حفر حفره وطاح فيها

الجزء الخامس

مها: ليش هالمره بعد؟

ريم: لاني انا ووليد نبا نلتقي وقلنا يعني نعزمكم انتي وياسر بالمره..

مها وهي اطالع ريم: تحسين كلامج له معنى..؟

ريم: انزين انتي ليش معصبه..احيدج ماتهتمين..

مها..سكتت وهي اطالع ياسر اللي ماشافته اسبوع كامل ..يطالعها بنظرة نذاله..وبابتسامه انذلل...(بقلبها.: اااااااا اكرهك..ماصدق انه قبل اسبوعين حاول يبوسني ..لا ماحاول الا باسني..و فوق كلها يبتسم..)..

مها بوزت بويهه وهي تشل كوب الشاي وهي تقول..: متا بيخلص لقائكم عشان نروح البيت..

ريم تدز مها الكتف بهمس..: شو بلاج؟

مها نفس الشي بهمس: حسبتج قلني حنا بس بنلتقي ..شو ياب وليد وياسر..؟؟

ريم سكت شوي حست ان مها عندها سالفه ومعصبه من شي.. بنفس الاسلوب بهمس: اوك بعدين بنتفاهم بس الحين اتحملي شوي عشان خاطري..

مها لفت ويهها (بقلبها: اصلن انتي بس تهتمين لعمرج ..ماتهتمين لمشاعري ابد..)

مها كانت طول الوقت مبوزه ..

وليد يطالع ياسر: البنت مبوزه شو سويت فيها..

ياسر يطالع وليد: انت شو بلاك كله تحسسني سويت شي..

وليد: عيل شو بلاها..؟؟

ياسر: شدراني هاي دومها مبوزه ومعصبه..

وليد يشوف ياسر معصب هو الثاني..

ريم اطالع وليد.. مبتسمه..

وليد: كنت احسبنا انا وانتي انغري بيردس..طلعو هالاثنين انغرري بيردس..(الطيور المعصبه لعبة angry birds)

ريم: ههههههههههههههههههههه..

ياسر يبا يقهر وليد..: لا الحين انتو تطورتو وصرتو لوف بيردس.. (طيور الحب)

ريم صخت مستحيه..وليد بعده شاق حلقه..

قاطعهم صوت مها: ولا قد بحيايتي سمعت شي اتفه من هالكلام..

ياسر وملامحه بدت تتغير..بدا يعصب صدق..

ريم وقفت وسحبت مها ..رايحين للحمام..

ياسر بعد ماكان يحاول يخفف من غضبه انتبه ان وليد ساكت ويفكر..

ياسر: وليد..

وليد انتبه لياسر يزقره: ها..

ياسر قعد يطالعه بنظره عميقه..

وليد: شو بلاك..؟

ياسر: بشو تفكر؟

وليد تغيرت لملامحه يوم حس ان ياسر يحاول يقرا افكاره: ها؟ بس افكر بخطه..