عُقدة TB.TB

25

البارت لحُلوتي جود❤️❤️.

ما تكلموا وما تقدم اي احد منهم ، عيونهم كان واضح فيها انهم اشتاقوا لبعض ، ونظراتهم توضح الكم الهائل من الشوق اللي فيهم

ايڤان كانت دموعه تنزل بدون ما يحس ، كان مو مصدق ، ويحس ان قلبه رجع للحياه

مر اسبوع ونص بس هالاسبوع كان يكفي عشان يحس ايڤان بالالم والوحده والشوق للتين ، ايڤان يتوقع ان هاذي اصعب فتره مرت عليه بحياته كلها ، كانت قاسيه كثير وما كانت لتين معاه

اما لتين كان شعورها مختلف تماماً ، هي حست بكم هي انسانه قذره ، لانها تدري ان رجوعها راح يخليها تخسر ايڤان

بس هي كانت مجبوره ، اكثر شي تخافه لتين هي فكره الموت وايش بيصير لبنتها بعدها ، هي كان عندها اولويات واكيد بنتها اول اولوياتها

هي تعرف ان اللي دار بينها وبين اوستن اصعب من انها تقوله لايڤان

تقدمت لتين بخطوات سريعه وضمت ايڤان وهي تراعي حالته الصحيه السيئه اللي واضحه عليه

هي قررت تسأل عن اصابه ايڤان بعدين ، ما كانت تبي تخرب هاللحظه !

" اشتقت لك ايڤ" همست لتين وهي تتنفس ريحه ايڤان المميزه واللي الحين عرفت قد ايش فقدتها

" وانا كمان اشتقت لك وربي" همس ايڤان وهو ينشر بوساته على رقبه لتين وفيسها

فجأه بعد ايڤان وعيونه تتفحص لتين وفيه نظره بعيونه ما قدرت لتين تفهمها

" كيف جيتي؟" سإلها ايڤان فجأه وهو يمسح دموعه ، كان هالسؤال هو اللي اربك لتين ، كانت تعرف ان كذبتها ما راح تمشي على ايڤان

بس اوستن قال لها كل شي ، وشرح لها كل كذبه لازم تكذبها ، جاوبت بصوت مرتجف " انا هربت"

تنهد ايڤان وهو يهز راسه للجهتين ومو مصدق ، جلس على الاريكه وهو يقول" كلامك مو منطقي بالنسبه لي" قال ايڤان

" بس هو منطقي ، اوستن كان عنده شغل برا ومسافر وساعدني واحد من رجاله اهرب" قالت لتين وهي واثقه من كذبتها

بس هي نست انها تكذب على شخص يشتغل في المباحث الجنائيه

" بس اوستن ممنوع من السفر؟" قال ايڤان وهو رافع حواجبه ، ارتبكت لتين اللي ما توقعت ايڤان يستجوبها بهالوقت

" الحارس قال لي كذا" قالت لتين بتوتر وهي تتمنى ايڤان يصدقها

" يعني الحارس يكذب ، يمكن يسوون خطه بينهم ضدك؟" قال وهزت لتين راسها بارتباك " يمكن"

بس في الحقيقه والشي اللي ما يعرفه ايڤان ان الخطه ضده هو مو ضد لتين

" تمام، نتكلم بكره الحين اكيد انتي تعبانه وتبغين تنامين" قال ايڤان وابتسمت لتين وهي توقف وتمسك يد ايڤان ويروحون فوق سوا