حفر حفره وطاح فيها

الجزء العاشر

يوم الجمعه ..ريم تشوف مها تعضض اظافرها او هاللي هي تشوفه..: مها شتسوين؟

مها رفعت راسها صوب ريم..: خلص عني مزيل المناكير ونسيت اشتري واحد..وماعندي حل غير اني اشله بضروسي..^^

ريم منصدمه..: فشيييله..ماعرفج ولا تعرفيني..

مها شاقه حلقها..: جب لا..تعالي ساعديني شلي عني المناكير بالايد الثانيه..

ريم: سيييري لاا..اسمعي انا الليوم بلتقي بوليد اتيين؟

مها: ايوا عشان جي اول ماخلص العرس طرتي لهنا..

ريم: جب انزين بتيين ولا لا؟؟

مها..: لا طبعا..

ريم:اوك شو البس..

مها: هل هذا شي مهم؟(باللغه العربيه الفصحى)..

ريم نفس الشي : اجل..

مها..: اجل راويني مقفااج..

ريم: هههه قليلة ادب..ابا استعير ثياابج الكيوووت..

مها: اعطيتك الاذن ..خذي ماتريدين..

ريم: شكرا..

مها..العفو ولو..

ريم: ياخي ماينعرفج..عندج تويستات هب طبيعيه,..(يعني تقلبات هب طبيعيه)..

مها ابتسمت: تذكريني انا انسانه موسميه ليليه..

ريم: شو ها بعد؟

مها..: يعني كل مايتغير الموسم تتغير حالتي النفسيه..وماحب اقوم الصبح واساهر فليل..

ريم: ايواا...بس اللي انا ملاحظتنه اليوم ان نفسيتج شوي احسن عن دووم..في شي يفرحج؟؟

مها: ابدن..

ريم: امم صدق..

مها: يب..اقول اقلبي ويهج..سيري اختاري اللي تبيه قبل لا اغير رايي..

ريم: والخيبه تغيرت النفسيه..

مها: اووص...

وردت تقشر المناكير بضروسها..وهي تسمع ريم تقول: مها عندج بسكوت لوتوس؟؟؟

مها: بالمطبخ..

ريم: اوك..

لوتوس يالذيذ يا رايق..مع حليب فراوله لاكنور يمي يمي..

....................................................

المغرب..:

حديقة الممزر بدبي..

ريم: وين يايبني؟

وليد مبتسم يطالعها..: ليش ما تبين اتيين هنا؟؟

ريم اطالع المكان مستغربه..

وليد: خايفه؟

ريم: لا ليش اخاف..وبعدين مايخوف هالمكان..بس ليش هنا؟