وفعلا مر اسبوع واخذ مهند اجازه ورحنا لبيت اهلي من غير ما نعلمهم وكانت المسافه طويله لحد ما وصلنا ونزلت من السياره والكل متفاجئ واجوي علينا يركضون ويحضنون بيه ويبوسون واخوي كمال شالني وركض بيه للبيت وامي تلكتنا بالاحضان تعرفون بنتهم الصغيره والمدلله بعدها سئلوني عن عمتي وراحتي وبيتي واني اجاوبهم كولش مرتاحه ومهند يباوع عليه مهند حسيت بيها كولش ارتاحت وتغير وجهه من شافت اهلها وبديت انقهر عليها وشلون ضلمتها
رغد مهند مقبل يبقى كال لازم ارجع واصرو عليه اهلي يبقى فكال بس اليوم ابات يمكم بس باجر الصبح ارجع خابرنا على عمتي وبلغناها احنا راح نبقى وهي بالعكس فرحت لفرحنا تغدينا وبعدها صعدنا لغرفتي كوتله
رغد : تفضل اعرفك بغرفتي
مهند :اهلا وسهلا ههه كنتي سعيده عند اهلج مو
رغد :فوك ما تصور كانت حياتي حلوه وما عندي عذاب
مهند :والله داحس بالذنب لان سلبت منج الراحه رغد ياريت تسامحيني
رغد: مو وكته هالكلام مهند كولشي بوقته حلو
وبيني وبين نفسي اسامحك على شنو وله شنو على دموعي لو سهري واني لوحدي لو احتقارك الي لو سوء المعامله خليها على الله
كعد على القنفه واني عالسرير
رغد :اسفه لان اخرتك عن دوامك
مهند :لا عادي يوم واحد ميفرق
رغد اوكي اني من رخصتك اخذ شاور واغير ملابسي
دخلت للحمام وهو بقى طلعت لگيته نايم عالسرير محبيت ازعجه مشطت شعري وتعطرت ونزلت يم كمال اخوي
رغد :هلو كيمو شلونك
كمال :والله مشتاقلج ومشتاق لسوالفج ولضربج ههههه
رغد :اني همين وحضنته
كمال :ديلا تعالي نلعب بلي لان من رحتي محد يلعب وياي
رغد :يمكن اشتاقيت للخساره وطبعا كعدنا نلعب اني وياه محسينا اله مهند يصيح بينا لان اصواتنا عاليه مهند :كومي رغد اني العب ويه كمال
رغد :اوكي حبي تفضل
شويه واجه علاوي وهو يصيح من الباب رغووود ولج عوبه مشتاقلج واجه حضني وباسني من راسي
رغد يا عيني والله انه اكثر
ومهند التفت علينا ويخزر بيه اجه سلم على مهند وكعد يمهم وتالي كال تعالي نطلع بالحديقه طلعنا اني وعلي بره وسألني عن احوالي وسولفتله كولشي بحكم الصداقه والاخوه الي بينا
أنت تقرأ
حبك قدري وليس اختياري
Romanceقصه حلوه ومنقوله (مااعرف اسم لكاتب) اتمنى ان تنال اعجابكم طلب احد الاصدقاء
