الجنية الوفية

الحلقة 3

(وخشوا كلهم يعوموا)

سميرة: محمد تعالالي بنغرق يا محمد.

محمد: مش وقت تسهويكك يا سميرة.

سميرة: محممممممممد ..
.
.
.
.
.
سميرة: يا محمد تعالالي بجديات معاش نقدر نتحمل بنمووت .

محمد: واااكك .. عارفك تتسهوكي زي عادتك لكن شن بندير مرتي وحاصل فيك ههه .. أهو جايك ..

سميرة: محمد .. محمد

(سميرة معاش قدرت تتحمل ومحمد كان بعيد عليها هلبةة وفجئة حست سميرة بأن شخص قعد ينقد فيها لكن هي كانت مغمضة عيونها ع خاطر امية البحر كانت مالحة هلبةة لين عيونها ولوو يوزوزا)

محمد: اهو مشاء الله عليك لا غارقةة ولا شيئ ..
         مش قتلك تتسهوكي علياا .. تقيسي في غلاك هههه ..

سميرة: لا والله يا محمد في حد جي شدني ودفني للشط اني ماكنتش نقدر نشوفه والله في من انقذني.

محمد: الموجةة جراتك وحسبتي حد ساعدك وبعدين انتي تتسهوكي واني طايح نصدق فيك .

سميرة: اء اء لا .

(فوزية فنصت ع سميرة وملامح وجهها تقول اسكتي)

سميرة: هههههه محمد تلفتلي .

محمد: نعم ^^ .

سميرة: نعرف نمثل ولا ههههه .

محمد: زابطك اصلا هههه ولانك تعرفي تمثلي مابيتش نساعدك ع طول .

فوزية: تعالي سميرة نبيك في العريشة شوية.

سميرة: باهي آآآني جااية .

فوزية: حكيتي لمحمد ع التاكم ؟؟

سميرة: لا ما حكيتلاش .. وتعرفي نقولك حاجة ثانية ..
صاروا معاي حاجات غريبة آمس واليوم الصبح ماغير موضوع التاكم .

فوزية: احكيلي شن صااار؟

(وقعدت تحكي لأمهاا ع اللي صار الصبح وشعورها وقت انقذها الشخص المجهول وع الافكار اللي روادتها في الليل).

فوزية: في حاجة .. هذا كله اللي صارلك مش صدفةة .. في إن في الموضوع ولازم إننا نعرفوا شنوا.

سميرة: والله حرت ماعاد عرفت شن ندير وشن اللي صاير .

فوزية: اسمعي شوفي شيخ وتو يحكيلك ع حالتك من شنو وكيف وعلاش .

سميرة: هه تبصري انتي اكيدة 👌 .. أمي انتي تعرفي انني نقدرش نكلم شيخ من دون علم محمد وتعرفي إن محمد ما يؤمنش بالحاجات هذه ويعتبر فيها خرافات .

(طلعت سميرة وأمها فوزية لباقي العيلة وقعمزوا)

ألاء: سميرة عادي نكلمك ف موضوع خاص شوي ؟

سميرة: تفضلي آللوو .

ألاء: معليشي نبيك ع انفراد .

سميرة: ها حبيبتي نعم ادوي .