امرأة خطرة

البارت الثاني قَصٍةّ آمرأةّ خـطًرةّ

من الصبح كامت ام حسين كالعادة ويه البنات الاثنين الي يشتغلون بالقصر وياها وحدة سحر والثانية ضحى ( ضحى مرة اربعينية ارملة تخدم ابيت الشيخ من سنوات وعدها اطفال اثنين الشيخ مخليهم بالمدرسة ) اما سحر ( شابة عشرينية تصير بنت اخ ام حسين اهلها ماتو بالحرب وام حسين تربيها وتشتغل بالقصر وياها ) وابو حسين هو الحارس للقصر والشيخ همام معتمد عليه هواية وكلهم يكعدون بالقصر جوا عدهم غرف . يومية من الصبح يكعدون يسون ريوك وبعدين ينظفون القصر والي تطلع عالبستان تاخذ الي تريده من المزروعات حتى اتسوي الغده والي تطلع تحلب الابقار وتشوف المواشي والدجاج وهكذا نفس الروتين اليومي طبعا فضة تعرف تطبخ كلشي بس ميخلوها تسوي شي يحترموها ويحبوها والكل يصيحلها شيخة
.ام حسين.. هلا بشيخة فضة صباح الخير
فضة.. هلا بيج صباح النور شلونكم ... شنو هالروائح الطيبة من الصبح
.. ههههه بلعافية مقدما هذا ريحة الخبز الحار واللبن والبيض هههه يله يا يمه كعدي اتريكي
...الله الله عاشت ايدكم ... لعد بابا وين
...الشيخ هسه ينزل
..شيخ.... صباح الخير يمكن جنتو جايبين سيرتي هههههه
... اي بابا حبيبي ههههه صباح الخير ياحلى شيخ بالكون
....  صباح النور فضة ههههه ام حسين الله عليج الي يشوف دلال فضة بلبيت يصدك هاي نفسها شيخة فضة الكوية الي تكعد بالمجلس وتخبل العالم بحجيها
... لا والله وانت الصادك يا شيخ همام ههه
....صدك بنتي تره يومين ويجي نزار ابن عمج علينه حضريله غرفة ورتببها
... لييييييش؟؟؟؟
... هههه بنتي مو من عاداتج تسئلين ليش يجي الخطار ولو هو مامحسوب ضيف هو ابن هذا البيت
... ممممم كل الهلا ... بس ليش يجي
... هههه بنيتي ماعرف ليش تضوجين من ابن عمج لاتخافين محد ياخذني منج كلبي بس انتي بيه شيختي الصغيرة ... تعرفين اني صحتي مو هلكد فه اخوية ابو نزار اقترح يدز نزار يمي يهتم بيه تعرفين هو ماشاءالله طبيب ويفتهم بهالسوالف منا يدير باله عليه ومنا عالبيت اخاف يصير بيه شي
وكفت على حيلها بعصبية يابه تره احنه كدها وكدود يجي يدير باله عليك على عيني وراسي بس مايدخل بالبيت ولا المجلس ولا بايشي اني اكدر احمي نفسي وقريتي وانت موجود الله يطول عمرك ان شاءالله
وطلعت فضة كالعادة من تضوج او تشتاق لامها تروح للمزرعة عدها بين الاشجار مكان سري محد يعرف بيه هناك تنسى انو هي شيخة فضة ترجع بطفولتها وبراءتها عدها مرجوحة بين الاشجار تفتح شعرها وتصعد بيها اطير وكانو كلبها يطير من الفرح وشعرها يطيره الهوا ويطخ بالكاع من تنزل المرجوحة تبقى تفكر وتسررررح بافكارها وتحجي ويه امها وبعد ماتاخذ هالطاقة ترجع تشيل شعرها وتلبس الوشاح وتشده بطريقتها المميزة وتلبس قناع الشيخة القوية وترجع للقصر