صدفة جمعتنا

الصدمات مستمرة

تفاجئت جنى انه الي جاها كان .... كامل
جنى: كامل ؟!
كامل: ايه بس لا تقولين لأحد انه احنا شفنا بعض
جنى: لييه وش تبي
كامل: من اول ما شفتك حسيت بشيء غريب اول ما شفتك تبكين حسيت بشيء بقلبي
جنى: شنو معنى كلامك يعني
كامل: انا ..... انعجبت فيك بصراحة ما ادري يعني حتى ما اقدر احط عيوني بعيونك
جنى انصدمت و ماعرفت شتقول الا .....

في هاذا الوقت عند البنات
سارة: ما كأن جنى تأخرت
دينا: اي والله
شهد: عشر دقايق و تبدأ المحاضرة الثانية

عند الكافيه

جنى انصدمت و ماعرفت شتقول الا انا ... انا بمشي
مسك كامل يدها و كان راسها بالأرض ووجهه احمر
كامل: جنى ... ابي ردك
تركها و مشت و على طول بدون ما تشوف البنات راحت المحاضرة و كانت هي و شهد بنفس القاعة و دينا لحالها و سارة لحالها
لما شهد شافت جنى استغربت من احمرار و جهها
شهد: جنى شفيك !؟ ليه وجهك كذا
جنى: ها ... لا ولا شيء
كانت جنى طول المحاضرة سرحانة و مو حاسه بولا شيء
بعد المحاضرات و الجامعة رجع الكل الشقة
شهد: اوووف ما ودي ارجع السكن
دينا: اي والله
سارة: اقول جنى مو طبيعية
شهد: كانت سرحانة طول الوقت
دينا: خلونا نسألها
شهد: سألتها اكثر من مرة و ما جاوبتني
وصلو البنات السكن دخل الكل وهو يتأفف ما يحبون الشباب يتلاقون مع البنات طبعاْ لما رفعت راسها جنى و شافت الشباب بلأخص كامل  احمر وجهها و راحت لغرفتها على طول
طبعاً البنات استغربو بس كان كل تفكيرهم كيف يتخلصون من الشباب
راح الكل و بدل البنات جلسو ياكلون جاو الشباب
محمد: وين الأكل
دينا: شايفنا خدم عندكم طبخو او طلبو من المطاعم
سامي:على فكرة حنا ساكنين معكم و حنا الشباب! ... وانتو البنات يعني تطبخون لنا
شهد: لما نشتغل عندك .. يصير خير
محمد: لا تكثرون منها ويلا قومو حطو لنا الاكل
هنا دينا ما قدرت تكتم الغضب من بروده و احمر وجهها من الغضب و اخذت كأس الماي
وصبته على محمد
دينا: عشان ما تكلمنا مرة ثانية بالهطريقة
طبعاً كان شكل محمد ... يموت ضحك
كانو الشباب ماسكيين ضحكتهم لأنهم يدرون لو عصب محمد عليهم رح يدفنهم
طبعاً استسلمو الشباب و طلبو من المطعم
خلصو البنات و كل وحدة راحت لغرفتها عشان يشوفون اشغالهم و بحوثوهم و مذاكرتهم
دينا كان الفضول بيذبحها راحت لغرفة جنى
دينا طقت الباب و دخلت
دينا: جنى .. شفيك اليوم مو على طبيعتك صاير لك شيء
جنى: دينا! ...
جنى ضمت دينا دينا بادلتها الحضن جلستها و..
دينا: قولي لي جنى شنو صاير
جنى: انا .. انا .... في واحد معجب فيني
دينا تفاجأت ...
دينا: طيب وانتي شلون عرفتي
جنى: هو قال لي وانا ماعرفت شنو ارد عليه
دينا: حبيبتي الحب شيء جميل جداً اذا كنت تبادلينه الاعجاب قولي له واذا لا بعد قولي له
فكري في الموضوع و كلميه
كانت دينا بتطلع بس وقفه صوت جنى
جنى: دينا .... خلي الموضوع سر
دينا غمزت لها: اكييييد

اكتبو بالتعليقات اذا عجبكم البارت وصوتو
و انتظرو البارت الجاي
وفي اخبار سيئة
انا يمكن ما انزل بارت الا بعد وقت طويل يعني ثلاث ايام اربع ايام
ما ادري بس سامحوني