عبط المراهقه

البارت السابع والعشرين

السلام عليكم ورحمة الله وبركاته
؟....................
لما راحوا ورا شافوا مها ومدى حاطين سلم ومتلثمين بشماغ
وليد : ووشش ذاا!
بسام : خيرر شصاير ؟
سامي وجواد  :!!!!!
مدى تضرب مها  : شفتي ! صارلي ساعه اقولك سكتي
مها : آآآييي وجعع مدى لا تطقين
مدى : وجع وانتو شتسوون هنا انقلعوا
سامي : انتو ليش لابسين كذا!؟
وليد: قولوا وش عندكمم
مدى  : انا ماليش دعوه  اختك اللي جابت الفكره
مها : ايالكذابه مدري مين اللي سحبني للمطبخ
مدى ترفع يدينها: انا سحبتك لانه مطبخكم
جواد: طيب طيب ....اللحين انتم وش ناوين عليه !!
مدى انصدمت وطلعت عيونها: انت من متى هنا !!!
جواد بأستغراب: جيت مع العيال ! .. شفيك؟
مدى بفهاوه : لالالا مافيني شي بس لاني ماشفتك !
سامي بنص عين: هاللحين كل هالطول والعرض تقل باب وماشفتيه!!!
مدى : ههيييههه قل ماشاء الله !! .... وبعدين شلون بشوفه بهالظلمه غير انه واقف وراكم !
جواد رفع حواجبه : مااششااء الله .... المهم وش ناوين تسوون ؟
مها  بإبتسامه عريضه : نفجعهم
العيال: تفجعونهم!!
مدى تطق جبهتها: يعني وشهوله حنا لابسين شماغات بالله؟ اكيد بيخافون لا شافوا عيال داخلين عليهم
بسام : طيب لو احد من الجيران شافكم وحسبكم حراميه!!
مها : يطيرون بس شهالحراميه اللي بيحطون سلم في الساحه!!
وليد : اقول اعقلوا وانزلوا
مدى تحرك يدينها بسرعه : هههيييهههه شدخل....آآآآآآههه ( تركت السلم وهي تحرك يدينها الثنتين كان تغمض عيونها وتطيح على ورا)
مها حطت يدها على راسها: ياللخخببللللاااااههه
مدى ترفع صبعها السبابه عن عينها وتفتحه وتناظر حولها : متت!!!!
مها نزلت من السلم وراحت لها : ههووفف الحمدلله جات سليمه
مدى  ارخت جسمها : مهاا ! لايكون جايه تنتقمين مني يوم متت ؟ تكفين وراي عذاب قبر سامحيني
مها بققت عيونها بس مسرع ما ناظرتها ببرود: ايه جايه انتقم !
مدى : لاااا يارب ارحمنيي
. سامي : مدى !!!
مدى فتحت عيونها : ساامي !! حتى انت ترا انا اسفه لا تنتقمون خلاص وراي عذاب قبر يكفي
سامي : يابقره ما متي باقي حيه
بسام : حيه ولا ثعبان هاهاها
مدى : ااههخخ حتى سماجة بسيم اسمعها وانا ميته!!
مها طفشت : اقول نزلها نزلها البنت طار عقلها
مدى حركت عيونها ببطيئ للمكان اللي تناظره مها وانفتحت عيونها على الاخر وانشل جسمها للحظات من الصدمه......!
###########################
فوق عند البنات*
يلعبون زاته (الورق) لعبة ام اربع ارباع
جود : ههييي غش غش
رولى :  حررققتتهه ماتاخذيننهه
جود : شوفي يدي تحت رولى: شوفي ورقتي على ورقتك
جود : بس صبعي تحتت ورقتك مالي شغل باخذهم
سلام: اقول اقول جويد شيلي يدك بس راحت عليك
جود تناظر رولى بحقد وبعدين ناظرت انوار اللي تلعب بعد رولى: تكفين يابنت العم احرقي عليها لا تخلينها تاكلهم
انوار تدق الصدر: ولاا تعتلي هم بنت عمي
رولى تناظر انوار ببرائه: النوري انا بنت عمك حبيبتك خليني اكلهم!!
شرعه : اقول انت وياها العبن عدل تقل كنكن بالمطبخ احرقيه واكله !
سلام: ابلشونا .. يلا خلو الدور يوصل لنا كملوا لعب
ترفه : ااووفف اوراقي شوي تكفين سليمه حطي شي/ن سنع خليني اجمع اوراق
سلام : ودي بس مايمدي اناظر اوراقي نفس ماتعرفين اسحب وبس
ترفه : ماقول غير مالت عليتس.!
سلام : عليتس انتي
انوار: وين مديا ومها ؟
رولى: منجد تأخروا
جود : ااششش اسمع صوت
ترفه: صوت وش؟
جود: صوت احد يصرخ.... جا من النافذه
رولى راحت للنافذه : ههئئ .. تعالوا شوفوا
جاو البنات للنافذه : مين ذول؟
جود : كأنهم العيال!!
......
اما عندهم تحت ف هذا اللي كان يصير ......
.
مها طفشت : اقول نزلها نزلها البنت طار عقلها
مدى حركت عيونها ببطيئ للمكان اللي تناظره مها وانفتحت عيونها على الاخر وانشل جسمها للحظات من شافت اللي شايلها!.
مدى بهمس مايسمعه الا القريب منها: حتى وانا مييتهه معي!
رد عليها بهمس مايسمعه الا هي: بسم الله عليك من الموت
بسام: ههيي شفيكم تنحتوا !!
مدى لفت لمها: لحظه مهيا قرصيني عشان اعرف حقيقه ولا ؟ لان اللي جالس يصير مو معقول
مها : عز الطلب
وقرصتها في بطنها مما جعلها تنقز وتوقف على رجلينها ثواني وتطيح
مدى: آآآههه جاتني ام الرككبب
جواد  بضحكه: تبين اشيلك ههه
مدى ناظرته بخوف: لالالا خلاص يكفي وعيت وانا بحضنك لاا اقدر اقوم بس ساعدوني
الكل ضحك
جواد : ايه معليه انا اساعدك ليش هم يساعدونك
مدى وقفت وهي ترجف : لا لا .. لا تقرب خلاص قمت مابي مساعده
التفتوا كلهم من سمعوا صوت سلام تصرخ: ههيي انتتوو..!!
بسام: خييرر
سلام: وش تسوون هنا ؟
جود: وش يسوي السلم هنا!
رولى: لايكون ناوين تتجسسون علينا ؟؟
سلام: يا ماما عيب
وليد : من زينكم نتجسس عليكم
جواد: وترا نعرف الحرام قبل العيب
مدى تكتفت : ايه ما شاء الله عليك تعرف عشان كذا ماشلتني !
جواد  ناظرها ببرود: لا كان خليتك تطيحين وتموتين  -وبهمس يسمعه هو بس- واروح فيها انا
سامي : ماتستاهلين يشيلك ليته مخليك تطيحين 
مدى: اسكت انت
رولى : عرفنا جواد و وليدوه وبسيم وسامي مين الاثنين الباقي؟
جود : انا سمعت صوت مدى ومهيا
مها : ايه احنا
انوار : خلصوا تعالوا
مدى : يلا يلا جينا
مدى ومها جاو بيمشون الا جواد يمسك يدها
جواد : انتظري!!
لفت عليه
جواد: ملكتي ولا باقي !!
ظلت تناظر يدها اللي بيده: ملكت!!!
مها من وراه: هيي انا هنا
التفت عليها ورجع التفت على اللي ماسكها والتقت عيونهم وهد يدها بسرعه ورجع خطوتين على ورا
جواد : بسم الله ..معليش ماقصدت
مدى هزت راسها وطالعت مكان ثاني: عادي
وليد: طيب ماجاوبتي
مها: يعني بالله عليكم هذا شكل وحده توها متملكه ؟!
بسام: يعني انتي اصلا مانستبعد منك شي
مها : لا والله ؟؟ لا باقي ماملكت وان شاء الله ماني بمملكه
مدى: جاو يأجلونها وراحوا بس وان شاء الله بنأجل الثالثه لان مثل مايقولون...
البنات من النافذه بصوت واحد : الثالثه ثابته
جواد: وكيف!
سلام: لسا ماعرفنا كيف بس بنعرف ان شاء الله
جود : واذا نبغى مساعده بالاكيد ماراح نرجع لكم
سامي  يقلدها : اننننن انطمي انتي .... اصلا لو بنساعد  ...بنساعد عشان مها مهو عشانك
ترفه : اقول بس اخوي سيف وينه فيه ؟!
وليد: والله اخوتس مانعرف وينه بوه
جواد : ماندري والله .. ليه تبين شي!؟
ترفه ابتسمت : لا بس اسأل عنه
مدى: طيب يلا احنا بندخل وانتو؟
سامي : واحنا شفينا!!!"
مدى : وين بتروحون!؟
سامي: ليش تسألين؟
مدى: اخلص جاوب بس ابي اعرف
سامي : انا بروح الاستراحه
بسام : وانا معه
وليد: وانا بدق على فؤاد ينزلي وبنروح نتمشى
الانظار كلها تصوبت على جواد اللي ماسك جواله
مدى: وانت؟
جواد : وانا !!
مدى: وين بتروح؟
جواد يغمز بضحكه : ليه ناويه تجين معي !
مدى : لا وع وش ابي فيك ... اخلص جاوب
جواد دخل يديه بجيوبهه و رفع حواجبه و ناظر فوق: بروح ستاربكس
مدى ورولى نقزوا: تكفى خذني معك !!
جواد ناظر مدى بنص عين : توك تقولين وع وماتبين تجين معي واللحين تكفى خذني معك
مدى كشرت : ايه وع .. خلاص اصلا نسوي لنا مشروبات ستاربكس هنا بالبيت احسن
رولى : ولا منتك... مدو ادخلي المطبخ بجيك اللحين
مها : تطق بسام على راسه بخفه : ياخي ما تستحي شوي وتقول ابي اطلع اختي من شوي كانت نفسيتها زفت !!!
بساام : آآآيي ... ايه ما شاء الله نفسيتك زفت وبالحضيض عشان كذا شفتك بهالحال هاه ؟؟
مها حكت راسها : خخ
شرعه : خلاص ادخلوا وسكروا النوافذ البراد اختفى
مدى : يلا رويل انتظرك بالمطبخ
دخلوا مها ومدى المطبخ والعيال كذلك سوو اللي قالوا عنه 
داخل المطبخ
مها : اللحين انتي تعرفين تسوين ستاربكس يومنك تزعطين ؟
مدى بفهاوه : لاء، بس رويل تعرف
سلام وهي داخله : رويل تقولك مالها خلق تنزل
مها :  و جود وينها مع عماتس المهابيل 
سلام : فوق .. اقول نطي لحقي اغراضك جالسين يفتشونها
مها : وششوو ؟
وتتررككضض ماشيه الفين بعدين ريوست عليهم ثاني
مها ،: فتحوا دولاب سريري ؟؟؟
سلام :  لا مدري والله
مها بلا مبالاه : اذا مافتحوه ماعليهم خوف
مدى صغرت عيونها : ،وشفيه دولاب سريرك يعني دام مافتحةه ماعليهم خوف !!!
سلام بنص عين : جد والله وشفيه!
مها : هاه لا ابد بس حاجيات يعني واوراق
مدى : انننن
مها : شفيكم
مدى وسلام ناظروا بعض وسيييددااا عالدرج يركضون ومها وراهم
مها : لاا ياللل###### امششوووو
معطينها طاف ومكملين طريقهم الغرفه دخلوا وهم يصرخون : دولااابب السرييرر
باقي البنات انخرشوا : !!!!!!!!!!
رولى : خييررر
جود : ووجججععع
مدى : اشش ...سليم خلك عند الباب لاتدخل مهيأ
حاولت تفتح الدولاب ماعرفت ،: مقففلللل دوروا المفتاح دوروه
وقعدوا يدورون مفتاح لدولاب مالقوه ومها عند الباب تطقه تبي تدخل ..
رولى: وشو شصاير ؟
مدى: مهيا يوم قلنا لها جالسين يفتشون قالت فتحوا دولاب السرير ولا يعني اكيد فيه شي
مها بصراخ: ياويللكك ياامدى ياويللكك
سلام : اعترفي وش مخبيه؟
مها بتهديد: ماراح اقول، وفتحوا الباب لا يصير لكم شي ماتبونه
مدى : ماراح نفتح
مها: ترا ماراح اكلمكم ليوم الدين افتحوا
جود: فتحوا فتحوا خبله ذي تسويها
مدى : طيب طيب خلاص سليم وخري عن الباب
وخرت وفتحت مها الباب ودخلت
مها: ايهه ماتجون الا بالعين الحمرا
سلام: اقول وفريها بجيبك
مدى: شقال قال ماتجون الا بالعين الحمرا  طيري بس
انوار:اعترفي اعترفي
ترفه :وش خاشه(مخبيه) بدولابك؟؟
مها : مالكم شغل ياخي خصوصيات
انوار بسخريه: ايه تركوها خصوصيات المتزوجات شفيكم انتم؟
مها: متزوجات بعينك
شرعه بضحكه: مقبلات عالزواج ولا يهمك  
مها: انقلعوا فال الله ولا فالكم 
جود:طيب خنفكر بحل ولا نسوي شي 
.
بعد ما تكنسلت خطبة مها للمرة الثانيه قرروا البنات يكنسلونها للثالثه فبدوا يخططون كيف يكنسلونها اما عند الشباب ..
وليد بملل : ابي سياره!
فؤاد بإستغراب: عندك سياره طيب !!
وليد بتحلطم : سيارتي قرمبعه
سامي: اقول طير مناك بس قال ايش قال قرمبعه ياشيخ انا لو عندي سياره اصلا ما كان شفتوني كيف لو سيارتك ؟!!
وليد : لا يعني جد شكثر صلحت فيها من خذتها يمكن حطيت فيها اكثر من قيمتها خلاص تحللت
جواد : والله من كثر حوادثك ومشاكلك مع خلق الله  ما خليت احد بحاله متمشكل مع الكل
بسام: وطبعا مايقدرون على الباشا وليد يحطون حرتهم بالسياره المسيكيينه ههه
فؤاد: الحمدلله والشكر 
بسام: طيب قلت لاهلك؟
وليد مد بوزه: ايييهه كل ماشوفهم اقول حتى صاروا من ادخل يطلعون زين منهم يردون السلام اصلا  العيال ضحكوا
وليد : والله انا خايف يسحبون علي ويجيبون سياره لجود
جواد : اوووهه عاد اللحين مسموح لهم يسوقون
فؤاد: هم وهو مو مسموح مانشوفهم يالبيت ماغير بالسوق كيف وهم يسوقون؟؟
بسام وهو يضحك : يعاملونه مثل ما تعامله حضرتك
فؤاد : كركركركركركؤكر انا اقعد بالبيت اكثر منك على فكره !!
بسام  يسلك له : ايييهه صادق 
دخل عليهم سيف: الفزععهه ي عيالل الفززعهه!!
اشتغلت الحميه عند العيال وقاموا: هاه...وش عندك..ابشرر.. افاا وش فييه!! سيف وهو يعدل ياقة ثوبه : معزوم عند رجالن اول مره اروحله
فؤاد: طييبب؟؟؟
سيف: مهيب بعزومتن عايديه لا بها رجالن تسثار
العيال: اايييهه؟؟
سيف: عاد انا بغيت احدن يروح معي
العيال: بسس؟!!
سيف :ايه والله ... هاه من بيروح معي ؟ ماودي اقعد بلحالي وهم غرب يعني لا اعرف عاداتهم ولا شي
فؤاد: وشهم منه!!
سيف: اهل الشمال ذول
دخل سلطان: السلام عليكم.. شفيهم اهل الشمال؟ ..
جواد: عازمينه
سلطان: طيب وين المشكله ؟
سامي: يبي أحد يروح معه
سلطان: طيب ليه ما تروح لحالك يعني
سيف: مابي اقعد لحالي، تروح معي انت؟
سلطان: ايه ما في مشكله
فؤاد: حتى انا بجي معك من زمان مانعزمت
جواد : طيب هم عزموك انت تجر جيش معك ليه؟
بسام: صادق يمكن يتضايقون
سلطان: لالا اهل الشمال ما عندهم ضيقه ولا شي عادي يتقبلون الضيوف  واهل كرم وطيب ماعليك .. المهم متى هي العزومه!!
سيف: الليله
سلطان : خلاص تم بس مرني هاه
سيف : طيب
فؤاد: وانا لا تنساني مرور بعد
سيف بضحكه: ان شاء الله
البنات جالسين يخططون كيف يلغون الملكه بس مو عارفين كيف
مدى:مافي الا انك تشربين ديتول عشان تروحين المستشفى
البنات: بيسوون لها غسيل معده !!
مدى:ايه هذا الحل الوحيد
مها: طيب مافي شي ثاني غير الديتول !!
مدى: هذا اللي طلع معي والله
رولى: بس مايعتبر هذا من طرق الانتحار!! اخاف تؤثم عليه لالا غيروه
مها: بطلع السوق وبقفل جوالي وبشتري عبايه ثانيه واغير عباتي عشان ماحد يعرفني هناك وصلى الله وبارك
انوار: كوويسس حلوه الفكره
سلام: بس متى موعد الملكه اساسا
مها بإحباط: ما ادري فجأه يجي ابوي يقول يلا ترا بتملكين
شرعه: من صجه ذا!!
مها: اي والله
ترفه: الله يسخرهم لك يارب
كل الانظار تحولت عليها
ترفه : وشهو؟!!
جود:مين ذا اللي الله يسخرهم لها؟!!
ترفه : ابوها وزوج الغفله!
سلام ناظرت الساعه : ههئئ لاا ياويلك يا مها ساعة استجابه
مها شوي وتبكي : هههيييههه تررييفف استغفري استغفري
ترفه : ليش وش انا قايله!!
رولى: الله يسخر لها زوجها يعني تتزوجه !
ترفه: طيب؟!
مدى: يرححمم اممكك رككززيي
ترفه :يووهه طيب وشفيها الدعوه ان الله يسخرهم لها عادي ممكن ان الله يسخر لها ابوها ويرفض وزوج الغفله يلغي كل شي شفيكم انتم!!
انوار : وجهة نظر 
مدى: طيب طيب ترا انا جعت مهيا استحي على وجهك شوي من الظهر عندك ولا قدعتينا (يعني حطيتي لنا اكل معيشه)
مها: الله واكبر من اللي لحس ثلاجتي!!؟؟
مدى رفعت كتوفها: سلام !
سلام: على كييفكك؟؟ ..لا يعني صدق كلت منها بس مالحستها!!
مها: المهم .. عاد اللي يسمعكم يقول اول مره تجون!!
انوار: الزبده مدى يلا مشينا
ترفه: وين ؟
انوار: امي كلمتني تقول خلاص ارجعوا
رولى: من بيوديكم؟
انوار: اكيد سلطان
سلام بحماس: الله .. يلا يلا رويل خنروح معهم
شرعه تضحك: وين تروحين؟
سلام : بيتنا!!
جود: طيب شفيك متحمسه !؟؟
سلام:  طبيعي لأني بروح مع سلطان 
مها : ههييههه انتي
سلام: خير 
مها: لا تحتكين
سلام : عفوا ؟؟
مها: ايه حقي ذا
مدى: شتبين بأخوي خلك بشايبك انتي
مها : كركرككركر مسويه ظريفه!! ماني ماخذته من غير شر
ترفه :ايه ايه ... المهم يلا روحوا
راحوا مدى وانوار ورولى السلام مع سلطان اما شرعه دقت على سيف يجي ياخذهم وراحت معهم جود
...
عالساعه عشر بالليل بنفس اليوم
دق الباب ودخل عليها الغرفه
......: ابوي .. اهلين
ابوها: هلا هلا شخبارك مهاوي !؟ 
مها: الحمدلله انت كيف حالك؟
أبوها: بخير بخير ... جيت اقولك ترا بكرا ملكتك بأذن الله
مها برجفه: اي.. ايشش؟
ابوها: ملكتك على بدر
مها خلاص فهت: بدر !!!
أبوها مسح على وجهه بملل: ان لله وان اليه لراجعون ايه الرجال اسمه بدر .. احد ما يعرف اسم اللي بيتزوجه !!!
مها بتهور وصوت عالي: ايه اانا انا ما أعرفه .. تعرف ليش ما أعرفه!! لان ابوي غصبني عليه  عرفت ليه!! لأنه اصلا ماقالي شي عنه بس قالي بتتزوجين عرفت ليه!؟
ابوها: استغفر الله العظيم يا بنت الحلال افهمي
مها: وش افهم وش افففههمم!! افهم ان ابوي يبي يفتك مني!!!! ويزوجني لواحد كبره!! هذا اذا ما كان اكبر منه بعد!!؟
ابوها : ابزوجك له لأني ابيلك الأفضل لأني احبه وأبيه يكون من نصيبك! لأنك تستاهلينه 
مها بضياع:  هه استاهله!! استاهل واحد كم يوم ويموت  عشان اترمل!! ولا استاهل واحد عشان اصير عنده ممرضه؟؟! 
أبوها: يا مها يا بنتي اسمعي ..
مها بأنهيار: لاا تقول بنتي لا تقول لااتقوول
ابوها: طيب طيب .. خلاص انا بروح اللحين ارتاحي
طلع وقفل الباب وراه ومها دفنت وجهها بمخدتها ونامت وهي  تبكي ...
اليوم الثاني الساعه ١ الظهر
صحت وآثار الدموع جفت على وجهها قعدت تسترجع أحداث امس وسرحت وهي تفكر  ...
.
....: ههيي صار الضحى العود وانتي ماقمتي
...... بنوم: طلعي براا
....: مدياا يلاا قوميي عاد
مدى: نويرر  طلعي وقفلي الباب وراك 
انوار بعناد: مانيب طالعه
مدى: طلعي لا أقوم احك وجهك بالجدار
انوار : طيب بطلع بس ماراح اطلع من الغرفه بس بطلع من البيت وبشوف لي احد ثاني اروح اتغدا معه 
مدى قامت: هاهه .. بتتغدين برا!!
انوار عدتها ظهرها وطلعت: ايه
مدى: صبر صبر بجي استنيني
وفتحت جوالها على قروب بنات عمامها
بالقروب**
مدى: هي شصاير شفيكم
سلام: عمي يقول خلاص اليوم المغرب ملكة مها
مدى: نعم!!
جود: والله حتى أنه كلهم عمامي بعد
مدى: اوللهه .. طيب شلون
مها: مدري مدري المهم العصر تعالوا طيب !!
مدى بحماس: عشان نلغيها!! 
مها: لاء
رولى: اجل ليش؟
مها: عشان تجهزوني
جود: منجدك انتي؟؟
مها : ايه
سلام: والخطه!!
مها: كنسلتها
مدى: طيب بعد الملكه بتروحين معه!!؟؟
مها: مدري مدري بس اول شي ابي اقعد معه واتكلم
رولى: طيب خلاص العصر عندك احنا ان شاء الله
جود: وانا بشوف وليد يجيبني
مدى: واحنا بعد
جود: طيب وعماتي !!
مها: بدق عليهم ماعليك
رولى: تمام
قفلت مدى جوالها ونطت راحت دورة المياه الله يكرمكم تتروش خلصت وراحت غرفة انوار فتحت الباب بقوه: نويرر ... وينها ذي!! انواارر .. لا يكون راحت عني
ونزلت تحت بالصاله شافتها قاعده مع سلطان
مدى: هذا انتي !! اشوهه (يعني الحمدلله )
انوار: شفيك؟
مدى : احسب رحتي عني
سلمت على سلطان وجلست جنبه مقابل انوار
مدى : دريتوا!!
سلطان قفل كتابه: عن مها !! ايه درينا
مدى: يعني صدق الموضوع
هزوا راسهم تأكيد
مدى: الله يستر .. ترا الينا نروح لها المغرب
انوار: طيب.. يعني نجهز عندها ؟
مدى : ما في الا كذا ... المهم ترا ما نسيت يلا قومي خنروح نتغدا
انوار : لا خلاص كنسلت امي مسويه كشري
مدى بحماس: اماا عااددد
انوار: والله
ام سلطان تنادي: يا عيالل يلااا حطينا الغدا .
سلطان: جايين جاايينن
.
فبيت ابو سالم الثاني
شرعه وهي تقطع سلطه: يممهه !
ام سيف: هلاا
شرعه : رحتي لخالتي ام سالم!
ام سيف: لا والله مارحت 
شرعه : بروح لها اليوم تروحين معي!!
ام سيف: ان شاء الله..
ترفه وهي داخله المطبخ : الله وش تسوون...شرووع هاتس جوالتس يدق
شرعه مسحت يدها: غريبه مين
ترفه هذا خياره : مها الظاهر
شرعه: الو السلام عليكم... هلا هلا ... الحمدلله وانتي ...اماا... تقولينها صادقه!! ... طيب طيب عندك ان شاء الله... يلا مع السلامه
ترفه: شفيها؟
شرعه: تقول ملكتها البوم وتبينا نروح لها
ام سيف :  بنت سالم؟؟
شرعه: ايه
ام سيف: اييههه صح قالي ابو سيف عنها
ترفه: يوهه خلاص اجل متى نروح لها؟
ام سيف: انتن روحن لها العصر وانا بجي المغرب
شرعه: طيب
.
العصر
البنات كلهم مجتمعين في غرفة مها
مدى: اخترتي فستان ؟؟
مها وهي تفير شعرها :ايه
سلام: وينه ؟
مها: عند الخدامه تكويه
جود: طيب كيف اللحين !!
رولى: جد فهمينا!!
مها تنهدت: وش اقول يعني جاني ابوي البارح قالي ترا بكرا ملكتك وانا ابي لك الخير  وابيك تكونين من نصيبه وهو من نصيبك وانا انهرت وطلع بس
ترفه : الله يعينك
سلام: مهيا وين روجك ذاك الحلو
مها : مدري
مدى : طيب ترا خلاص ما باقي وقت كلها دقايق ويأذن المغرب ويجون  لازم نجهز
انوار: طيب يلا انا خلصت بس باقي البس وانزل اشوف شالوضع تحت 
.
عند العيال
فؤاد دخل غرفة بسام : بسسييمم عقالي عندك!!
بسام: لاا
فؤاد: متأكد؟
بسام: اييهه... انت اللي عندك جزمتي(تكرمون) ؟؟
فؤاد : ذيك البنيه!! ايه الظاهر عندي
بسام : طيب جيبها بسرعه عشان يمدي نروح المسجد بسرعه
فؤاد: خذ ..... وش تتوقع حالة مها!!؟
بسام: والله مدري
فؤاد: انا بتكلم مع عريس الغفله وانت بتكون معي على فكره
بسام: اكيد
.
لبست انوار ونزلت
ام فؤاد: النوري !
انوار: هلا خاله ... وش ذا الزينن
ام فؤاد: يا عمري انتي الزين والله..  خلصت مها؟
انوار: باقي لها شوي بس
ام فؤاد: والبنات؟
انوار: حتى هم باقي ماخلصوا انا بس خلصت
ام فؤاد:  ما شاء الله عليك  تبارك الرحمن
انوار استحت: تسلمين يا خاله ..
ام فؤاد: ياحبي لك..  طيب تكفين حبيبتي روحي بخري المجلس ورشي في عوده
انوار: ان شاء الله
خذت البخور والعود وراحت المجلس
بعد ما أذن وصلوا 
دخلت ام فؤاد الغرفه على البنات: خلصتوا!! العالم بالطريق!! .... بسم الله ما شاء الله
مها كانت وجالسه عالسرير ووقفت وكانت لابسه فستان كحلي مخمل اوف شولدر طويل وماسك من عند الصدر ومرصع كريستالات وفيه نفخه هاديه مع كسرات من تحت (من مخي معليش)
ومسويه شعرها ويفي
ام فؤاد خنقتها العبره: بسم الله ما شاء الله حصانك بأآيات الله يا بنتي (وحضنت مها)
مها بوجه خالي من المشاعر حضنت امها: يمه ماله داعي البكا
ام فؤاد : لا له داعي (مسحت دموعها) احم طيب يلا يلا
مدى دارت على نفسها: وانا شرايك فيني ي خاله؟
سلام وجود وورلى قلدوها: وانا
ام فؤاد بضحكه: هههه تجننون ياعمري انتم اقروا المعوذات قبل تنزلون
البنات: ان شاء الله
ام فؤاد طلعت وشرعه لحقتها تساعدها
ترفه طقت مها على كتفها بخفيف : ابتسامه طيب!!
انوار: منجدد
رولى : ما قلنا افرحي بس عالاقل قدام امك
مدى : صدق يعني يكفي اللي فيها !!
مها تنهدت: اتغصب الفرحه يعني؟؟
سلام: مو الفرحه الابتسامه
مها : لين اشوفه التفاهم معه هالشايب بحاول
دخلت شرعه: يلا بنات انزلوا العالم جاو
سلام: واجد؟
شرعه: ايه يا ماشاء الله دبل عيلتنا
مدى: مها بيجون خالاتك؟
مها بعدم اهتمام : مدري
انوار :طيب يلا بننزل مدى ورولى خلكم عند مها طيب لين ندق عليكم عشان تنزلون
نزلوا البنات وبعدها دقت انوار على مدى
مدى: الو
انوار: هلا اسمعي يلا خذوا مها ونزلوها لمجلس النسوان
مدى: بدون زفه ؟
انوار : ايه اول شي عشان توقع
مدى: طيب -قفلت وقالت لمها ورولى
مها: احسن اصلا ما ابغى انزف
رولى: طيب يلا قوموا
نزلوا تحت 
عند العيال
سيف دخل متأخر وسلم عالموجودين وجلست بين سلطان وفؤاد : هيي
فؤاد؛ وش
سيف: هذا اللي عازمني بعد العشا 
فؤاد: الشمالي !؟؟
سلطان: من هو؟
سيف : بدر  
فؤاد : غريبه شكله يقرب العريس الغفله 
سيف: على طاري عريس الغفله وينه؟
سلطان : للحين ما بين 
جواد جا جنبهم: وش تقولون انتم ؟؟
فؤاد: مالك دخل
جواد: ابي اعرف طيب
سيف: اقول جواد تعرف المعرس؟؟
جواد : لا والله اصلا مادري وينه اتوقع ذاك اللي جنب خالي سالم
ناظروه العيال ... رجال الشيب كاسي وجهه وماسك عصى ويسولف مع ابو فؤاد
.
جلست مها وحولها البنات شوي الا تنحنح ابوها
ابو فؤاد؛ احم احم
ام فؤاد: أدخل ادخل 
مها: وشو  لاا لا يدخل خلاص مابي
دخل ومعه الكتاب وحطه بحضن مها ومسح على راسها: ماشاء الله .. يلا يا بنتي وقعي
أخذت مها القلم بيد ترجف جات بتوقع بعدين طاح القلم وتنهدت: مابي مابي
ابو فؤاد: سمي بالله يا بنتي ووقعي
مسكت القلم مره ثانيه وبالموت وقعت
هي وقعت من هنا والبنات يصرخون من هناا وهي فوق التوتر والخوف اللي فيها ويصرخون  ارتاعت(انخرشت) وطاح الكتاب والقلم منها وهي خلاص شوي ويغمى عليها
ابو فؤاد: حصل خير حصل خير .... -وقفها باس رأسها وضمها- مبروك يا بنتي منه المال ومنك العيال الله يبارك لكم ابيك تعرفين اني اخترت لك شيخ الرجال
مها برجفه : يب.. يبارك فيكك
ابو فؤاد بعد عنها وجاو البنات يسلمون عليه
ابو فؤاد: يلا عقبالكم يا بنات
مدى بمزح : عندك لنا عريس ما نقول لا
ابو فؤاد يضحك : ندور لك عريس
مدى : لالا خلاص نمزح شفيك ياعم خلنا في العزوبيه احسن
ابو فؤاد : الله يوفقكم.. يلا انا بطلع وترا بيدخلون ورأي العيال يسلمون على اختهم 
تغطوا البنات ودخلوا العيال يسلمون على مها وبما أنها اختهم كلهم ف دخلوا كل العيال ماعدا سلطان
مدى : والله وصرنا على ذمة رياال هاه
مها خزتها: كركرككركر
سلام: شفيك تخزين ترا ما قالت الا الصدق
انوار: اقول فؤاد ! ما شاء الله شالكشخه لايكون انت المعرس؟؟
فؤاد ضحك: بعرس عل  اختي مثلا!!
انوار ضحكت بأحراج: لا تستهبل اقصد يعني ماشاء الله على ذا الزين كنك معرس
ترفه: يا حلاتس ساكته بس ههههههههه
فؤاد: لا  انتي اصبري اعرس بس ولا شي ذا الكشخه ترا
جواد: لا تنفخين راسه ذا يصدق عمره اللحين
مدى: ويي لا يكون غرت!!
جواد: انا!!! ومن من !! من ذا؟؟ مستحيل معديه بمراحل انا
مدى تضحك: ايوواا يعجبني الواثقق
سلام: اقول اقول ما في احلى من اخوي توأمي الحلو
يطقعكم ويطقع معرس مهيا
سامي : يلبهه بس انتي اللي تعززلي
بسام: وانا غرت مهااا عززيليي
جود : مها مهيب حولك خلها تفكر بعريس الغفله
شرعه دقت مها بكوعها: اللي ماخذ عقلك يتهنى فيهه!!
مها لا زالت سرحانهوما وان الا على صوت احد يتزحزح ورى الباب
انقزت: وشو وشووو بيدخخلل!!
فؤاد اختبص : مدري لحظه اشوف..
راح فؤاد يشوف من ورا الباب
.........................
نوقف هنا اشوفكم الاسبوع الجاي نفس اليوم ان شاء الله 👋