امرأة خطرة

البارت الرابع قَصٍةّ آمرأةّ خـطًرةّ

رجع نزار للقصر وراح يرتاح بغرفته سبح طلع دشداشه بيجي ويشماغ ولفه بطريقه مرتبه هو اصلا متعود على هاللبس لان بالخليج هم يلبسون هيج نزل عمه دعا للمجلس كعدو ورحبو بيه الجماعة الي كاعدين بالديوان اجتهم مشكلة وجانت واصلة للدم وماتنحل الطرفين مايتنازلون كل شيخ انطه رأيه بعدين اتفاجأ نزار من كال عمه شيخة فضة انتي شنو رأيج ماشافها بس سمع صوتها وبدت تحجي وتسئل الطرفين لحد مافضتلهم الشغلة وطلعو الاثنين راضين بقرارها كل هذا الوقت ونزار صافن بذكاءها وبطريقة كلامها واسلوبها زاد اعجابه بجرأتها بعدين فضت الشغلة وراحو الشيوخ بقه بس نزار وعمه صاح الشيخ -- بنتي فضة تعالي اجت فضة من الغرفة جان الباب مالتها بي فتحات تكدر شوف كلشي جانت لابسه الشال ولافته على وجها هم بس عيونها بارزات وجانو مكحلات كعدت كبال ابوها ونزار -- تأمر يابه بشي -- لا بنيتي بس عفية عليج حليتي السالفة كالعادة بدون دم هههههه ابني نزار تره شيختنا مو قليلة
نزار-- اي اي عمي الشيخ مبين هالشي بس بصراحة اتفاجأت
فضة-- اتفاجأت لان النسوان هم تكعد بالمجالس وتحل فصل اي عادي اتفاجأ لان ماكو هيج شي بس شيخة فضة سوتها تحجي والنار تجدح من عينها
الشيخ-- ههههههه قوية ولك ابني ماتكدر لفضة ابد
نزار-- هههه وانت الصادك ياعمي نعم التربية
.فضة-- يله من رخصتكم اروح اشوف صار الغدا معلوم عدنا ضيوف ولازم نكوم بالواجب
نزار-- والنعم منج يا بنت العم
طلعت فضة وراحت للمطبخ واشرفت عاللمسات الاخيرة
الشيخ-- نزار ابني انت يمكن ماتعرف ليش دزيت عليك
نزار -- بلي عمي اعرف حتى اشرف على صحتك وعلاجك
-- هذا الشي ثانوي الشي الرئيسي غير
-- كول عمي اني حاضر
- شوف ابني الاعمار بيد الله واني اذا انتقلت لرحمة ربي بنتي فضة هي كل ما املك راح تبقى وحيدة والقصر والكيعان حرامات تروح للغريب اتفقنا اني وابوك حته انزوجكم انت وفضة بس با ابني بنيتي واني اعرفها صعبة حيل صعبة يمكن اني السبب هيج سويتها ماعتقد راح تقبل تتزوج اريدك ياابني شوية شوية تعودها عليك بلكي كلبها هذا الكوي يحن ويلين
.اتفاجأ نزار من كلام عمه بس جمال فضة اقنعه ومن جهة غرورها وشخصيتها القوية خوفته
-- عمي العمر الطويل الك ان شاءالله تشوف احفاد فضة هههههه والله ماعرف شكولك ياعمي مبينة بنت عمي صعبة ههههه الله يساعد قلبي راح احاول الله كريم
-- ههههه الله يكويك
صار الغدة وكعدو نزار وعمه وجانت فضة مغيرة الكلابية مالتها جانت لابسة لون اسود بيه شغلات ذهبي ناعم كعدو ياكلون ونزار يباوع عليها ويتذكر كلام عمه وبكلبه يكول هاي شلون اخليها تحبني صعب ههههه نزار انت مو كدها قطعت افكاره فضة بكلامها -- اكول نزار داشوف لهجتك العراقية كلش زينة شعجب ما متأثر بالخليج
-- ههههه فضة لا تنسين اني عراقي وعشت نص عمري هنا بس عادي اذا تريدين اكلب خليجي الي يريحج --- لا بس سؤال عادي اي ماكلت ان شاءالله عجبك الاكل
---شلون مايعجبني عاشت ايدكم كلش طيب فعلا تحسين دتاكلين شغلات طازجة وبيها طعم مختلف
-- بلعافية ..... اكول شسويت علمود ابويه
-- ... شبيه
-- قصدي فحصته شفت علاجاته
-- اها اي بعد الغده راح اخذه واسوي اللازم
الشيخ--- وليدي نزار اني كلت للولد راح يرتبولك فد عيادة مرتبة تكعد بيها بلكي القرية تستفاد من خبرتك -- ليش راح يبقى هنا
الشيخ-- بعصبية فضة
نزار -- هههه لا عمي عادي شيخة فضة اذا وجودي يضايقج عادي كولي
فضة--- لا ماكو شي يضايقني الببت بيتك كل الهلا  عن اذنكم اني طالعة
الشيخ-- وليدي مثل ماوصيتك الصبر الصبر ههههه
نزار-- هههعهه ان شاءالله