عبط المراهقه

البارت الواحد والعشرين

***************************************
طبعا هم راحوا البر يوم الثلاثاء ورجعوا الجمعه الصبح
...
العصر العيال كانوا يتجهزون شوي دخل عليهم 
.........: السلام عليكم
العيال : وعليكم السلام
جواد : خالي عبدالله !!
عبدالله ابو وليد : اييه .. وين على الله
وليد : يبه بنروح البر مع جدي
ابو وليد : والمدرسه !! ترا بكرا السبت بتمشورون ابوي اليوم وبكرا يجيبكم
سامي بسرعه : لا عمي سيف يرجعنا
ابو وليد : عمك سيف !!!! انا خابر اخواني مافيهم واحد اسمه سيف !
سامي رافع حواجبه ويحك راسه : تبي الصراحه !!
ابو وليد عقد حواجبه : وهي !!
العيال قالوا مع بعض  : جدي متزوج
ابو وليد : اكيد متزوج يعني احنا جينا من الهوا مثلا!!!
سلطان : ي عمي اسمع .. جدي كان بيقول لك انت وعماني بس بالوقت المناسب هو متزوج على جدتي برضاها وعندك اخوان هم سيف وشرعه وترفه
ابو وليد  يحسبهم يكذبون .. : ايه ايه طيب تروحون وترجعون بكرا سامعين
العيال : ان شاء الله
ابو وليد خش عند اخوانه وابوه المجلس
ابو سلطان .. خالد : يعني سيف اللي جا عندي يكون اخوي !!
الجد : زيين يعني قابلته !
ابو سلطان : اييه تغدا عندي والله انه رجال
ابو فؤاد : ما شاء الله
ابو وليد : يعني اللي قالوه العيال صدق !
الجد : هييه ... يلا عن اذنكم
قام الجد ونادا ع العيال ومشوا
ابو سامي : خلونا نقعد يم امي شوي
كلهم دخلوا
ابو فؤاد : يممهه ليش ابوي متزوج عليك
الجده : هو يبي عيال وكان خطر علي احمل فزوجته بس
ابو سامي : الله عليييسس وما زعلتي ولا شي !!
الجده : وراي ازعل دامه معي واللي خذها لا راحت ولا جت وابشركم اعرفها وتعرفني وتزورني هنيا بعد
عيالها انصدموا ونفس الوقت حسوا بفخر بأمهم
الجده : ابيكم تعاملونها مثلي هم قريب بيجون المدينه عشان الدراسه  وبتجيني كل يومين هي وعيالها
العيال : ان شاء الله
الجده : المهم  ي خالد عطني هالجوال خل ادق على سوسن صارلها اسبوع ماجت القاطعه
سوسن ام جواد وهي داخله : القاطعه جتس ي امي مايحتاج تدقين عليها سامحيني عالقصور
نتركههمم ونروح لجناح البنات
مهاا فيها الصيحه  : هههيييي
البنات : ههاااااههه
مها وحواجبها كذا \. ./ : المدرسه عقب بكرا
رولى جت بتقوم من الكنبه وطاحت : ااييشش !!
سلام : لاا عاادد
مها : والله
انوار صارت تضحك : هههههههههههههههههههههههههههههههههههههههههههههههههههههههههههههههههههه
كلهم لفو عليها : صحح انتي كيف عليك !!! 
انوار :  ابد ادور وظيفه واحتمال افتح بزنسي الخاص
انوار : نفس حالتي بيكمل سايكولوجي 
البنات ماعدا رولى وانوار : سايكولجي!!!
رولى : سايكولوجي يعني علم نفس
مها : يعني بيصير معقد
انوار : ف عينك معقد .. تدرين انه عرف شخصيتك من اول مقابله لك معه
جود : يعني يتعامل مع جن
رولى : يليل المبزره .. يعني يحللك من تصرفاتك
انوار :ويقدر يعرف اذا فيك شي ولا ماشي من خطك وتصرفاتك وحركات عيونك
سلام : يعني صعب ينكذب علييه
انوار ورولى : عليييككك نوووررر
مها : وااااااا حمااااصصص بخليه يعلمني
مدى : نوير لقيني وظيفه !
انوار : لا باقي
مدى : حظظظكك
انوار : وش حظي فيه
مدى بغباء : فاضيه لا شغل ولا مشغله
انواى : بالعكس ملل ماحب الحياه الروتينيه البارده
سلام : يع عليك تحبين النكد
مدى : اييه ولا شحللت تصحين من النوم وترجعين تنامين تاكلين تسهرين بلا دوام بلا هم
مها : بس صدق احس حياه رتيبه مافيها شي
جود : لو حاصلك يا مهيا ما عفتيها
رولى : صادققه اكثر وحده تتذمر من الدوام انتي
البنات : هههههههههههههههههههههههههههههههههههههه
..........................................
عند العيال في في السياره مع الجد
جواد :جديييي
الجد : نعم
وليد : جدييي
الجد : خييرر
جواد : جددييي ردد
الجد : هذاني ارد بلاك اصم
وليد : جدييب تسمعني انا هنا اكلمك ترا
الجد : لاحول ولا قوة الا بالله
جواد ووليد : جديي شفييك
الجد : قولوا شمافيني بتجيبون لي الضغط والسكر
بسام : يعني انت مافيك لا ضغط ولا سكر م شاء الله عليك
الجد : تف تف يا عيونك .. شايفني هرمت
سلطان : اكيد ماراح تهرم وانت متشبب  حق الحب الثانيه -ويغمز -
الجد : ههههههه انقلعوا عني بس
فؤاد : الا ي جدي ذالحين مرتك الثانيه وش نناديها به ؟
سامي : صدق يعني نقول لها يمه ولا جديده ولا عمه ولا خاله ولا وش بالضبط ؟
الجد : مهي بكبيره بالحيل ترا. بس والله مدري اللي يريحكم ولا تصدقون لا وصلنا اسألوها !!
جواد : نبوس راسها ويدها ولا بس خديداتها ؟
الجد : يا ان اسألتكم اكثر من البنات اهجدوواا
وليد : مقييولللهه ي جديي
العيال كلهم : الاولاد للأم والبنات للأب 
سلطان : لازم تعدل بيننا ي جدي
الجد : حريمي انتم اعدل بينكم !!!
الكل : هههههههههههههههههههههههه
فؤاد : طيب ماقلت كيف نسلم عليها
الجد : نفس ماتسلمون على جدتكم بعد كيف
العيال : زيينن
جواد : ي جدي ذالحين عماني نقول لهم عمتي وعمي ولا
الجد.: ي جواد شكلك متحدي مها وسلام في الاسئله صح !!
العيال : هههههههههههههههه شكله والله
جواد : شلون يعني ما اسأل !!
الجد : اسأل اسأل جعل ماحد يسأل غيرك
العيال : اووووههه
فؤاد : جدي من معلمك هالكلام !! هاا
جواد ووليد مصغرين عيونهم  : قول قول جددتتييي ولا الثانييهه !!
سلطان : ماظن جدتي ماعندها هالحركات
سامي : قولك الثانييهه !!
سلطان : يممككن
الجد : غربلكم الله اهجدوا ماني بقايلن شي ها-حط يده على فمه
العيال : ههههههههههههههههههههههههههههههههههه 
وصلوا عالمغرب
سيف شاف السياره وجا لمها
سيف : حيالله من وصل ديارنا .. حياك اقلط
الجد : الله يحيك انا ابوك ابوك يالسيف
سيف : يبه ي هلا والله ..بس مو توك اليوم ماشي
الجد : رحت محمل ورجعت محمل غيرت البضاعه هههههههه لا اله الا الله .. يالسيف تعال تعال
جاه وشاف معه العيال قام يضحك: صدقت والله غيرت البضاعه عساها زينه ههههههههههه
الجد : لا والله مزعجه هههههههههههههه
جواد: جدييي كنك تسبنا !!
ونزلوا العيال من السياره
جواد وهو يعدل ثوبه بعدين رفع راسه وشاف سيف
سلم عليه : ي هلا بالعم ... انا مشبه علييك 
سيف : هلا فيك يمكن تقابلنا
جواد : يمكن
سلموا ودخلوا الخيمه
الجد :  سيف ناد امك وخواتك
سيف : ان شاء الله ..
دخلوا وعيونهم عالارض
شرعه : امرر يبهه بلاك رديت !
الجد : ماتبغيني يعني !
شرعه : لا حشى بس مستغربه
الجد : ارفعوا روسكم وشيلوا عنكم مامن غريب
رفعوا راسهم
شرعه : وش مامن غريب يبه وذا العيال اللي معك والرجال !!
ترفه عينها تعلقت بجواد وما تحركت
الجد : ذول عيال اخوانس وانا ابوس
شرعه : اما عاد قل قسم
سيف : بيتسذب عليس مثلا
شرعه كشفت هي وامها وجو يسلمون عليها
شرعه : ي هلا ي هلا اخيرا شرفتوا يلايلا كل واحد يسلم علي ترا البوسه بخمسه هههههههه واسمكم ينقال ولا ترا ازيد
جا وليد اول واحد : انا الوليد .. وين ابوس ي عمه
شرعه اشرت فمها : وين بتبوس يعني هنا !!!
فخدي  اكيد هههههه ولا تصدق بوس راسي-وعطته راسها
وليد  : ابد ان تستاهلين - سلم عليها بعدين راح يسلم على امها
وليد باس راسها جا بيبوس يدها وهي ابت
وليد : طيب خلص ماني ببايسها بس ي خاله ايش اناديك فيه
ام سيف : باللي تحب ي ولدي
والباقي سلموا عليها 
  بعدين الكل جلس يناظر في ترفه المنصدمه
ام سيف : تررففهه !!
ترفه انتبهت : ه..ههاا
شرعه : كشفي عنس وسلمي عليهم
ترفه كشفت وجو سلموا عليها يوم جا سلطان بيسلم وخرت ورجعت تغطت
الكل مستغرب : وش فيييسس!!
ترفه : رجال ذا شوفوا شطوله شعرضه
الكل : هههههههههههههههههههههههه
سلطان : انا سلطاان اخو مدى وانوار!
ترفه فكت : اووفف اشووىى  ههههههه ... ويي حظنا ي شرووع عيال اخواني يطيحون الطير من السما  ما شاء الله
الكل ضحك
جواد : احم اللحين تبون نناديكم بالالقاب يعني عمه عمي ولا !!
ترفه : تسم عمرك بالاول
فؤاد : ماحنا ببصغر منس ترا
ترفه : اخلص قل !!
سلطان : انتي كم !!
ترفه : ٢١
شرعه : يالتسذووبه ٢٠ موب ٢١
ترفه : اللي هو
سلطان : يووهه بززرر
ترفه : ننععمم!!  ولييه تسم عمرك يالعجوز !
سلطان يعدل ياقته : احم ٢٧
سيف حك راسه : ههه تبون شاي ولا قهوه هه
الكل :ههههههههههههههههههههههههههه
شرعه : سيف طلعت بزر هههههههههههههه
سيف وترفه مصغرين عيونهم  : اصلا العمر مجرد رقم
.... شوي الا يسمعون صوت رجال
الرجال : اححمم اححمم
سيف : من فييهه!؟
شرعه بهمس لترفه : استغفرالله وش يبي ذا اللحين
ترفه : من هو !
شرعه : المتقيفش بعد من 
الرجال : انا ذياب
سيف : استغفرالله .. قوموا قوموا ي بنات روحوا لداخل
بسام : يلا خذونا معكم مالي خلق رجال ومدري ايش
بسام وسامي ووليد قاموا بقى فؤاد جواد وسلطان
الجد :  حيالله ذياب
ذياب : يحييك .. مير سمعت انك هنيا قلت اجيك
الجد : ماتقصر ... وش علمك ي ذياب !
ذياب : اسلم عليك وانشد عن احوالك
الجد : انت فاهم مقصدي وانا عارفك ماتجي من الله
ذياب : جايك وانا عارف مهو وقته بس انا طالب القرب
سيف عطاه قهوته : وش تقصد !!
ذياب : اسمحوا لي مادريت عندكم ضيوف خلاص وقت ثاني
الجد : مابوه غريب عيالي ذول ...
سيف تنرفز : وش هرجتك اخلصص !1
ذياب : انا طالبن يد بنتك
سيف بسرعه : ماعندنا بنات للزواج
الجد خذ نفس : اي بنت !!
ذياب : شرعه 
الجد : وانت ناسي فعلك وهرجك عليا !!
ذياب : مانسيت وهذاني اصلحه
الجد اشر عالباب  : حياك الله مابوه نصيب
ذياب : تطردنيي ي عم !!
الجد : ماهي من عوايدنا نطرد الرياجل لكن كانه ما قليل مرجله وش لنا به ... الله معك
ذياب متنرفز اخر حد : معلييه معليييهه
سلطان مل من مماطلة ذياب : وبعدين معك ي رجال ماعد بك كرامه !!!  اقولك احفظ ماي وجهك وتوكل
سيف: هذا ان كان به ماي اصلا
ذياب قام وعطاهم خزه ومشى بسرعه
جواد عاقد حواجبه: اش سالفته ذا ؟
الجد : ماعليك منه زبال
دخلوا الباقي
شرعه : يبه ! وش هرجته هالمره
سيف : مافي هرجه
الجد تنهد : يبغيس له
شرعه رفعت حاجب : يبغيني مرته !!
سيف : اييوهه
شرعه : يمش بوزه لو هو اخر رجال ماخذته
سيف : حتتى على جثتي مانتي بماخذته هالزلابه
وليد : احد يفهمنناا الموضوع
ترفه تربت على كتفه : صدقني بيوجعك راسك منهها
وليد : جدد !! خلاص خلو هرجتكم لكم هههههههههه
... عند ذياب طلع وهو معصب راح جلس على صخره كبيره ومسك الحجر وصار يرميه: والله لتندمون واحدن واحد ولا ماكون ذياب اراويكم انا
...............
عند البنات
رولى : هووفف زههقق خلونا نسوي شي
مها : وش نسوي مثلا
رولى : وانا وش يدريني
سلام : مهااا شصار على شيبتك خخ
مها : مدري عنه جعله بالسكته والجلطه والشلل المؤقت
سلام : اي والله يستاهل شيبي فيك اصغر من بنته
*********8**88888**********************