Una, hiniling ko na iyo sanang mapansin
Nang mga matang malayo sa akin
Nawa'y dinggin ang hiling nitong damdamin
Tulad ng damong namayapa sa bukirin.
Hindi hinagpis o tubod hinanakit
Ang s'yang alay 'pagkat masakit
Tuparin ang layon ng matang nakapikit
Sa buwang marikit at bituin sa langit.
Ikalawa, ibig ko sana'y humimbing
Kahit sa panaginip lang ika'y makapiling
Pagsuyo nga ba'y 'di mayari?
O sa dulo ay ako rin ang hihikbi.
'Pagkat anong laban sa sampal ng katotohan
Na ako'y kailanman 'di mo kayang ipaglaban
Buti pa sila, buti pa ang bola
Hindi mo hahayaang maagaw ng iba.
Panghuli, minahal mo gaya ng nais ko
Ngunit sugat sa puso ay iniwan mo
Lumisan ka at nagmahal ng iba
Tulad ng bula, naglaho ng kusa.
Tama na! husto na!
Sana ang sana ay magwakas na
Tulad ng matang pagod nang lumuha
At nang bibig na nagsasabing" Sana hindi na lang sana".
BINABASA MO ANG
Feelings: The Untold
Poetry"Ang pusong minsan ng nasugatan, hirap nang paghilumin ang sakit ng nakaraan. Subalit hanggang kailan magiging kahabag-habag? Tayo ngaba ay nakatadhanang umibig upang masaktan, o masaktan upang muling ibigin?" The Author's Note: Ang mga tulang nakap...