وشاء _القدر

ج٩

هاي  ثاني قصه اكتبها  اول ما بديت اكتب قصص
الاولى جانت اول نظره
والثانيه  وشاء القدر

#وشاء_القدر
بقلمي ام مريم
#جزء٩
محمد : الصبح قبل منطلع للمحكمه  جنت ضايج لان الليل كله بقيت افكر  هي مغصوبه على الزواج يجوز جانت تتمنى تزوج زميلها الي حجتلي عنه بقى بداخلي شك وغيره وبنفس الوقت دا اكبح نفسي حتى ما اتقرب عليها من طلعنا من المحكمه وصارت زوجتي الشيطان ديزن برأسي اتقرب عليها وطلعت من البيت حتى ما أبقى وحدي وياها واسوي شي يخليها تخاف مني أو تكرهني  رحت جبت حلويات وأغراض للبيت ورجعت فتحت الباب  ودخلت الغراض للمطبخ شفتها ماكو عرفت بعدها بالحمام بقيت متردد اريد اروحلها بعدين وصلت لباب الحمام ردت افتح الباب حسيت على نفسي تراجعت  بس بيني وبين نفسي احجي اني ممسوي شي  هي مرتي اذا شفتها مو حرام ويا ما انداريت انفتح باب الحمام شفتها لابسه الدشداشه القصيرة ولافه المنشفه على رأسها فزت من شافتني گلتلي ولا حسيت بيك من رجعت  ووجها احمر اني مشيت وگفت گدامها جاوبتها وعيني عليها تدرس كل تفاصيلها ... هسه دخلت .ومكدرات امنع نفسي عنها لزمت وجها بين ايديه حسيتها تقلصت قربت شفايفي من اذنها وهمستلها انت مرتي حلالي لتخافين مني مستحيل ااذيج نزلت شفايفي على رگبتها وبقيت ابوسها الى ان وصلت لشفايفها حسيتها ذابت بين ايديه  لفيت ايدي على خصرها.وقربتها مني  وبقيت عيني بعينها هي خجلت نزلت راسها خليته على صدري وحضنتها بقوه  حسينا على نفسنا من سمعنا صوت الجرس هي ركضت على غرفتها وإني رحت فتحت الباب لحسن اول ما دخل ها عريس امي وابويه اجوي جاوبته لا غمزلي باقي وحدك ويا العروسه
محمد:انت متجوز من سوالفك  ددخل  ها صدك اليوم راح يجونا أهل رقيه على الغدا
دخلنا حسن راح لغرفته وإني كعدت بالهول افكر بلي صار بيناتنا  ورقيه  بقت بغرفتها رحت لغرفتها دا اشوف ليش مطلعت بعد دكيت الباب جاوبت أتفضل دخلت  صفنت عليها لگيتها طالعه حلوه مخليه مكياج ومسويه شعرها   جاوبتني محتاج شي بخجل جاوبتها لا سلامتج بس شفتج بقيتي بالغرفه مطلعتي بعد تعالي اكعدي يمي شويه لان وراها راح اطلع اجيب الغدا من ترجع امي 
رقيه :من دخل محمد كلش خجلت من شافني مرتبه نفسي علمود من يجون اهلي يشوفوني مرتاحه وهم هم يرتاحون  بقى يباوعلي بنظرات رغبه  خفت منه بس ارتاحيت من گلي تعالي اكعدي ويايه بالهول  دا اطلع كدامه خلى ايده على كتفي ورحنا للهول كعدني بصفه گلي باجر من نطلع نشتري الذهب اختاري بدله بيضه حتى من ننصب الغرفه  نسوي غدا للكرايب أعلن زواجي  هم يعرفون وضعنا وراها بيوم  روحي صالون  وإني امر اخذج نروح ناخذ صور لان تعرفين ما اكدر أسوي عرس الا ورا السنه  وما أتصور اكدر انتظر سنه دتفهميني صح  هزت راسها
گتلها شغله ثانيه من اليوم كل احتياجاتي انت تتكفلين بيها ملابسي آكلي غرفتي وطبعا اهلي نفس الشي  اريدج تتعلمين على البيت وتتعاملين ويا الكل  مثل اهلج وأي شي تحتاجي اطلبي مني جاوبتني صار
دخل حسن للهول سلم وبارك لرقيه  گتله حسن أريدك باجر تروح لقسم رقيه تشوفها مفصوله بالغياب لو بعدها  أريدها تخلص هالسنه جاوبني حسن ماشي اني أرتب الموضوع