وشاء _القدر

ج٨

#وشاء_القدر
بقلمي ام مريم اماسي الليل
#الجزء٨
رقيه :كعدت ساعه سته ونص الصبح   نشيطة لان اخيراً نمت مرتاحه بدون قلق وتفكير رتبت نفسي وطلعت للمطبخ حضرت الريوگ اجتي خاله مبتسمه گلتلي صباح الخير حبيبتي  جاوبتها وإني فرحانه صباح النور  دخلت ويايه للمطبخ بدينا نحضر السفره  نزلو عمو والولد خلصنا ريوك  محمد گال نص ساعه وألگاكم بالسياره بس وجهه قلقني حسيته ضايج  لبست كوستم نيليغامق   كلش حلو ورتبت نفسي  وطلعت انتظر بالهول نزل محمد بقى ويايه ينتظر البقيه بس منطق ولا كلمه خلاني اقلق واخاف نزلت خاله وعمو  ركبنا السياره رحنا للمحكمه عقدنا بسرعه لان خاله محاميه فمرتبه كل الأمور  خاله وعمو باركولي  محمد منطق ولا كلمه صعدنا للسياره  نزلنا عمو يم الشركه وخاله نزلت يم مكتبها اندار محمد گلي انداري  اكعدي بصفي اني نزلت كعدت بصفه بالسياره  سألني عندج مكان معين بالج نروح نجهز منه اني انداريت سألته شنو انجهز
جاوبني غير جهاز عروس اليوم اوديج تأخذين ملابس ومستلزمات وباجر امي تطلع ويانا نختار الذهب  وين اتجه ....جاوبته للمنصور  وصلنا نزلنا دنمشي لف ايده بأيدي گلي اني ما افتهم بجهاز العروس آخذي كلشي لان من راح نرجع امي راح أتشوف اذا اكو نقص راح نرجع نجيبه لذلك وفري عليه الوقت وأخذي كلشي اليوم بدون خجل  افترينا أخذت ملابس ووعطور ومكياج واحذيه وجنط  هو بقى يلح متأكده ما بقى شي جاوبته لا أخذت الي احتاجه وإني عندي ملابس جايبه ويايه  يعني بعد ماعندج شي هنا بهذا المكان جاوبته لا سألني ملابس داخليه منين تأخذين وهو مبتسم اني متت من الخجل  مجاوبت هو يضحك گلي يعني الااحرجج انطيتج فرصه ما استغليتيها اني بعد ما اكدر اباوع بوجهه من الخجل گلي براحتج باجر من نطلع  ويا امي اشتري   رجعنا للسياره  گلي عبالي نطلع مطعم بس مترهم اهلج عدنا امج وابوج معزومين على الغدا اليوم  اني التفتت ممصدكه هو ابتسملي گلي شنو اجيب غدا من المطعم شنو يحبون  اني جاوبته براحتك انت شوف الانسب  رجعنا للبيت  ماكو احد بس اني وهو نزل الغراض نقلهم  لغرفتي  اني دخلت ورا اندار عليه گلي ماكو داعي ترتبيهن مرتين  من انصب الغرفه الجديده  صعديهن فوگ جاوبته ماشي ديطلع من الغرفه اندار گلي اللبسي الدشداشه القصيرة الي اختاريتها وخلي مكياج اريد اهلج من يشوفوج يحسون بيج مرتاحه يمي   جاوبته ببتسامه صار بعيني  جاوبني تسلم عينج راح اطلع اجيب حلويات وكم شغله خو متخافين تبقين وحدج جاوبته لا أخذ راحتك  اني راح أفوت اسبح واحضر نفسي.....انت أقفل الباب وأخذ المفتاح وياك اخاف تجي وإني بالحمام  جاوبني ماشي  واكو نسخه مفتاح ثانيه ورا باب الكليدور اخاف يصير شي  طلع وقفل الباب ورا اني رحت رتبت الغراض وغرفتي  ودخلت للحمام أسبح

تصويت