حفر حفره وطاح فيها

الجزء التاسع

بعد اسبوع..:

ياسر يطالع بنت بنت..بعدين رد يطالع الولد اللي جدامه..كان وليد جدامه..وهو كان بالمول..وهاي اول مره يلتقي بولد عمه ولوحده..او هاي اول مره يلتقي بواحد من عيال عمه..

وليد يطالع ياسر اللي شكله هب مرتاح..: شو؟ وين كنت بتروح اليوم بعد..؟ بشو مشغول بعد؟

ياسر كان يطالع وليد وبعد ماكان ساكت لفتره قال: ولا شي..

وليد سكت..وردو يشربون الشاي..هب عارفين عن شو يرمسون..وكانو ساكتين..

وليد قطع الصمت..:ريم تقولي اخليك تبتعد عن مها..

ياسر سكت وماعلق وكمل شرب..

وليد: بس انا قلتلها ان مافي شي بينك وبينها..وشسمه..

ياسر بعده نفس الشي نفس الما مهتم..

وليد بعد ماسكت شوي بعدين قال: انا ماهتم تلعب عليها ولا لا ها شي يخصك..

ياسر قطع صمته وهو يقول: انا من زمان وقفت عن هالشي..وبعدين هي ممله ماحلو ينلعب عليها..

وليد ساكت وهو يسمع وليد ويوم شافه سكت..تم هو ساكت ورد يشرب الشاي بعدين حط الكوب عالطاوله وماشل عيونه عن الكوب وهو يقول..: سمعت انك ترقد ويا البنات وتخليهم..

ياسر انصدم رفع راسه يطالع وليد..لا يكون عرف انه رقد ويه اخته..

وليد رفع ارسه يطالع ياسر وابتسم..: كوووووول مان..(بالعربي انته رجل قووو)..

ياسر خفت الصدمه سكت شوي بعدين قال: منو قالك..

وليد: جسوم..

ياسر.. جاسم اربيعه محد غيره..من متا صارت علاقته قويه جي؟؟ هيه صح يمكن من فلوريدا..هو اصلن من زمان عن ربعه..مايكلمهم وايد بس يوم الطلعات يتصلون له..

قاطع افكارهم صوت ثلاث رياييل..طلعو ربع وليد..ياسر وهو يطالعهم صيييييع 100%....

بعد ما راحوو..وليد بعد هدوء قال: عفكره.. لو كنت تحب مها عادي قوول..

ياسر انصدم هو الثاني من وين طلع هالكلام..

وليد وهو يوقف: المهم انا الحين بروح ربعي يتريوني برع..امم لو تبا اتيي تعال ؟

ياسر: لا شكرا..

وليد: اوك.. ف وداعة الله..

وراح.....ياسر بافكاره: شو قال؟ احب مها؟؟؟؟؟؟؟؟؟؟

.........................................

اليوم اللي وراه:

بالدوام..

ياسر يطالع مها وهي تشتري من الكاونتر وتقعد بروحها عالطاوله..(هالبنت صدق وين اصدقائها..؟؟)..وبعدين انا ليش اطالعها..لف يطالع البنت اللي جدامه واللي بعد كانت تتكلم..وهو بعده ع ابتسامته..