الم الحياة

part 1

للكاتبة  (روجين القريشي)..(فرح الشكري)

السلام عليكم راح اعرفكم عن نفسي :

اني اسمي هند عمري 11سنه مواصفاتي طويلة ضعيفة و حنطاوية مائلة الى السمار عيوني كبار عسليات خشمي صغير حلكي وسط وشعري طويل لونة تمري طبعي كتومة كلش وحتلو احد يأذيني ما احجي و هادئة كلش وامي وابويه يحبوني كلش
اني امي وابوي عايشين الحمد لله واني الجبيرة
اسراء..اختي الوسط عمرهه 9 سنوات عكسي بيضة وعيونهة وسط خشمهة صغير و حلكهة زين وكلش وكحة و لسان .
محمد ..اخويه اصغر واحد بلعائله عمره 6 سنوات عيونة لونهن اسود صغار وخشمة وسط وحلكة وسط...
وهاب..خالي الي يتحكم بينه كلش طبعه طيب وحباب بس عصبي كلش....
مرة طلعنة رحنة لكرايبنه وي امي وخالي و اختي واخوي جان بيها عمري 11سنة رحنة لبيت ناس مبينين ناس عاديين حياتهم زينة وعائلة ملتمة و امي كاعدة تسولف وي امهم طب ولد عمرة بال 22 سمعت امة تصيحلة صلاح
صلاح .. طويل و ضخم عيونه صغار خشمة جبير حلكة وسط شعرة كثيف وحلو بشرتة حنطاوية ديدرس كلية صيدلة مرحلة ثالثة و مغرور حيييل
اني عندي عادي سلمت عليه وبس وكعدت يم امي
دخلت ام صلاح وصلاح للغرفه وكعدو يحجون::

امه...يمة ليش ما اخذلك وحدة من بنات فاطمة (فاطمة ام هند واسراء و محمد)
صلاح...اي يمة بكيفج
امة ...يمة اختار تريد اخطبلك البيضة لو السمرة
صلاح...لا يمة السمرة احلة اريدهة
امة...اي يمة عند عيناك اخطبلكياهة ونشوف شيصير
صلاح...الله كريم

صبت غده ام صلاح لخطارهم واكلوا وخلصوا و ام صلاح عينهة على هند شلون تاكل بنزاكة وهدوء لحد ما راحن البنات يغسلن المواعين (هند واسراء)

كعدن يسولفن ام صلاح وام هند وفتحت الموضوع ام صلاح :

ام صلاح....ام هند عندي طلب يمج
ام هند(فاطمة)...تفضلي خيتي طلبي وبيج خير واتدللي
ام صلاح....اريد اطلب بنتج هنودة لأبني صلاح
ام هند...والله خيتي ام صلاح ما ادري شكلج البنية بعدهة صغيرة
ام صلاح....بس قبلي واخليهة بعيني
ام هند...ان شاء الله يصير خير اشوف ابوهة وخالهة والله كريم
ام صلاح...جا خيتي احنة ننتظر ردكم
ام هند...الله كريم