وصلت لشهر التاسع وتعبانه من الحمل والدوام وشغل البيت وطلبات عمتي المتخلص طلعلي شغل من جوه الكاع لوبيده حتى السيراميك اشلعه امسح الي جواه وارجع اسفطه من جديد.....تعبت حييل وحتى حركة الطفله قليله و حتى حييل للولاده مبيه ومن جهه ثانيه قلقه ع بارق لان الوضع الأمني تعبان بداية ال2005وتوسل بيه يوديني لاهلي اولد وحتى ارتاح كم يوم قبل الولاده ميقبل يكولي اريد اني يمج.بيوم الولاده والحقيقه غير ذلك اعرف امه متقبل اروح بس هو ميكولي امي متقبل فيطلعلي هاي الحجه وفد يوم حسيت بألم قوي وبارق انذار وتوسل بعمتي تاخذني للدكتوره تكولي بعدج بداية شهرج البكريه تكمل شهره لتتدلعين وظليت يومين الووج من الالم وتصلت ع امي وكلتله كلتلي كل هاي اعراض ولاده هسه حجيج اني وابوج وحتصل ع بارق واكوله وتصل ع خالتج تجيج ...وتصلت امي ع بارق وكلتله وبارق اتصل ع اوسم وكله ياخذني للمستشفى جانت عصريه يوم جمعه وجتلي خاله وبنته حتى ياخذوني للمستشفى وعمتي متقبل تكول بعده مووكت ولادته وياخذوني غصب عنه خاله وبنته واوسم للمستشفى وصلت للمستشفى كالت الدكتوره لويش هس توكم اجيتوا وظعه تعبان وظغطه حييل نازل والسكر همات هابط وعده ولاده والطفل نبضه ظعيف واحتمال ميعيش ولازم هسه تدخل لصالة العمليات ظليت اعييط وابجي بصوت عالي ودخلوني صالة العمليات وخالتي تصبرني وتكولي كولي ياالله ودعي ع عمتي ونطوني ابرة البنج .ونمت😴😴😴😴😴...
اوسم :اتألمت ع دنيا حييل بس مجنت اعرف بوظعه والله لو اعرف مجان خليته تتأخر هلكد مسكينه تعب8سنوات و9اشهر يروح بيوم وليله وهمه ينتظرون هذه اللحظه ع احر من الجمروهيه تبجي من جهه وبارق بدائرته مندمره اعصابه من جهه وكل شويه يتصل عليه واهله همات يتصلون ومرت نص ساعه وماكو وربع ساعه لوخ وماكو ... واجووي ابويه وباهر وننتظر يطلعون يبشرونه ولدت
......
رحمه:كالت ماما دنيا عده ولاده وهسه لازم ننزل لبغداد توسلت بيهم اروح وياهم مقبلت كالت بس تولد اجيبه هيه والطفله واجي انت ابقي حظريله الغرفه ونصبي الكركوت وتشرحلي ماما ع السريع شنو احظر وين احوط سلة الملابس واشياء الطفله والفرشه الي افرشه لدنيا و....و...و...وكومه اشياء شرحته ع السريع واخذت ملابس لطفله وطلعت هيه وبابا ع السريع.. جنت وقته مرحله ثانيه كليه وبعدني افكر بأوسم وحلم بيه واحس بيه هو همات باله يمي من خلال كلام دنيا مرات افهم من تلميحاته هو يريدني وبس يكمل ماجستير يتقدملي هيه مكالت بوضوح بس اني فهمت ومرات اسمع تراطيش كلامه ويه ماما وسوي نفسي ممنتبهه...اوووف اوووف.....وندعي لدنيا ربي يكومه بالسلامه وتجينه باجر هيه والطفله وحلم بشكل الطفله وكل شويه اكوله لمروان اتصل ع اوسم اسئله طلعت من صالة العمليات يكولي هسه اتصلت كال بعده
اوسم♤بعد تقريبآ ساعه طلعت الممرضه وكالت مبروك جتكم بنوته وحنخليه بالحاظنه لان شويه تعبانه وامه محتاجه دم شنو فصيلة دمه كلتله+Bوبعد تقريبآ عشر دقائق شفتهم انخبصوا بصالة العمليات متحملت دخلت وكلت للدكتوره شبيه دنيا .......مو ولدت كالت نسبة دمه قليله وصار عده نزيف وحتى البنج متحملته وملحكنه عليه يادوب لحكنه الطفله العوض بنته ظليت مصدوم صفنت اريد استوعب شنو يعني العوض بنته يعني دنيا ماتت دكتور اوسم مكدرت انقذه انتوا اتأخرتوا هوايه وهيه عده فقر دم الظاهر وسكره وظغطه هبطن فرد مره ومتحملت النزيف وماتت البقاء الكم دكتور ....طلعت معرف شكول الهم ركضوا عليه كوليتهم هابشرنه شنو اخباره دنيا سكتت كعدت ع الكرسي وخليت راسي بين اديه وظليت ابجي وهاي اول مره ابجي بحياتي وبعده متلت المستشفى بالعياط وبارق يتصل ومجاوبه شكوله دنيا ماتت ومشافت بنته وبعد ساعه وصلوا اهله لدنيا وامه وابوهه نصدموا اكثر من عدنه وامه حالته تبجي الصخر ومروان يتصل عليه مكدرت اجاوبه اتصلت سراب كلتله دنيا ولدت وماتت وغلقت موبايلي وافكر بارق شحيصير بيه المسكين من يسمع الخبر وامي ااخ منه امي شتكول لربه باجر من تموت
