وشاء _القدر

ج٦

#وشاء_القدر
الجزء٦
بقلمي ام مريم اماسي الليل
رقيه :إجى ابويه وعيونه غرگانه بالدموع دخل سولف لامي وامي هم تبجي  تالي طلعوا سولفولنا الي صار وافتهمت لو اني اروح يمهم لو اخويه ينقتل  وافقت على الفصل طبعا بقيت ايام ابجي بس ماكو غير حل   حضرت غراضي وودوني لأهل المقتول  طبعا هذا الحجي مر تقريبا شهر ونص على الحادثه
دخلت للبيت لگيت الوجوه كلها كارهتني اني دموعي تجري ابويه  يتوسل بأبو جميل ميأذوني وگلهم بنتي ما الها ذنب بلي صار اعتبروها بتكم
محمد :من صار الفصل وقرروا ينطونا مره گتله لأبويه اني ما اتزوجها خلي حسن يتزوجها للبنيه لان اَهلها گالوا صغيره وإني ب بالي بنيه احبها ابويه وافق گلي بكيفك  حسن رفض يزوج البنيه وگلي انت اخذها اني تدري بيه أحب وحده بقينا نتعارك على هالموضوع  ايام وعفنا لساعتها نشوفله حل اني طلعت من البيت من دريت راح تجي البنيه اليوم بتت عد ولد صديقي افكر بالموضوع وبحسن الي مديقتنع
رقيه :ابويه راح ابو جميل گلي بعد من اليوم هذا بيتج وراح تصيرين مره ابني ....ام جميل مطايقه تباوع بوجهي  دلوني على غرفتي دخلت  بقيت ابجي لحد ما حسيت نفسي راح تطلع روحي اندگت الباب  دخلت ام جميل گالبه وجها بس من  شافتني طاگه بچي ومخليه راسي بين رجلي
انقهرت عليه  كعدت بصفي گلتلي دتبجين على فراگ اهلج الي أكيد راح تشوفيهم اني لو ابجي العمر كله ابني بعد ميرجع وما اشوفه بقت تبجي اني انقهرت عليها گتلها خاله الله يرحمه هذا امر الله  كلنا على هالدرب وكلنا تأذينا واني ما الي ذنب ولو بيدي اخفف عنج هالعذاب والقهر والله ما اتأخر واهلي مقدرين الي انتوا بي واهلي وصوني بيكم .....  المره مسحت دموعها گلتلي شوفي اني اعرف انت ما ألج ذنب بس اتحملينا لحد ما نتعود عليج أكيد راح تجينا ساعات نتذكر انت منو  انت من اليوم صرتي بتنا وهذا البيت راح يصير بيت رجلج واحد من ولدي راح يعقد عليج هالأيام يله اطلعي ويايه گتلها بس ابدل طلعت دشداشه سوده گلتلي ماكو داعي تلبسين بعدج صغيره اني عندي ولد واتشائم من الاسود ولو مو حجي الناس ما اللبسه لان الحزن بالقلب مو بلبس ....... يله امشي نتعشى طلعنا كعدت على الميز ابو جميل گلي آكلي عمو احنه أهل عشائر ومؤمنين بالله لتخافين طول ما انت هنا محد يمسج بحجايه لو يهينج  راح تبقين بيناتنا معززه مكرمه وتصيرين چنه هذا البيت وبتنا اريدج من اليوم تصرفين بدون خجل وخوف بهالبيت اني ولا حجايه بس دموعي تنزل گلي گومي غسلي وارجعي آكلي  من دا اطلع من المطبخ صار بوجهي ولد  باوعلي  ودخل للمطبخ سمعت ابو جميل گله هاي البنيه الي راح تعقد عليها هاليومين الولد گله اني گتلكم ما اخذها محمد ياخذها هو الچبير اني بعدني بالجامعه ممتخرج ما اشيل مسؤوليه  . رقيه :من سمعت كلامه شلت هم هاي شلون تاليها شلون راح أعيش ويا رجال ميريدني مغصوب عليه ياربي ساعدني وصبرني حتى اكدر أعيش وياهم  رجعت كعدت وياهم تعشينا وراها كل واحد راح لغرفته  بقيت كاعده للصبح  ما إجاني نوم وقررت ورا التفكير أبدي حياتي وياهم  وأقوي نفسي واتجرء وأكسب ودهم واقبل بقدري حتى اكدر اخليهم يحبوني وما اتعرض لأهانه وابقى عزيزة نفس 

تصويت