وشاء _القدر

ج١٢

#وشاء_القدر
بقلمي ام مريم اماسي الليل

صرت اقضي اغلب وقتي ويا حتى ادرس يمه بالغرفه من رجعت  أداوم بالجامعه صار بينا زعل كم مره   . مره إجى دياخذني من  الجامعه دخل للقسم شافني ويا ولد دا احجي  ويا  ما حسيت الا واگف بصفي سلم  عرفته على الولد وعرفت الولد عليه بصفته خطيبي   الولد حب يلاطفه گله الله يحبك أخذت هالوردة  محمد جاوبه شكرًا...... الولد ترخص وگلي باجر اشوفج ونكمل ان شاء الله
محمد عقد حواجبه گلي اظاهر كلش يعزج  جاوبته كلش حباب وابن اوادم گلي  كملي وگوليلي جنت  متفقه ويا على الزواج وانت خربت حياتي
رقيه :محمد شنو هالحجي
محمد ولا كلمه امشي دنولي للبيت 
رقيه :ركبنا السياره  انداريت محمد خلي افهمك
محمد: الأفضل ما اسمع صوتج لان أسوي شي ميعجبج
رقيه :سكتت لان بدا يمشي سريع وخفت افتح حلگي  وصلنا للبيت اني نزلت  دخلت لغرفتي  لان ماكو احد بعدهم بالدوام هو صعد لغرفته ورا شويه فتح باب غرفتي بعصبية وگلي من باجر ماكو دوام اني عصبت ومتحملت  جاوبته  بعصبية شنو يعني ماكو دوام هي  حجج والسلام
محمد : لويت  ايدها قوي وگتلها منبهج متعلين صوتج وتنترين بس  اظاهر احترمتج زايد عن اللزوم وانت مو مال احترام
رقيه : آه دتأذيني عفيه
محمد : تركت ايدها وگتلها بعصبية من باجر ماكو دوام فهمتي
رقيه:مجاوبت  دا افرك بأيدي رجع خلى وجهه قريب على وجهي خفت منه  گلي فهمتي جاوبته اي فهمت وطلع ركع الباب قوي اني بقيت ابجي علمود الدوام ومن عصبيته وقسوته  وراها غسلت وطلعت للمطبخ ارتب أمور الغدا ورا شويه دخلت خاله  سلمت وسألتني شبي وجهج جاوبتها ماكو شي گلتلي  چنتي تبجين مبين 
جاوبتها والله خاله محمد إجاني  وذكرتلها  كل الي صار ووضحتلها. الولد زميلي ولازم نقدم تقرير سوى عليه درجات  لازم باجر اسلمه وحاولت افهمه عَصّب ومسمعني وگلي بعد ماكو دوام  وإني مبقالي ايام واخلص السنه  وبقيت ابجي لان راح تروح عليه السنه
خاله گلتلي عوفي خلي يهدء  وإني اخلي عمج ينطيج إذن  كدامه باجر تروحين ويا حسن
إجى عمو وحسن ولتمينا على السفره  عمو گلي ما بقى شي وتخلصون  هالسنه انت وحسن   شدوا حيلكم  حسن جاوبه بالضحك  يابه الخير والبركة برقيه اني متعلم امتحن مرتين ضحكنا الا محمد بقى ساكت  اني من جوه الميز خليت ايدي على ايده وخر ايده  وگام من السفره  باوعتله من طلع عمو گلي باجر داومي ويا حسن  خالتج حجتلي عوفي من يهدأ فهمي صح
رقيه : شكرًا عمو   وراها  خلصنا غدا وإني خلصت شغلي دخلت لغرفتي اكمل التقرير  وبقيت لليل صار وكت العشا وهو نفس الحاله  ومقبل ينزل يتعشا  گلهم تعبان اريد انام لحد يصيحني
محمد :بقيت مغثوث من كل الموقف وبداخلي غيره  وشك. فكرت اروح لأخويه بالبصرة كم يوم  اهدء وابتعد عنها
رقيه :كعدت الصبح حضرت الريوگ نزلو كلهم دنتريگ  اني بالي دا استأذن منه ورا منخلص الريوگ حتى اروح للدوام صح عمو سمحلي أداوم بس هو رجلي لازم يوافق
محمد :نزلت الصبح صبحت عليهم بس اتجاهلتها ولا باوعت بوجها  گتلهم لاهلي اني اليوم راح اروح البصره  كم يوم عندي شغل ويا احمد   اطلع بوجهي من اخلص دوام .خلصت  ريوك وطلعت للشغل
رقيه :من شفته متجاهلني وسمعته راح يسافر قلبي احترك ردت اضوجه بدلت ورحت للجامعه  ويا حسن وهو ميدري  
محمد :بالطريق ابويه فتح ويايه موضوع رقيه وگلي ترى نطيتها إذن تروح للدوام  انداريت على ابويه گتله يعني اليوم داومت ابويه حس صرت عصبي ويعرف اني احترمه ومراح احجي  گلي ميصير ابني  هذا مستقبلها خليها تخلص انت هم تتباها كدام الناس مرتك مثقفه وعدها شهاده .اني  دا اسمع ابويه بس بداخلي بركان  ومتحلفلها لان محترمتني ومجابتلي سيره  وصلنا الشركه  خلصت شغلي  طول الوقت بقيت أزيد غضب بس اريد ارجع للبيت واعلمها  طلعت من وكت وأخذت تكسي لان راح اسافر وابويه يرجع بالسياره  بقيت وحدي حضرت غراضي ودا انتظرها تجي ويا حسن
#وشاء_القدر
بقلمي ام مريم اماسي الليل
رقيه:  خلصت محاضراتي  بس بقيت طول اليوم مغثوثه منه لان زعلان وراح يسافر  رحت على حسن شوكت تخلص گلي فد ساعه  استأذنت منه ارجع  قبله لان تعبانه  وضايجه  جاوبني براحتج 
رجعت للبيت دخلت  لغرفتي  نزعت ملابسي  ما حسيت الا لباب  انفتحت بقوه ومحمد جرني من شعري وبعصبيه انت شلون اداومين وإني گتلج ماكو دوام اظاهر انت صدك مشايفتني رجال     بدا يضربني وإني اعيط وابجي بحيث من هلگد ما عصبي منتبه اني باقيه بالملابس الداخلية  وديأ ذيني بالضرب. بعدين حس على نفسه بطل يضربني  گلي بعياط منا ويجي هذا تعاملي وياج انت مو مال احترام  وطلع من الغرفه كمت قفلت باب غرفتي وبقيت ابجي ورا شويه سمعت الباب انسدت عرفت طلع
محمد : سمعت باب البيت انفتح اني كاعد بالهول دا انتظر يدخلون هي وحسن  حسيت بيها من دخلت لغرفتها وسدت الباب  عرفت اجتي وحدها لان مسمعت  صوت سياره تدخل للكراج  رحت لغرفتها بقمة العصبيه ومديت ايدي عليها  لحد ما انتبهت جسمها ووجها صار احمر من الضرب وبقت تبجي وتتوسل  أتركتها وطلعت  أخذت جنطتي وطلعت بوجهي البصره وصلت العصر خابرت على البيت  طلعت امي طمنتها وصلت حسيت بأمي صوتها ثگيل ويايه
رقيه : لبست ملابس وشفت اثار اصابعه على زنودي ووجهي  وايدي بقت توجعني لان لواها قوي  طلعت من الغرفه  غسلت وجهي ورحت للمطبخ حاولت أسوي اكل ايدي توجعني  وصلت خاله اخترعت من شافت وجهي هاي شبيج اني بدون وعي من شفتها بجيت وحجيتلها على كلشي صار وگتلها ايدي توجعني  وشوفتها اثار الگتل خاله تخبلت گالت معقوله محمد هيج يسوي والله بس يجي عمج اگله هو يتفاهم ويا  اني توسلت بيها گتلها عفيه خاله لتدخلون ليروح يضربني  للعصر خابر گال لخاله وصلت وخاله لازمه نفسها محجت  وعمي هم كلش ضاج گال ليش اني مو گتله نطيتها إذن بعد ليش يضربها محترم حجايتي يصير خير  .اني بقيت خايفه من شفت الموضوع كبر وخفت لا أهله يحجون علي ويحقد عليه بالزايد ليصير بيناتنا انفصال. اتوسلت  بخاله ميحجون ويا ولا يعاتبوا وبقيت ابررلها هو لان عصبي فقد  وضربني بس من حس عافني وطلع
محمد :ورا ما وصلت رحت نمت تعبان من السفر والتفكير والعصبيه كعدت  من النوم بقيت صافن بفراشي تذكرت الضرب الي ضربته الها وتوسلاتها وبجيها وآثار الضرب على جسمها انقهرت ولمت نفسي  هيج أتصرفت وعاملتها بهمجيه بس بيني وبين نفسي اكو صوت يگلي زين سويت خليها تتعلم تخاف وتحسبلك حساب .

تصويت