيني داحس بالذنب بس خوفي على امي خلاني اضلمج اتمنى تقدرين هالشي وتسامحيني

رغد :  هذه مال اسامحك اعذرني ما اكدر لان الضليمه شينه مثل ميكولون بس خليها على الايام يمكن اكدر اغفرلك وتالي شنو نبقى هالشكل الحل شنو

مهند : راح نتفق اتفاق واتمنى توافقيني وما تعترضين

  رغد : تفضل شنو الاتفاق اذا يعجبني ليش لا

مهند  :راح نبقى متزوجين ٦ اشهر لحد ما سحر تكمل كليه اخر سنه الها واني اجهز نفسي ونشوفلنا عذر ونتطلك وكلمن يروح لحاله لان همين ما اكدر اطلكج اخاف على سمعتج مهما يكون انتي بنت خالي وسمعتج تهمني

رغد : والله زين شغلت تفكيرك  شوي بس اكولك انتم هيج يعني كولشي عدكم عادي بس اني عندي شرط

مهند : تفضلي شنو شروطج موافق مقدما

رغد : هو شرط واحد ومهم بالنسبه الي انو انت  تعاملني معامله زينه لان فوك ما ضلمتني ما احب انقهر اكثر  ونكون اصدقاء

مهند :ماشي موافق بس كدام الناس وكدام امي واهلج احنا متزوجين ونتصرف على هذا الاساس لحد ما تنتهي المده الي بينا

رغد  :ماشي الحال موافقه ورى ٦ اشهر كلمن يروح لحاله وينتهي كولشي اوكي اني من رخصتك

كمت من يمه ورجع اتصل بسحر ويتعذرلها ويسمعها احلى كلام واني نار وشبت بيه نيالها شلون يحبها ووفي الها واني حضي شلونه  دخلت لغرفتي وشبعت بجي ياربي ليش حضي هيج.والله احبه شلون بيه شلون اكدر اتحمل يارب انطيني القوه والله تعبت وانهارت اعصابي دكت الباب عمتي جايبه الريوك تعالي رغوده تريكي حبيبت عمتج دخلت بوستني وهلهلت وشاورتني

عمتي : شلون يومكم ماما كولشي تمام

رغد : خجلت وكتلها كولشي تمام الحمدلله

عمتي : اللهم صل على محمد وال محمد كلوووش

مهند يباوع عليه عباله راح احجي كعدنا تريكنا  وعمتي تريكت ويانا وهو عينه بموبايله خلصنا اكل شلت السفره ورتبت البيت

عمتي : لا يوم انتي عروس اني اشيل كولشي انتم بس اكعدو اني كولشي اسوي

خطيه كانت حيل فرحانه

رغد :  لا عمه ابد متسوين شي اني احب اسوي كولشي بأيدي

عمتي : فدواتك ربي الف الحمدلله والشكر حققت امنيتي وجبتلي رغوده حبيبتي اريد تتحملين مهند شوي هو طبعه ميجامل وجدي بمعاملته بلكت يتغير على ايدج

وباستني

رغد : ماشي حبيبتي انتي لا تشيلين هم ان شاءالله يتغير وبگلبي اكولها شنو تحجين يا عمه ليش هو معترف بيه وطلعت راحت لبيتهم  مر اسبوع على زواجنا واني ومهند مثل الاغراب كل واحد منا بغرفه وهو ملتهي بس بموبايله واني كتلتني الوحده ومن تخابر امي الف حسره وعبره بداخلي وافهمهم اني سعيده ومهند مدللني وهو اصلا ما حاس بوجودي