صدفة جمعتنا

عرفنا المجرم

متابعيني حبايبي اسفة لاني اتأخرت وما نزلت من زمان بس الجوال كان مخترب
واحين المدرسة ال****** فما رح انزل على طول
اتمنى تستمتعون بالبارت
يلا نبلش

دينا: انا ما ابي اتزوج محمد
وفجأة دخل عليهم محمد و وجهه احمر من العصبية
ودموعه على خده
محمد: شلون تقولين كذا وانا الي انتظرتك وما تركتك وانتيييي فيي غييبوبة
دينا: لحضة لحضة فهمت غلط انا بس.............
محمد: شنو الي بس انا ما تركت ابداً وما تخليت عنك لأني ((((احبك))))
دينا: انا بس ابي اتعرف عليك ما اذكرك ودي احبك واعرفك عدل وبعدين
اذا قدرت تخليني احبك واتعود عليك ان شاءالله يصير خير
بو سالم: انا موافق
محمد: امممممممم ......... طيب واسف ما فهمتك
دينا: عادي مقدرة ظروفك انا الي اسفة
ابتسمت دينا الابتسامة الي اشتاق لها محمد
وهو ابتسم
بعدين دخل الباقي
شهد: امبيه والله اشتقت لك دينا حيييييييل
دينا: انتي شهد وانتي سارة وانتي جنى
جنى: تذكرينا ؟!
دينا: بصراحة لا بس امي و ابوي قالو لي عنكم كل شيء وشنو صار
ودي اعيش معكم احلى اللحظات واخليها ذكريات مع اعز صديقات
البنات الفرحة مو شايلتهم
سالم: الفرحة و شايلتني تي حبيبتي
دينا: وو......وانا بعد بس والله ودي اتعرف عليكم اكثر
سالم: انشاءالله
الكل مستانس وفرحان
بس جاء اتصال لبو سالم
بوسالم: الو ...... صج .... انا جايك فوراً
طلع بوسالم بسرعة ما قدر احد يسأله وين رايح
الدكتور: تقدر دينا تطلع من المستشفى بس لازم احد يخلص اوراق الخروج
سالم: انا جاي اخلصهم
راح سالم والباقي طلعو كل واحد راح مع زوجه
وام سالم راحت مع سالم
محمد جلس جنب دينا ومسك يدها
محمد: دينا الايام بتثبت لك شقد انا احبك ..... وبكل ثقة كمل ،
اساساً مافي احد مايقدر يحبني
دينا ضربته بخفة وقعدو يضحكون مع بعض
محمد فرح كثير لانه دينا هاذي هي ماتغيرت
عند بوسالم راح مركز الشرطة
وصار يركض بالممر وصل الغرفة المطلوبة
طق الباب ودخل
خالد: تفضل
جلس بو سالم والتوتر واضح عليه
خالد: طبعاً مع كل التحقيقات الي اجريناها طلع ان
الجاني هو ......
انصدم بو سالم لانه كان يثق فيه
عطاه كل شيء حتى كان بيعطيه بنته الي دمر حياتها
خلصو اوراق خروج دينا وراحو القصر
رجع بوسالم
سالم: يبه ، وش صاير قول
بو سالم بابتسامة مزيفة: دينا حبيبتي روحي غرفتك تذكري
الاشياء الي صارت معك شوفي الصور واخذي البنات وياك
دينا: انشاءالله بابا
راحو البنات بفرح
جلس بوسالم والجو متوتر
والصمت سيد الموقف
كسر الصمت
ام سالم: طمنا قول شصاير
بوسالم: رحت للمحقق خالد وقال لي
انه الجاني متورط باكثر من قضية في بورصة و مناقصات
واخذ من الدولة مبالغ لا تتعدى المليون وطلع مجرم وحرامي
محمد بعصبية خفيفة: طيب منو هو
بو سالم: راشـــــد
الكل منصدم ماعدى محمد
لأنه كان متوقع راشد اهو المجرم
بوسالم: وانا الي وثقت فيه و كنت بزوجه بنتي
محمد: الحمدلله كل شيء بين على حقيقته
سالم: طيب ، مسكوه
بوسالم: لا ما بعد
وفجأة رن الجرس فتحت الخدامة
الكل في صمت
وصوت اقدام تتقدم لهم
اما عند البنات
فكانو يطلعون الالبومات و صور
عشان يذكرون دينا بكل شيء
شهد: هاذي في تخرجنا
سارة: وهاذي وحنا في الملاهي
دينا: وهاذي ، منو الي واقف جنبي ؟
قعدو البنات يتلفتون على بعض
دينا: شنو شفيكم
شهد: هاذا حبيبك السابق !
توقف صوت الاقدام والكل
مصدومين كثير
محمد: انت يالحقير شتسوي هني
؟/ ههه ، انا مو جاي عشانك
بو سالم: عفواً منو انت
؟/ افا ما تتذكرني يا عمي ، انا راكان !
عند البنات
دينا: شنو
شهد: اسمه راكان حبيتيه كثير وكنتو ببتزوجون بس طلع
نصاب كذب عليك لانه يبي فلوس ابوك ويوم عرفتي تركتيه
وبعدين خطفك ومحمد انقذك وبس
دينا: يعني ليه خايفين كذا تقولون لي
انا ما اذكر شيء ولاني زعلانة لانه عادي
مااذكر اني حبيته فعادي مارح ينكسر قلبي
سارة: المهم خلونا ننزل نشوفهم
نزلو البنات وهنا كانت الصدمة لـ دينا
دينا: رر .... راكااااااااان
التفت الكل عليها ومحمد صُدم بقوة شلون متذكرة
راكان الي كسر قلبها واهو ما تتذكره
راكان: دينا ، تتذكريني
مشت دينا لـ راكان و .........
عطته كف باقوى ما عندها
دينا: صحيح اني ما اتذكر انك كسرت قلبي
او خطفتني بس لانك سويت كذا مستحيل
اتقبلك في يوم من الايام
ابتسم محمد ابتسامة نصر لانها ما تذكرته صج
ولا تحبه اصلاً
محمد: راكان انت مجرم قانونياً عشان كذا رح نوديك مركز الشرطة
راكان: هممممم ومنو يقدر يغصبني على شيء ما ابيه
راح راكان لبره وركب السيارة ومشى بسرعة
راحو الاربع شباب ولحقوه
والكل حاط ايده على قلبه

توقعاتكم
بيمسكون راكان ؟!
بيلقون راشد ؟!
هل ممكن دينا تتذكر شيء ؟!
اكتبو بالتعليقات وصوتو
وانتظرو البارت الجاي