امرأة خطرة

البارت الخامس قَصٍةّ آمرأةّ خـطًرةّ

راحت فضة تمشي بالمزرعة وهي ضايجة ومتعصبة ماتعرف شتسوي تريد تبعد نزار بأي طريقة شافت كمال الي مسوؤل عن الاحصنة والمواشي غطت وجها (تلثمت) وصاحت كمال -- نعم شيخة --- شصار ويه الحصان الي انجرح البارحة --- عالجنا شيخة وهسه هو جوا بالاسطبل تريدين تشوفيه -- لا روح لشغلك اني اروح اشوفه ... جان نزار واكف وراها بس هي مانتبهت عليه راحت للاسطبل اجه وراها صاح باسمها فزت وكالت بعصبية --- انت شنو مشكلتك تريد تموتني كم مرة تريدني افز ....
-- هم نرجع ونكول اسفين ... سؤال ؟؟ ممكن
- اتفضل .
-- ليش ردج دائما بعصبية ليش ماتحاولين تكونين هادئة مثلا نجرب ماخسرانين شي
-- شلللون ... هذا اسلوبي وما اغيره
-- اوكي براحتج .... عالعموم انتي مو مضيافة جيدة
-- ليش .؟؟
-- ماعرفتيني عالمكان ...
-- هسه ادز واحد من الولد يشوفك المكان
-- لا اني اريد الشيخة فضة بنفسها
-- .ماشي . تفضل يابن العم
-- بس ممكن طلب
-- الله ياطولك ياروحي  تفضل
--- ههههه ... شيلي هالشال من وجهج ماتحمل هالعيون وبعدين اني مو غريب لاتغطين وجهج
جدحت النار بعيونها بكلامه وخزرته بنظرة خلت كلب نزار يطلع من مكانه خطفته بنظرتها
-- فضة .. اترجاج بلاها هالنظرة
-- شلون يعني ... اذا تبقه هيج اروح احسن
-- لا لا خلص بس تدرين انتي قلب الشاعر لازم يصير هيج هههه
-- ماعرفنا طبيب لو شاعر
-- الاثنين . ... الطب مهنة اما الشعر فهواية وملاذ .. الطب عام لكل الناس بس الشعر خاص
-- شون يعني ...
-- اني اداوي الكل سواء قريبي او عدوي بس الشعر لا ماكتبه لاي شخص بس من يجيني الالهام اكتبه
-- وشلون يجيك الالهام هذا ؟؟؟
--- من اشوف شي يخطف انفاسي مثل عيونج او شعرج هيج شي يعني
. اول مرة بحياة فضة كلبها تحس يدك ويصير عدها نوع من الخجل هي تفاجأت من نفسها بس ماخلته ينتبه وكالت --نزااار ما احب هالسوالف وعيب اني بنت عمك
--- مو الصمت بحرم الجمال يعتبر جرم اني اكول الي اشوفه واذا يضايقك بعد ما اكوله
-- يكون احسن
اخذته وبدت تشوفه المزرعة والمشروع مال المي والبستان
نزار -- تعالي نكعد نرتاح شوية
-- اي عادي .... نزار
-- لبيه
-- شنو مافهمت
-- هههه هاي بالخليج يعني نعم لبيك
- اها .... انت هم تحفظ الاشعار الي تكتبها
-- طبعا . .. تحبين اسمعج
-- تفضل
هَـلْ قُـلتُ أني أحبِكِ ؟؟
وهلْ قُـلتُ أني سعيدٌ لأنكِ جئت .. ؟؟
وأن حضوركِ يُـسعدُ مثلَ حُضورِ القصيدة
ومثلَ حضورِ المراكبِ .. والذكرياتِ البعيدةْ ..؟
أريد أن أكتب لك كلاماً
لا يُشبهُ الكلامْ
وأخترع لغةً لكِ وحدكِ
أفصّلها على مقاييس قلبك
ومساحةِ حبّي..
خذُوا جميعَ الكتب
التي قرأتُها منذ طفولتي
خذوا الطباشيرَ والأقلامَ
والألواحَ السوداءْ
وعلّموني كلمةً جديدة
كلمةً واحدةً فقط
أُعلّقها كالحَلَقْ: في أُذُن من أحبُّ  ..!!
أريد أن أهديكِ
كنوزاً من الكلماتْ
لم تُهْدَ لامرأةٍ قبلك..
ولنْ تُهْدَى لامرأةٍ بعدكْ.
يا امرأةً.. ليس قَبْلَها قَبْلْ
وليس بَعْدَها بَعْدَ ..!!
أوصيتُ الريحَ
أن تمشّطَ خِصلات شعركِ الفاحم
فاعتذرتْ..
بأنَّ وقتها قصيرْ.. وشعركِ طويلْ..
-- جميل جدا
.فضة اتحرك شي بداخلها ماجانت حاسة بيه من قبل كامت قبل لايفضحها كلبها -- مو حلو مااحب الشعر يله يا ولد العم خلينه نرجع طولنا
-- يله امشي وبكلبه يكول اخ منج يالعنيدة راح اتعبيني
رجعو للقصر وخلص بهالايام نزار ترتيب العيادة وكامو اهل القرية يجونه وحبو هواية لان جان محبوب ويه الكل وبهالفترة فضة ويه والدها مشغولة بالديوان ونزار مستمر بمحاولة كسب كلب بنت عمه بس ماكو اي فايدة فد يوم الشيخ همام تعب صعدو لغرفته وبقو سهرانين وياه للصبح -- فضة روحي ارتاحي اني يم عمي باقي
-- لا ابد انت اذا تريد روح اني ماني متحركة من هنا -- اوكي براحتج ....
بعد ساعة جانت فضة كاعدة عالكرسي القريب على ابوها وبدت تنعس وبدون وعي غفت جان نزار يراقبها ويضحك يكول من تنام مثل الملاك بس اذا تكعد الله يستر ههههه صار الفجر ونزار مستمر بمراقبة نبض وضغط عمه الى ان زال الخطر كعد عمه كعده نزار وكال-- حمدالله على سلامتك شيخنا يمعودة خوفتنا عليك -- الله يسلمك ياوليدي شنو بعدك مانايم ... تعبتك---- عمي شنو هالحجي شعدنه غيرك انت بس كوم بسلامه --- ان شاءالله لعد فضة وينها -- ههههه الله سترني ولطف بحالي وخلاها تنام هاي يمك قبل ساعة غفت هنا عالكرسي وبصراحة خفت اكعدها ههههه --- هههههه بنيتي العنودة
-- ارتاح هسه اروح اكول للبنات يحضرولك ريوك حته تاخذ علاجك -- ماشي
نزل نزار وجان تعبان حيل صاح ام حسين الشيخ كعد حضرو ريوك --- اي الحمدالله ياربي صار خمس دقايق وجاية حضرت الريوك واخذته سحر وصعدت دكت الباب بهدوء صباح الخير دكتور - هلا سحر صباح النور -- ركضت علشيخ باست ايده صباح الخير وحمدالله علسلامة شيخنا --- شكرا شكرا بنيتي -- هذا الريوك تريد اساعدك
نزار -- اي تعالي ساعدي الشيخ بالاكل