Ang Nanay Kong Multo!
Minsan ako’y nanood sa isang sinehan
Paborito ko kasi ang katatakutan
Pero ang antok ay di man lang napigilan
Ang palabas ay tuluyan nang natulugan
Sa pagkakahimbing ay napanaginipan
Ang isang lugar na balot ng kadiliman
Isang araw nagpunta ‘ko sa kagubatan
Nang isang saglit meron akong nasinagan
Isang dalagitang sobra sa kaputian
At nang makita ko’y agad kinilabutan
Ang aking mga mata ay agad kong tinakpan
Upang mawala sya sa aking harapan
Di ko maintindihan ang nararamdaman
Sa palagay ko ako’y kanyang tinabihan
Nanginginig ang aking buong katawan
Sa pag-aakalang ako’y kanyang sasaktan
Nagdesisyon na lang ako na sya’y takbuhan
Nang sa gayon tuluyan na siyang lumisan
Subalit bigla na lang akong kinabahan
Nang unti-unti niya akong nilalapitan
Nabigla ako kaya’t ako’y natigilan
Lumitaw na pala sya sa aking harapan
“Bumangon ka na,” ako’y kanyang sinabihan
Dugtong pa niya “,malapit nang magtanghalian.”
Nang makita kong nasa sariling tahanan
Ang nanay ko agad ang aking nabungaran
Hindi pala ako pumunta sa sinehan
Panaginip lang pala ang mga naranasan.
[ I try to made this para sana sa Dimension kasi kailangan nila ng humorous article..at nagawa ko pero di ko nai-submit dahil naiwan ko sa bahay kaya gumawa na lang ako ng panibago and that’s “Locker”]
BINABASA MO ANG
Collection of Poems Part 1
Poetry54 different poems that I wrote about life, love, friendship, God and others. Feel free to read these and share with other readers or your friends...:)
