أيمن وسراب صار عدهم توئم اولاد وبعده صارت عدهم بنوته واني يابسه وتمن😕😕فرحت بجيت اهلي للعرس والحفله بقاعه ومحتاره بنفسي اني وخواتي شنو نلبس وكذا ..
اوسم :تفاجئت برحمه صايره تفاح لبنان تجنن هاي عمره 14 وهيج لعد اذا وصلت للعشرين شتصير هيه من طفله حلوه بس متوقعته اهيج صايره كول شويه اكوله لمروان لك مروان شتأكلوه لرحمه واهيج صايره ودنيا تكولي لك لتحسده لبنتي ... يمعوده محسده بس صدوك مجنت متوقعة اهيج صايره وهيه تخجل من اكوله دوريد كبرانه وصايره مراه... لج ذاك اليوم انت تفترين ويه مروان هسه كبرانه وصايره خجوله اذا هيج خجوله متلبسين حجاب ....ملبس حجاب بعدني صغيره....كول هل طول وصغيره وكل شويه اسحبه من ظفيرته متكزكز عليه معرف شحس من اشوفه طبعآ وقته جنت ناجح من مرحله ثالثه كليه ورحمه تنتظر نتائج الثالث متوسط وكل مشوفه اكول ياربي كون ساقطه بكولهن ...اسم الله عليه بيش مفاولني ..حتى اكولج حييل لان ملابسه حجاب تستاهلين ...والله بس انجح البس حجاب ...لج اني اذا تزوجتج البسج عبايه وخمارموبس حجاب...واني شبيه اقبل بيك معقد اووي ..تموتني من تكول اوي تشلعه لقلبي من مكانه بدلعه ورقته وانوثته وجماله اكعود كدامه وحط ايدي جوه خدي وصفن عليه جذابه وهيه كوله 14 من تكبر شتصير من كارثه وامي كول شويه تكولي اثكل كافي ولو تبقى بس هيه مخطبه الك لتظل تحوص عليه عيب عليك باجر تتخرج وشوفلك دكتوره مو تركض وره زعطوطه لتغرك ذلي مثل نخل الزينه بس منظر بدون ثمر ... وتالي احمد ابن عمي ظل يحوم عليه وين متروح بالحنه يروح وراهه واني كل شويه اخذه ع صفحه ورزله بس ميفيد وياه وبالعرس الصبح كلت لدنيا اختج شنو تلبس اليوم خوه مو مثل البارحه بدله قصيره وخبلتني والا شويه وسويلي عركه شكبره من وراهه وكتله لاحمد اللزكه من البارحه واني احسب لليوم شتلبس واذا لبست قصير مثل البارحه والكعبه مخليه تطلع للحديقه موللقاعه ..وانت شكو اخوهه ابوهه وتتحكم بيه خليه بعده صغيره خل تشبع لبس باجر تتزوج ويحكمه رجله وتخلصه عذاب مثلي ...اي رجله ونص وشوفي باجرمن تصير مرتي البسه جادر والشارع متشوفه ..كافي يمعود لتكول مرتي صدووك اني احبك وانت ورده بس مريده تتورط ويه امكم وتعاني مثلي ..لا اني اخذه وطلع بيت لوحدنه وراسنه بارد وهذا لبسه القصير والحصر والجنيزات بس الي تلبسه
وتالي لبست رحمه بدله ماروني ومطعمه بأسود وردنه ربع شفافه مقسمه ع جسمه والشعر مفتوح ومكياج خفيف واني تخبلت من شفته جتي تطلع للسياره وكمشته من ايده بقوه وعطت بيه وين طالعه هيج تردين تخبليني الحديقه مليانه شباب روحي البسي عبايه بسرعه وراحت لأمه تبجي وجتلي امي وخواتي يحجن عليه شعليك بيه انت شكو وامي تكولي لو تطلع عريانه معليك بيه عده اهل يحاسبوهه موكتلك كافي تركض وره زعطوطه ...يمعود اوسم هيه صغيره خليه تطلع ...دنيا صغيره شنو شطوله وطالعه هيج شتكول علينه العالم مطلعيه معرض للزلم اني اعرف صغيره بس العالم متعرف هيه صغيره شوفوهه طويله.وعظمه خشن عبالهم مراه اني طالع والله اذا شفته طالعه بدون عبايه لتعتبون عليه لان حذرته كافي البارحه كوله شبعت بزنوده ورجليه اني احجي من غيرتي عليه احس هذا كله ملكي مريد احد يشوفه غيري واتمنى بس الي تلبس قصير وظيق اويلي عليج رحمه مو بس رحمه انت نعمت الله كوله شوكت اتخرج وخطبج وتلبسين الي لبسج هذا ..رحمه تعالي لغرفتي انطيج جبه تلبسيه ...يمعوده دنيا جبه شنو اني بعدني صغيره ...دلبسيه كد الطريق بس نوصل انزعيه...وشعري يتخربط ..بالصاله رتبيه شعرج هذا اوسم متخبل يكول متطلع هيج..وهو شكو ...بعد عنده غيره ع عرضه مكلتله يغار عليج لان يحبج غيرة الموضوع وطلعتله جبه وطلعت الجبه قصيره عليه ورحت جبتله عباية عمتي وهمات بيه قصر وكلتله خليه ع كتافج ولفيهه وبس نوصل انزعيه ونطينياهه لتظيع وتالي شيخلصني من لسانه...
اختي داليا ناس شافوهه ونعجبوا بيه وخطبوهه لأبنهم ورحمه كبرانه وماشأالله شبابه حلو وهيه اخشن مني ومن داليا وتبين اكبر من عمره وكل شويه مراه تخطبه من أمي لأبنه واني خايفه عليه من العيون كل الي بالقاعه عينهن عليه لان من طلعوا اهلي من بغداد رحمه جانت طفله فالكل تفاجئ بيه كبرانه ... واوسم مستقتل عليه بس مكلتله لان بعده طفله ومريد اشغل عقله من هسه وتالي تتورط ويه امه مثل متورطت اني .....
