Tulad ng bituing sa gabi ay kumukulimlim
Nais mag-ilaw ang pusong balot ng dilim
Tulad ng mga dahong sa puno'y nangalagas
Pagsinta ay nagmaliw, pag-ibig ang nagwakas.
Tulad ng hanging walang hanggan kung umihip
Sana'y hinagpis ganito rin kung umalis
Tulad ng taong parehong umiibig
Iisa ng hiwatig, iba-iba ang inibig.
Tulad ng mga luhang sa mata ay nanatak
Gayundin ang puso kung masakta'y iiyak
Tulad ng mga matang tanaw ay sakit ng kahapon
Nawa ay humayo na pagsapit ng ngayon.
Tulad ng taong nagmahal ng tapat
Nais masuklian nang kung ano ang dapat
Tulad ng taong batid mong masayahin
Patawa-tawapa, sa dulo'y iiyak din.
Tulad ng saya na napalitan ng lungkot
Nang ngiti na binago ng lumbay
Tulad ng tawa na ngayon ay luha
Sana'y maglaho na sa pagpikit ng mga mata.
Tulad ng katulad ko na nasaktan mo
Nang sabihin mong ako ay sayo 'di pala totoo
Tulad ng mga pusong sabay kung tumibok
Ang sa akin ay sayo at sayo'y sa kanya.
Tulad ng mga pusong sabay kung umibig
Likas ngang magkatulad, ngunit 'di magkatugma.
BINABASA MO ANG
Feelings: The Untold
Poesía"Ang pusong minsan ng nasugatan, hirap nang paghilumin ang sakit ng nakaraan. Subalit hanggang kailan magiging kahabag-habag? Tayo ngaba ay nakatadhanang umibig upang masaktan, o masaktan upang muling ibigin?" The Author's Note: Ang mga tulang nakap...
