"حوريتي الصغيره"

الحلقه( 15)

الحلقه الخامسه عشر "حوريتي الصغيره"

استعدت الفتيات للذهاب مع حمزه ومن ثم اتجهوا الي بهو القصر وهنا تابع حمزه قائلا...

-ها جهزتوا ؟

نيره باستكمال:ايوه

قادهم حمزه خارج القصروقد بدت السعاده جليه علي قسمات وجههما...

نيره متابعه:ها بقا هتودينا فين!!

حمزه مكملا: لـ الشركه ان شاء الله

ياسمين باستغراب: شركه ايه!!

حمزه بجمود:شركه الجيار

ياسمين فاغره فاهها :عندنا!!

حمزه وهو يومئ برأسه :بالظبط

نيره مقاطعه :هي دي الخروجه يا حمزه !!؛ وبعدين احنا هنعمل ايه هناك!!

حمزه وهو ينظر من مرأه السياره:هتعرفوا كل حاجه دلوقتي.

نظرت الفتيات الي بعضهم البعض في استغراب ولم يستطيعا فهم مايخطط له حمزه مطلقا في حين تنهد حمزه طويلا ثم تابع بجفاف ...ممكن بقا المحضر يتقفل

نيره بغيظ:طيب يا حمزه

مرت اكثر من نصف ساعه ليصطف حمزه بسيارته امام شركه الجيار للملابس العالميه وهنا قام بفتح باب السياره ثم تابع بنبرات هادئه ....يلا انتي وهي انزلوا .

نيره بتساؤل :احنا هندخل معاك الشركه!!

حمزه وهو يومئ برأسه :ايوه؛ يلا

قام حمزه بفتح الباب الخاص بمقعد ياسمين ومن ثم امسك بكف يدها وسط نظراتها المستغربه من حديثه ولكنها تمسكت بيده اكثر واتجهوا الثلاثه داخل الشركه .

وصـل حمزه إلي مكتب قاسم الطوخي ومن ثم طلب من السكرتيره الخاص به قائلاً..

-قاسم بيه موجود!!

السكرتيره بدلع:أيوه موجود يا مسيو حمزه..نورتنا والله.

حمزه بجمود:طيب بلغيه ،إني مُنتظره برا.

السكرتيره:إنت تؤمـر يا مسيو حمزه.

رمقتها ياسمين بغيظ ومن ثم أشاحت بوجهها بعيداً في تلك اللحظه إتجهت السكرتيره للداخل ومن ثم عادت من جديد مُكمله..

-إتفضل ،،قاسم بيه مستنيك.

ياسمين بـ إنفعال:يلا علشان ما نتأخرش علي عمو قاسم يا مسيو حمزه.

مالـت نبرآت صوتها أقرب للتقليـد لتضع نيره يدها علي فمها وبضحكه مكتومه رددت..

-فعلاً ما ينفعش نخلي الراجل يستني أكتر من كدا يا مسيو حمزه.

حمزه بإبتسامه هادئـه:لا والله،،طيب قدامي.

دلـف الثلاثه داخل حجره المكتب،،لينظر قاسم إلي ياسمين الواقفه خلف حمزه في إستغراب قائلاً..