وشاء _القدر

ج٣

#وشاء_القدر
بقلمي ام مريم اماسي الليل
#جزء_الثالث
ارجع لغرفتي اضحك على سوالفه لان اني هم جانت عندي هالسوالف بالكليه وهم جنت أحب بنيه وصارت من قسمة غيري وسافرت ويا رجلها ومن يومها اني نسيت شي اسمه حب وعلاقات وكرّست حياتي اشتغل ويا ابويه رجال جبير صحته يا دوب  لذلك شلت المسؤولية عنه  متعتي الأفلام الاجنبيه واطلع ويا اصدقائي نهاية الاسبوع
وبيوم رجعت من شغلي غسلت وبدلت تغديت صعدت لغرفتي  تمددت على فراشي دا آكلب بالتلفزيون شفت ممثله مصريه بمسلسل المال والبنون نسخه من ام لسان تذكرتها واضحك على عصبيتها طبعا مرت على هالسالفه ايام تقريبا شهر الا ....منن اخر مره لحگتهم وعرفت كليتهم طفرت من فراشي صحت حسن .اول مدخل حسن لغرفتي   گتله اكو بنات ٢ بنفس جامعتك وحده اثار والثانيه لغات اريد تسألي عليهم سألني ليش تريد تاخذهن بالزوج اني ضحكت گتله لك بلا شقى وحده اسمها رقيقه والثانيه هبه سألني واسم الأب جاوبته ما اعرف  گلي وين الگاهن ذني جاوبته ما اعرف اريد منك معلومات صح أتذكرت رقيه تشبه ممثله مصريه باجر اشوفكياها جاوبني أوكي
ثاني يوم رجعت من الشغل بقيت انتظر تطلع المسلسل طلعت المسلسل صحت حسن يبقى يمي حتى من تطلع يشوفها وطلعت الممثله بنفس الحلقه عصبية من شافها گلي شايفها هاي البنيه  اندار شافني ا أضحك حسن  گلي شبيك تضحك  جاوبته مو بس شبه بالشكل حتى بالعصبيه هو ضحك گلي شكلك واگع جاوبته بعدني بس معجب بس أريد منك توكعني ضحكنا طلع
ورا كم يوم إجى حسن گلي شفتها وهي صف ثالث لغات انكليزي طبعا هاي ادا هي ....وكلش خوش بنيه سألت عليها....... ليش متجي فد يوم ويايه أتشوفها هي نفسها لو لا لان صديقتها معرفتها
محمد : ما شي راح امر  عليك  ووديني اشوفها
حسن :ماشي طلع من الغرفه
رقيه :بعد كم يوم انزل للكوت اشوف اهلي بالعطله لان كلش مشتاقتلهم ومشتاقه لاكل امي ومشتاقه للبستان العصر
هبه :اني هُم مثلج بس اكثر شي متلهفه اشوف علي لان وعدني بهالعيد يفاتح اهلي حتى نكطع مهر
رقيه :ان شاء الله نزلت راسي على كتبي دا اكمل مادة الامتحان 
ثاني يوم الصبح رحت مستعجله دا امشي اريد اللحگ اسأل صديقاتي كم سؤال قبل ميبدي الامتحان  تقريبا ساعة ١٠ ونص   يوم الاربعاء دا امشي دخلت لبناية قسمنا دا اراجع ملزمه وممنتبه محسيت الا نضربت بأحد وكعت غراضي  واعتذر نزل ديلمهم ويايه رفعت راسي دا اشكره وانصدمت محمد كدامي ومبتسم اني عصبت جاوبته ليش تضحك اخاف هم مضيع شي وتريد تبليني ....ضحك ووكف جاوبني مضيع قلبي
رقيه :شلت غراضي ووگفت باوعت بوجهه لعد روح دوره بعيد عني
من رخصتك دا امشي گلي دقيقه جاوبته اعتذر عندي امتحان تركته ومشيت
محمد : دخلت للقسم أدور على اسمها مكدرت احصل شي ويا مدّا اطلع شفتها من بعيد جايه بأتجاه القاعات  وگفت بمكان متشوفني بي من تقربت وشفتها ممنتبهه تقصدت انصدم بيها وكعت غراضها وأوراقها هي مشافت وجهي بالاول گلتلي متأسفه منتبهت اني صفنت بوجهه من دتلم غراضها نزلت ساعدتها ابتسمت شكرًا ويا رفعت راسها شافتني انصدمت بثانيه أنگلبت الابتسامه بعبوس اني ضحكت لشغلتين لبتسامتها تموت هي وغمازاتها وثاني شي عرفت راح تنصدم من تشوفني وتقلب وجها  حاولت ألمحلها بأعجابي لكن صدتني وراحت اني حسيت اريد اروح وراها عجبتني كلش شخصيتها وعنادها وغرورها وعصبيتها رجعت للبيت ورا مخلصت غدا صعدت لغرفتي كل شويه اتخيل ابتسامتها الخجوله وغمازاتها ووجهه شلون انگلب
اتخيلها واضحك بقت بالي وعجبتني حسيت لازم أبقى وراها لحد ما اوكعها

تصويت