حبك قدري وليس اختياري

بارت 12

من بعد الصراع الي صار اني ساكته كولشي ما احجي لان حجيت الي نفسي احجيه  هدئت شوي وبده مهند

مهند :  خلاص الي صار صار واني اعترف غلطان بس لازم نفكر بحل يرضي جميع الاطراف

رغد  :وشنو الحل ترى زمام الامور كولها بيدك مهند اعرف هالشي مهند  :خلاص سحر موعد زواجنا ما يتغير ويبقى الحال مثل ماهو  ورغد راح تبقى عايشه ويانا بنفس غرفتها الى ان تولد بالسلامه ولكل حادث حديث

سحر  : لا والله هذا مو حل اني ما اتحمل تبقى ويانا ونفس البيت لازم تروح  لازم تنزل الولد

رغد :  هذا باحلامج ميصير مستحيل انزل ابني حرمتوني من كل فرحه بحياتي مستحيل اخليكم تمنعوني من فرحة ابني صبرت وتحملت هواي بس لهنا وكافي

مهند : لا مينزل الولد راح يبقى ورغد راح تبقى ويانا وانتي براحتج سحر القرار الج

سحر :  اوووف اني اجي ساعتين ما اتحملها هنوب اعيش وياها

رغد  :والله هذا الموجود اذا ميعجبج انسحبي ويكون افضل 

سحر :  مستحيل اعوف مهند الج

يالله مهند امشي وصلني اريد اروح طلعوا مهند وسحر بصراحه لاول مره احس اني قويه او حسيت لازم اصير قويه علمود احمي ابني وفرحت حيل لان راح ابقى ويه مهند بس شلون راح اتحمل سحر وشنو راح يصير لو اجت كعدت وياي واشوفها بغرفة مهند اموت قهر رجع مهند وشافني كاعده بالصاله داتفرج عالتلفزيون اجه كعد يمي وباسني من راسي

مهند : مبروك رغد والله فرحت لان انتي حامل وراح اصير اب ربي يقدرني واسعدكم انتي وابنج

رغد :  مهند انت ليش يمها ممهتم ويمي مهتم

مهند  :باعي رغد ما انكر زواجنا صار غصب عني وانتي نجبرتي عليه جبر بس صدكيني بعد ما عشت وياج وشفت طبعج حبيتج والله حبيتج حسيت بشعور غريب حسيت لاول مره بحياتي احب عشقت كولشي بيج وجهج جسمج طولج تصرفاتج طبعج وبرائتج عمري مشفت انسانه حساسه وطيبه بهالشكل يوم بعد يوم جان هواي شغلات تتغير تجاهج واجبر نفسي ابتعد عنج لحد ما كعدت بيني وبين نفسي وگلت مستحيل اكدر اعوفها اريدها الي اريدها زوجه وام اطفالي وبنفس الوقت ما اريد اظلم سحر فصار الي صار وجنت اتمنى تكونين حامل وخلي يصير الي يصير اهم شي انتي الي زوجتي وحبيبتي اووووف يا يمه منين جبتيلي هالورطه مو جنت قابل وقانع بسحر هنوب صرتي انتي حياتي رغد احبج والله احبج وحضني وباسني حيل من شفايفي اوووف شيطفيها ناري كومي وياي للغرفه بعد ما اتحمل

وضلينا كل يوم ننام بالغرفه سوه ونتشاقى ونضحك وحب ودلع عشت احلى ايام عمري

وبده يختلق حجج ويأخر زواجه من سحر

وفعلا  تاخر زواج مهند وسحر يوميه يطلع سالفه مهند وياخر بيه حتى يشبع مني لحد ما فاض بيها سحر وتعاركت وياه وقرر يتزوج بيوم الخميس من الشهر الجاي وقرر اني الي اقنع عمتي واقنع اهلي بالموضوع الي اصلا اني ممقتنعه بيه شلون اقنع الناس وطبعا مقبلت وگال مو مهم اني اتصرف وصار موعد الزواج وامه ما حضرت العرس بس خواته غصبن عنهم حضروا العرس لان ميحبون يزعلون مهند وهمين ميگدرون يخلونه لوحده مهما يكون يبقى اخوهم  واني رحت لبيت اهلي لان ما اتحمل اشوف مهند بحضن غيري  بس ما اوصفلكم حالي

مهند متوقعت سحر توافق تبقى لان بقيت رغد تمنيت تنسحب من حياتي وتطلع منها مو مني اني كنت ملتزم بكلمه الها وما اكدر اكسر بختها واعوفها مهما كان ضلت تنتضرني سنتين بس شسوي مو بيدي كولشي صار غصبن عني

تجري الرياح بما لا تشتهي السفن