حفر حفره وطاح فيها

الجزء السابع

بعد كمن يوم مها اكتشفت ان ريم كلمت وليد بس ماسامحته..اما وليد كان راضي عشان يبا تعطيه فرصه..وببدون نفس الاصدقاء لين اماتقتنع ريم...

مها وريم بالمول يتشرووون..

مها تطالع المرايه..تشوف شكلها بالنظاره اليديده..مها مستغربه..هي بنت طبيعيه تحب الاشيا اللي يحبوها البنات..ومعنها ماتتكلم وايد..بس لو تتكلم تنحب وهي تدري هالشي..بس ليش ماعندها صديقات غير ريم؟؟

لفت اطالع ريم اللي اطالع السويرات بابتسامه..تحسنت نفسيتها بوااايد..وبدت تبتسم..والحين حتا ابتسامتها هب راضيه تفارق شفاتها..كلها لانها ردت تكلم وليد..شو ها الوليد ساحر ولا شو؟

مها: ماقلتي ااخذ هالنظاره ولا لا؟

ريم بعدها اطالع السويرات ولا رفعت راسها: لو عايبتنج خذيها..

مها مبوزه: عيل ليش سألتج من الاساس؟

كانت تبا رايها بس ريم ولا هامنها..قررت تشتريها..لانها تدري لو تمت تفكر وتتردد وايد بتبطل تشتريها..

مها: ابا اشتري مكياج بعد..

ريم: اوك خل نشتري..

بعد ماتشرو يبون يطلعون..

مها: امم شرايج نتعشا بمكان راقي؟

ريم: سوري ماقدر..

مها: ليش؟

ريم واحمرت خدودها..: بشوف وليد..

مها اطالع ريم بتفحص..: شسالفه؟

ريم:شو؟

مها: ماسامحتيه بس تقابليه وتكلميه ومادري شو..

ريم: انزين ماسامحته بس هالشي مايمنع اني اقابله..

مها: وبعدين لايكون تروحين له بهالشكل؟

ريم: وليش شو بلاه شكلي؟

مها: لا يعني مبين عليج فرحان لانج بتقابليه..عن يفهم غلط..

هالمره احمر ويهها بالكامل: هاه..وبعدين انا يوم اكون وياه ابين معصبه..كاني اكره كلشي يخصه..

مها: هيه باين..

ريم: وبعدين انا من زمان ماشفته..بس كلمته بالتلفون..

مها بقلبها: اها هاللي يفسر ليش كنت يفرحانه بزياده...

ريم: قلتي شي؟؟

مها: لا ..اوك عيل نتقابل بيوم ثاني..

ريم: اوك..سيا..

..............................................

بالكافيه..:

ريم مبوزه من برع ومرتبكه من الداخل.. من زمان ماشافو بعض..اما وليد فمبين كوول عادي ولا متأثر غير انه كان صدق مرتبك..نفس اللي ارتكب جريمه والحين يقاضونه..