رحمه : كولنه بالصاله مجتمعين واعصابنه تلفانه ننتظر يكولونه دنيا ولدت وطلعت من صالة العمليات ومروان يتصل ع اوسم وأوسم ميجاوب وتصلت عليه سراب وظلت تعييط وتدك ع وجهه جمدت بمكاني ولساني نعكد اخاف اسئل و تكول الطفله ماتت وراح تعب دنيا ومروان وايمن يكولوله شكو شصار بارق صار عليه شي ودموعي تنزل مثل المطر وتالي عرفت الصدمه الي مات مو بارق ولا الطفله الي مات اختي الي ربتني الي اعتبره امي الثانيه ماتت بعد رحلة ألم وأمل"""" أمل بأنه تصير أم بيوم من الأيام .....خلصت نفسي بجي يردون يسكتوني مسكتت لحد مفقدت الوعي فتحت عيني مروان وسراب يغسلون بوجهي ورحت كابلت الجربايه الي محظرته اله وعاين ع ملابسه الي حظرته اله ماما وبجي بصوت عالي بقينه كولنه للصبح كاعدين نبجي عليه وع الطفله ومن الفجر طلعنه لبغداد وصلت لكيت امي ماكو وينه كالوا بالمستشفى رحت لغرفة دنيا وحظنت اخر لبسه اله بسلة الملابس وظليت ابجي بصوت عالي وبقيت بغرفته مكابله ملابسه واشيائه وسولف وياهن واتمنى يطلع كل هذه حلم وهسه تجي دنيا من المستشفى ....وبارق ليليه يجي للغرفه يكابل ملابسه ويبجي بعلو صوته . تالي عرفت امي صاير عده ظغط وسكر وابويه صايره عنده ذبحه ..ماما تعبانه رحت اله للمستشفى ورحت شفت الطفله جنه كمر تجنن ملاك ونايم بالحاظنه
اوسم:تعبانه نفسيتي حيييل ع دنيا وع بارق وع الطفله وكلي مروان رحمه تريد تشوف امي بالمستشفى وجتي رحمه لابسه اسود وكبرانه وصايره تصفن جمال موطبيعي وخدوده طماطه من البجي وعيونه وارمه ظليت صافن عليه معرف شكوله صعدت بالسياره وهيه مدنكه حتى مسلمت عليه كلتله شلونج رحمه...شلوني بعد وبجت....لتبجين البجي ميفيد ادعيله بالرحمه احسن ونزلت دموعي وطول الطريق بالي يمه واسمع انفاسه دتبجي ويتكطع قلبي عليه وع دنيا وصلنه للمستشفى بس نزلت تخربطت كمشناهه اني ومروان وااخ من كمشت ايدهه معرف شحسيت ...كعدناهه ع كرسي لحد مرتاحت وشربت مي وعصير واخذناهه لعمتي ام ايمن وهمات خلصنه اثنينهن بجي وتالي اخذته شافت الطفله وعاين عليه شلون تتعامل وياهه ...
رحمه:من شفت الطفله نهاريت بالبجي وكلتلهم اريد اشيله خلوهه بحظني حظنته وبسته يمكن اني اول احد يحظنه ويبوسه وخليت خدي ع خده ظلت ترضع بخدي كالوا صارت زينه تكدرون تاخذوهه وياكم وكملنه اوراقه واخذته لماما وماما بس شافته ظلت تبجي وكلتله ماما تحسني اذا مو لخاطري لخاطره هيه محتاجتج واخذته وطلعت للبيت وطول الطريق الطفله كامشه اصبعي ومن شافوهه بالبيت تفاجئوا بجماله كوله تكول عبالك ملاك نايم الا ام بارق مكلفت نفسه تسأل عنه لو سؤال واحد ويوم ثالث ماما طلعت من المستشفى وباليل كولنه جتمعنه بالصاله وبارق شكله يكسر الخاطر مو ذاك بارق الهيبه والي يخوف لا شكله مكسور ومهدود حيله جبتله بنته حظنه وظل يبجي بعلو صوته والكل بجه حتى امه بجت معرف تبجي ع بارق معرف صحوة ظمير ولو هيه معده ظمير من الأساس .وكلتله امي ترى البنت اني اربيهه كله لا عمه انت تعبانه وبنتي تربى عندي..لايمه بنت دنيا تربى عندي ورحمه تساعدني ...اي ماماو اني اربيه ولو معرف شي بس اني اصيرله ام واخت وصديقه ان شالله نعوضه عن امه ...وقبل بارق ناخذه للطفله وكال حسميه دنيا وامه اعترضت كالعاده اله رأي مغاير كالت قديم هذا الاسم وتفقوا ع اسم دانيه قريب من اسم دنيا واخذنه دانيه ويانه لتكريت ....
