امرأة خطرة

البارت الثامن

وصلو للغرفة كعدت فضة عالجرباية نزع نزار العكال والعباية
-- اوووف شكد اتعب هالملابس هيج احسن ههه اليوم جان متعب مو ؟؟؟ كومي انتي هم اخذي راحتج غيري ملابسج ..
فضة ولا كأنها سمعت شي
اقترب نزار شال الطرحة بدا يتلمس شعرها ويشم بريحته اووووف يافضة شعرج حبيته من اول نظرة ولو اكتب قصايد عليه قليل بحقه اوف يافضة اوف ويجر الحسرة جان نزار يريد يفترسها بعيونه مامصدك صارت حلاله وملكه حس نفسه محضوظ بقى يتغزل بعيونها وبشعرها

أيتها الأنثى التي في صوتها تمتزج الفضّة..بالنّبيذ..بالأمطار ومن مرايا ركبتيها يطلع النّهار ويستعدّ العمر للإبحار أيتها الأنثى التي يختلط البحر بعينيها مع الزّيتون يا وردتي ونجمتي وتاج رأسي ربما أكون مشاغباً..أو فوضويّ الفكر أو مجنون إن كنت مجنوناً..وهذا ممكن فأنت يا سيدتي مسؤولة عن ذلك الجنون أو كنت ملعوناً وهذا ممكن فكل من يمارس الحبّ بلا إجازة في العالم الثّالث يا سيدتي ملعون فسامحيني مرة واحدة إذا أنا خرجت عن حرفية القانون فما الذي أصنع يا ريحانتي؟ إن كان كل امرأة أحببتها صارت هي القانون ....
فضة- نزار ....
- لبيه ياعيون نزار انتي اليوم تأمرين واني انفذ ياشيخة كلبي
-- نزار ... اني ماريدك ...
انصدم نزار من كلامها راد كلبه يوكف-- شلون... شوفي اذا اليوم تعبانة اعصابج عادي تره صبري طويل اتعودي عليه ومع الوقت راح تحبيني وتشيلين هالحواجز
-- نزار .. مو شغلة تعود اني قبلت بالزواج علمود انفذ كلام ابويه ومااكسر كلبه اني ماريدك لا اليوم ولا باجر اصبر فترة ونلكى حل للموضوع واتمنى ابويه مايصير عنده خبر ..
طبعا نزار جان احساسه كانه انطعنت رجولته انصدم من وقاحتها وطلبها بقه صافن مايعرف شيكول وكف راد يطلع من الغرفة صاحتله -- نزار
وكف ودار وجهه بدون ماحجه كلمة
-- وين تروح هسه اذا اهلنا شافوك يحسون خليك بالغرفة .طلع بدون مايجاوبها راح للمزرعة كعد يدخن ولو هو مايحب يدخن وضد فكرة التدخين بس من حركة كلبه بقه يحجي ويه نفسه لازم ينتقم منها هي هانته وهانت رجولته بعدين يفكر بعمه الي طريح الفراش  وينقهر عليه قرر يصبر عليها بلكي تتغير وترجع ندمانة بس ماراح يقترب منها الا ان ترجع كرامة رجولته جان يحبها رغم قسوتها وغرورها صار الفجر وهو على هالحال تعب طلع للغرفة مالتهم فتح الباب شاف عبايته على نفس مكانها والبدلة بالكاع والغرفة مزينة بالورود والشموع ضحك بنفسه ماتخيل بيوم هيج تصير ليلة عرسه دخل وسد الباب اجه كعد عالجرباية جانت فضة نايمة وشعرها عالمخدة ونازل من الجرباية بدا يتلمس بيه ويكول اوووف يافضة نايمة ومرتاحة ونزار محترك بناره شنو من كلب قاسي وحجر عندج انتي مو بشر اكيد ..... كعدت فضة على صوته ارتبكت شافته كاعد يمها -- ها نزار شعندك
--- سلامتج شعندي كاعد بغرفتي وعريس ومرتاح وانتظر امي تجي تاخذ النيشان مني وابوية يكول صباح مبارك ياعريسنا الزين
دنكت فضة راسها وبعدين هم ردت شالتها وكالت - نزار لاتنتظر مني شي ابد واذا تريد اتزوج وحدة ثانية عادي من حقك اني ماراح اصيرلك مرة ابد
-- فضة اريد اسئلج سؤال اترجاج جاوبيني
-- كول اسئل
-- انتي اكو احد بحياتج شخص تريدين توفيله
اتعصبت فضة وشالت شعرها وصاحت بعصبية -- انت شدتحجي ؟؟ اني مااحب اكون تحت سيطرة اي رجل واحد يتملكني انوب اكعد احب خليها ابالك نزار اني مايهمني اي رجل احب اكون سيدة نفسي فقط ونفسي عزيزة عليه حيل ومااسلمها لاي رجال واني شيخة وراح ابقه طول عمري شيخة واخدم باهل قريتي
اتفاجأ نزار من كلامها صح هو يعصب منها ويحس باهانة من ترفضه بس كلبه يحبها بالزايد يحس هالشي مستحيل ولازم يحصله بأي طريقة كام من يمها ودخل للحمام وسبح وطلع لبس دشداشة وغتره واتعطر شاف فضة طالعة مثل الحورية لابسة كلابية ابيض بيها شغلات ذهبي وفاتحة شعرها ومخليه مكياج لان بعد ماراح تلبس حجاب كالت وبكلب ميت-- نزار يله دانتظرك ننزل سوية حتى لايشكون بشي اجه نزار باتجاها وكام يقترب وجان ياكلها بعيونه وهي ماخافت ابد بقه يقارب وهي ترجع لحد ما طخ ظهرها عالحايط اجه خله ايده عالحايط وحصرها بين اديه ويباوع بعيونه ماكو اي خوف
--- فضة انتي كلبج حجر لو شنو ليش ماعندج اي مشاعر لو غيرج بهالموقف هسه جان دكات كلبهم تنسمع من بعيد --- وليش اخاف محد يكدر ياخذ مني شي يمكن ماكايلتلك اني اكدر ادافع عن نفسي حتى اكدر اشيل سيف
-- ههههه مو لهالدرجة ...
-- اذا تحب اثبتلك
-- ههههه لا شيكولون الناس الشيخة كتلت رجلها وابن عمها باول ليلة ... يمكن اني ماكتلج انو اني صبري طويل وراح يجي اليوم الي انتي تجين تسلمين نفسج اليه بيه
بضحكة كلها استهزاء- هههه ماعتقد يجي هاليوم
-- راح يجي .... واذكرج
عافها ونزل هي راحت للمراية تعدل بنفسها ودكول ديري بالج يافضة تستسلمين اله لا يفضة لا اني شيخة نفسي وتضرب على كلبها ودكوله دير بالك ادكوله فد يوم اطلعك من مكانك ..