حبك قدري وليس اختياري

بارت 5

بعد اسبوع من زواجنا قرر مهند يداوم كان دوامه من الثامنه صباحا للثنتين ضهرا كنت يوميه الصبح اكعد احضرله ملابسه واجهزله الريوك وانتضره لحد ميطلع ومن يرجع يلكه البيت نضيف والغدى جاهز من احلى الاصناف كان فرحان من يشوف الوضع هشكل واني على اخر حبايه كان كولش مرتاح بقت علاقتنا صطحيه وزاد حبي اله وعذابي يوم بعد يوم لحد ما فد يوم اجه للبيت الضهر وكال رغد اليوم راح يجينا ضيوف اني توقعت موضفين وياه بالدوام جهزي كيك او حلويات من ايدج الحلوه كوتله تدلل من عيوني كمت كملت شغل البيت وجهزت كيك وبقلاوه  وعصاير طبيعيه وجهزت نفسي وترتبت اكثر صارت الساعه بالخمسه انضرب جرس الباب هو كام بكل قوته وراح فتح الباب ورحت وراه داستقبل الضيوف شفت بنيه ضعيفه وطويله وعيونها كبار وسمره شوي بس اسنانها شوي كبيره وسمعته يرحب بيها

مهند :اهلا وسهلا نورتي البيت سحورتي بصراحه ضليت صافنه ومنصدمه من سمعت اسمها اجتي وكفت كدامي وتباوع عليه تك عين وتكول

سحر : هي هذه عروستك الي امك ماتت عليها

ودخلت من غير متسلم عليه وهو كان فرحان بيها وكعدو بالصاله

مهند: شلونج حبيبتي مشتاقلج

سحر: هلو كلبي انت شلونك شقتك حلوه ومرتبه

مهند: يالله حبي شدي حيلج هالسنه حتى تجين تنورينها

واني كنت بالمطبخ الي يطل عالصاله واسمع كلامهم وضحكهم وبداخلي نار وبركان وقهر كملت ورتبت كلشي وقدمتلهم وعيوني نار صارت عليهم

سحر :مشكوره حبيبتي ان شاءالله مبقى شي وترحين منا ويخلص كولشي واجي اني واسكن ويه حبيبي ولزمت مهند من خده

رغد :معوده بعده بوكت هسه انتي تخرجي بالاول وبعدين فكري بالزواج

مهند: شكرا رغد تعبناج

رغد :بالعافيه يروحي

سحر تخزربيه والغيره صايره بركان عفتهم ودخلت غرفتي وطبكت الباب وضليت ابجي ياربي شنو هالعذاب شنو هالجرءه شلون تقبل تجي لشقه شاب لوحدهم وتنفرد بيه شكد رخيصه والله راح اموت وين اروح ومهند شكد قاسي عليه على الاقل كان داره مشاعري شويه مسحت دموعي وقويت نفسي وكلت خلي اطلع اروح يم عمتي مداتحمل طلعت لكيت سحر نايمه على كتف مهند وتسولف وياه من شفتهم هالشكل قررت ما اطلع وابقى كاعده يمهم وعلى كلبهم جبتلي ماعون كيك وعصير وكعدت كبالهم وضليت اكل هي تفاجئت تباوعلي وتباع لمهند دارت عليه

سحر: انتي شعندج هنا متروحين لغرفتج شكو مكابلتنا نريد نسولف عدنا خصوصيات

رغد : ترى هذا بيتي واني بكيفي حبيبتي ميعجبج مشكلتج

سحر : حبيبتي بيتج موقت بعد كم يوم تنشمرين بالشارع

رغد  :والله لحد ذاك اليوم هذا بيتي ومهند زوجي واني مرته وتبقين انتي غريبه

اشو هاي فارت وكامت على حيلها وجرتني من القنفه

سحر :شوفي انتي ديري بالج تتقربين من مهند ترى والله افنيج من الوجود

  رغد: هههههههه شلون مثلا شنو تسوين

مهند :كافي رغد وكافي سحر معودات فضحتونا لا يسمعون الناس

سحر:  هذا الي هامك الناس متشوفها شلون تتجاوز رغد : والله عجيب امرج جايه لبيتي وتتهجمين عليه وتردين اسكت

سحر  :ضلي هسه براحتج بس اذا مخليت مهند يشمرج شمره الكلب ما اطلع انه سحر

مهند : كافي سحر لا تعلين صوتج

رغد رجعت كعدت عالقنفه واكل بالكيك هي فارت من شافتني وباوعت لمهند وطلعت اني بصراحه كيفت بس الي قهرني هو طلع وراها يركض ويخزر بيه عفت الماعون مالتي وكعدت وضليت ابجي بحرگه والله مداتحمل شلون بيه وحيل ضجت وتذكرت ماماواشتاقيت لبابا وتمنيت ارتمي بحضنه وابجي احتاريت شنو اسوي من الضوجه شغلت النت وطلعت رقصه الزومبا وضليت ارقص مثلهم بحركات جنونيه حتى اخفف من التوتر الي عندي والقهر محسيت اله اني ميته تعب وكفت واسمع واحد وراي يصفك وميت ضحك على حركاتي درت عليه وغطيت وجهي بأيديه اجه يمي وكال

مهند: تخبلتي

رغد : ما ادري بيك واكف هنا من شوكت  اجيت

مهند  :من اول ما بديتي تركصين ودموعج تطاير فتحت عيني عليه كوتله

رغد: اسفه مهند عالموقف الي صار بس هي استفزتني مهند : رغد اني الي اسف صدكيني الموقف الي خليتج بيه غصبن عني واسف لان انتي ضحيه صرتي والله داحس بالذنب بس مبيدي شي وانتي تعرفين الضروف رغد :مو مشكله بس ممكن اطلب منك طلب

مهند : اكيد تفضلي

رغد : اريد اروح يم اهلي ابقى كم يوم والله مشتاقتلهم

مهند : ماشي الاسبوع الجاي اخذ اجازه اوديج تبقين كم يوم واني ارجع

رغد  :شكرا مهند وحضنته وبسته من غير مااحس وهو ضل متفاجئ من تصرفي الطفولي وعفته ودخلت