سمعت صاحوا اسمي دنيا عبداللطيف توقعت عندي مرض خطير كد التعب والالم الي احسه بجسمي بقيت راسي ع جتف امي وراحت رحمه تستلم النتيجه ورجعت رحمه اديه ترجف وعيونه مليانه دموع وماده ايده بيه ورقة التحليل وتبجي اني ظليت ابجي وهزيت راسي اعرف اني بيه مرض كتله شنو شبيه من مرض شكلج ورحمه تبجي ...ماما رحمه شبيه اختج شكلج الدكتور..ماما دنيا...اي شبيه دنيااحجي ...واني ابجي وامي ورحمه منعرف شنو النتيجه كعدت رحمه كدامي وحاظنه رجليه وتبجي وتعيط بصوت مخنوك بالبجي مامادنيا حامل..انت حامل...ظليت فاتحه حلكي ودموعي تنزل صدووك اني .....اي..انت حامل ...معرف منين اجالي الحيل وكمت ركض ع دكتور التحليل كتله الله عليك صدووك اني حامل بطفل لو بمرض واختي فاهمه خطأ وبيدي نتيجة التحليل ..لا اختي انت حامل مبروك ..متأكد؟؟؟..اي متأكد ..الله عليك لتكذب عليه.والله ممكذب عليج وهاج شوفي هذه انبولة التحليل ماتج شوفي شكد الدم مليان نقاط بيضه يعني حامل بحمل قوي او حمل قديم ... شنويعني قديم ..يعني من زمان مو جديد الافضل ترحين للسونر..وحظنتني امي ورحمه وكولنه نبجي ورحت للسونر كاعده وابجي والنسوان يعاينن عليه مقهورات عليه ع بالهن بيه شي وامي تسكتني ورحمه مخلصه نفسه بجي اكثر مني ودخلت للسونر وخايفه خاف يطلع كذب وجان تكولي الدكتوره انت عليج رابع مصدكت معقوله اني حامل 4اشهر ومعرف بنفسي حامل ونزلت سجدة شكر لربي ورحت للدكتوره كتبتلي مقويات ورجعت للبيت اتصلت ع بارق ...الوو ...الوو هلو حبيبتي شلونج ..الحمدلله..مرحتي للدكتوره...اي رحت..نطتج علاج...نطتني مقويات بس...بس مقويات..اي.. مكالت شنو السبب هيج تعبانه مسوتلج تحاليل مو كوتلج جيكي نفسج .. تخاف عليه..اكيد شلون مخاف ع روحي..بروقتي ....عيونه....اريد اكولك شي..اهوووو رجعنه اعرف شنو تردين تكولين...شنواريد اكول...اكيد طلكني وتزوج معندج غيره ...لا موطلكني لان اساسآ ميصير تطلكني هسه حرام..ههههه لازم.....لا لان الحامل ميصير تتطلك...شنو!!!!!؟؟؟؟؟ياااااحامل!!!!!!منو الحامل!!!؟؟؟؟اني 😻😻.....ههههه تتشاقين ؛؛؛؛#سهير....لا لا بارق اني حامل والله حامل والي 4اشهر ....لحظه لحظه!!!! ع كيفج خليني استوعب !!!! انت شنو عيدي..اني 😢😢😢...انت شنو ؟؟؟؟كافي بجي يمعوده انت كلتي حامل لو اني يتهيألي كافي بجي دفهميني عاد مو نار صارت بصدري دحجي يمعوده لتخليني هسه بهل ليل اجيج ...بارق اني مو مريضه اني حامل ...الوووو بارق وين رحت...وياج..اشو سكتت.الووو ..لا بس ممصدك عيدي بعد انت شنو ....اني حامل ...حلفي...والسمه نفسه الله اني حامل وشفته بالسونر ...شنو شفتي ..شفت الطفل..يعني متأكده...اي متأكده والله ...لعد وذاك المرض...ذاك مو مرض هذا وحام طلعت اني حامل واتوحم واني ع بالي مريضه وبيه ذاك المرض بمعدتي كد القهر...يعني دنيا حيصير عدنه طفل..اي ..ياااااااااااااااالله مجازيك مجازيك اللهي اني حصير اب الحمدلله والشكر لج دندونتي حتصيرين ام الله اكبر ياربي شسويله معرف شسويله فدوه لعينه احلى ام بالدنيا ....كافي صوتك يمعود لتعييط ...شلون معييط مو زين مبث هذا الخبر بشريط الاخبار بشره ساره لكل الشعب العراقي الرائد بارق حيصير اب اوييييلي يابا يابا مصدك اوصل لذاك اليوم و اشيله بديه..#سهير ....مبقى شي بس 5اشهر...اوووف هوايه لو خمس ايام ويستوي وينزل هوايه 5اشهر متحمل انتظار طويله ....غمض فتح يخلصن ويجي يكمز ع راسك...لو يسوي فوك راسي هم محجي بس خل يجي ...بروقتي فرحان...فرحان شنو كلمة فرحان قليله متعبر عن الي بداخلي .....هههههه ان شالله دوم فرحان ياعمري وحياتي وابو جهالي فديتك بروقتي حتكول لاهلك لو لا ....ههههه خاف مكول وتزعلين لج اني حبثهه بجريدةالشرق الاوسط وصيح.بسماعة الجامع مرتي حاااااااااااامل ....حبيبي انت ربي يتمم علينه فرحتنه ..امين يارب العالمين اويلي عليج شتطلعين من جمال بالحمل ...
هسه كله تفرح بس عمتي ..لا شدعوه حبيبتي ترى امي من تحجي المن تريده الطفل اكيد النه قابل اله..اي بس مقصرت وتزعل ترضى مبريهه الذمه ولا حلله ليوم الدين.....يلا كافي لترجعين لمربع الطائفيه الأولى خليني فرحان.... . اكولك مسئلتني عن رحمه شسوت ...اي صدووك اسوت ....اووووه...شسولفلك عنه خلصت نفسه من البجي عباك هيه الحامل مو اني والله ع بجيهه توقعت بيه مرض وبعدكم يوم واموت بحيث مصدكت اني حامل ع بالي يكذبون عليه وتندعي ياربي بنوته تشبهله كلتله حتى لو تشبه جبار ابو الشربت المهم تمام الخلقه ... اي والله تمام الخلقه اهم شي ...بروقتي اريد ابقى بيت اهلي فتره ارتاح ....اي رتاحي عمري وبعد يومين اجي اشوفج ..... يالا باي حياتي...باي
بعد اقل النص ساعه اتصل عليه اوسم يباركلي ومن صوته حييل فرحان طبعآ اوسم تخرج وتعين دكتور سونر تعيين مركزي بمستشفى الكرامه وباهر اتصل باركلي وزوجته وعمو وسعدى الا عمتي متصلت ولاكلفت نفسه تباركلي ومتأكده هسه تكوله لبارق.
مرتك كذابه موحامل مثل مكالت بحملي الاول كذب موحامل 😕😕😕😕 وبقيت شهر عند اهلي وكل كم يوم بارق يجيلي يبقى يمي يوم او يومين وفرحان بالحمل يمكن حتى اكثر مني ....ورحمه متخبله ممصدكه مكابله بطني وتسولف وياهه يمكن لان جهال داليا بعيدين عنه وممصدكه حتصير خاله معرف لان اني صارلي ثمن سنوات ممصدكه اني صرت حامل طبعآ رحمه صارت بالكليه وخطابه كايمه كاعده وماما متقبل تزوجه تكول بعده طفله مزوجه هيه بس طول عقله عقل طفله
رجعت لبيت عمو وعمتي اخلاقه مثل مهيه ويايه ولاتغيرت ومن تشوفني تعبانه تكولي كومي لتخافين ميصير بيج شي ياما شتغلنه وخدمنه العيال وبطونه لخشومنه ......تهي بهي معرف منو الي يكدر يصخرج و شحده يأمرج غير تذبحيه عيالج ارتاحوا منج واني بتليت وكل شهر يخلص عليه بالشافعات ومصدكت وصلت لشهر الثامن وعرفته بنوته واني وبارق فرحانين بيه وماما جهزتلي كل جهازه وعمتي كل متشوف خلقتي تكول اويلي عليك يمه بارق هاي تالية صيامك بنيه ....
...
