صدفة جمعتنا

الم و دموع

الكل مشى اشوي بعدين وصلو
وانبهرو من جمال الي شافوه
دينا: واااااو فعلاً روعة ، التفتت على ابوها وكملت
بابا حق منو هالقصر ؟
بو سالم: هاذا لكم كلكم
الكل: لنا كلنا ؟
بو سالم: انا قررت الكل يجي يعيش معانا
في هاذا القصر الكبير
مكون من ثلاثة عشر طابق
طوابق لاهلكم و طوابق لكم و ازواجكم
وحتى بعدين لما تجيبون عيال رح يصير لهم مكان
جون: يعني كلنا بنجي نعيش هنا
بو سالم: هههه شفيكم فهيتو اي كلكم بتعيشون هنا
دينا ضمت ابوها بقوة
دينا: شكراً بابا
بو سالم: عشان تعيشين ذكريات حلوة مع الكل
ام سالم: يلا خلونا ندخل
الكل دخل وجماله من داخل مو اقل من بره
كله تحف و زجاج جمال لا يوصف فعلاً
فيه مصاعد و ادراج
كأنه فندق عن جد قصر
راح الكل عشان ينقلون اغراضهم ملابسهم
واشياء شخصية
ام و اب جون في طابق ام و اب محمد في طابق ام و اب سامي في طابق ام كامل و زوجها في طابق
اب شهد و زوجته في طابق ام و اب سارة ام و اب جنى و ام سالم و بو سالم طابق
سالم طابق و دينا طابق
وفي طابقين تحت للجمعة و غرفة الطعام و لاجتماع العائلات
سامي: والله يا عمي يبي لنا خريطة
بو سالم: ههههه اي والله
الكل راح ينام لانه كان يوم مُتعب في ترتيب
مع ان الخدم كثار جداً بس القصر كبير
قعدو الصباح و اجتمع الكل على طاولة الطعام
البنات و الاماهات في جهة و الشباب و الاباء في الجهة المقابلة
سالم: بمناسبة القصر الجديد و الجمعة الحلوة
انا ودي اقولكم خبر
انا قررت اتزوج
الكل بدأ بالتبريكات و التصفيق و التهنئة
ام سالم: الا يا ولدي من هي
سالم: بصراحة هي ...... امممم
بو سالم: قول يا ولدي
سالم: بصراحة اهي اجنبية وغير مسلمة
الكل جات عليه تعابير التفاجأ و الاستفهام
بو سالم: شنو ، تبي تتزوج وحدة ما نعرفها اجنبية و بعد مو مسلمة
سالم: بس يبه اهي تحبني انا احبها ورح تصير مسلمة
بو سالم: لا ، لا يمكن اقبل لا نعرفها ولا شفناها ولا نعرف على شنو تربت
سالم: بس يبه ر.......
بو سالم: بس ، خلاص انتهى الموضوع
ضرب سالم الطاولة بقوة و راح المصعد
صعد غرفته
دينا: انا شبعت
راحت دينا في مصعد ثاني
ووصلت مع سالم وتلاقت فيه قبل ما يدخل غرفته
سالم: نعم دينا
دينا: سالم الحب ما يعرف جنسية او شكل او لون او حسب او نسب
بس هم غلط كذا المفروض عرفتنا عليها وقلت لنا انها اسلمت
سالم: وجهة نظرك صح بس انا حبيت يعرفون كل شيء
من البداية عشان ما يعارضون بس انا احبها ورح اتزوجها
دخل غرفتها وسكر الباب بقوة
ودينا زعلانة على حال اخوها
كانت دينا بتروح بس صدمة في احد
وعلى طول ومن دون سابق انذار
ضمته و ما عرفت منو اهو
بس حست بالامان وان كل شيء بخير
لما رفعت راسه بتشوف منو
شافته محمد وعيونه تناظرها بكل حنان
محمد: شصار معها
دينا: عصب و ما رضى يسمعني
انا ما ودي يصير في اخوي كذا
محمد: لا تخافين ، رح يصير كل شيء بخير
راحو دينا و محمد الحديقة الي وراء القصر
وكانت غاية في الرُقي و الاناقة كانت روعة نافورة و ورود
اشجار الوان و جمال
جلسو على كرسي يتأملون الغيوم
محمد: دينا
دينا: نعم
محمد: انا ...... انا رح اخطبك من عمي خلاص
دينا: لا محمد انا مابعد اتعود عليك صدقني اذا
جاء الوقت المناسب وحبيتك من كل اعماق قلبي
رح يصير الي تبيه
محمد: بس انا مليت
دينا: افا تبي تزعلني يا محمد وانا وين رحت
محمد: اولاً قولي حبيبي ثانياً انتي ما رحتي مكان هني
واشر على قلبه
في هاذا الوقت
كان في شخص يراقبهم
من بعيد و دمعته على خده
وقلبه قاعد يتقطع ألم
خلص اليوم بعد ما اجتمع الكل على
العشاء و خلصو راح الكل ينام
الي يبكي و الي معصب والي يفكر
والي فرحان كلن و مشاعره

توقعاتكم
منو الي كان يراقب دينا و محمد ؟!
اكتبو بالتعليقات وصوتو
وانتظرو البارت الجاي