عبط المراهقه

البارت التاسع والعشرين

صحت مفجوعه ومعصبه من النور اللي باغتها : خخييرر!!!
.......: قومي بسرعه بسرعه طلي من الدريشه
.......: ليش وشفيه؟؟
.......: بسررعههه
.......: نوير يا ويلك قولي شصاير؟
انوار: مدى مو وقتك قومي بسرعه طلي
قامت بسرعه وراحت عند النافذه تطل والصدمه الجمتها
انوار: هيي لسا واقفه!!؟؟ نزلي شوفيها طيب!!!
مدى: وش..وش ذا ..منيينن؟؟
انوار : مدري انزلي
.......
دخلت عليها الغرفه: روييلل!
رولى: سليمه!!
سلام حطت كتابها قدام رولى: اشرحيلي ذي الفقره! بموت مو قادره افهمها وعندي اختبار بكرا
رولى: اشوف .... اييههه سهله ذي عاد .. شوفي اذا ......
وقعدت تشرح لها
....
عند مها ما صدقت تخلص من سالفة الملكه عشان ترتاح بنومتها
......
مدى وهي تناظر من النافذه: من صجك من جايبه؟؟
انوار : مدري
مدى: لا يكون غلطانين بالبيت ... ولا يكون بدر مضيع بيت زوجته
انوار :هههههههههه تستعبطين شلون يضيعه وهو كان فيه امس !! مكتوب لمدى اخلصي نزلي ولا فتحته انا
مدى نزلت تركض وهي تربط شعرها: غريبه مين بيجيب لي هديه يعني!!
نزلت وكان فيه بوكس ابيض كبير عليه شريطه ورديه ومعلق فيه من فوق بلالين هيليوم ورديه
مدى: وين الكرت ؟
انوار : خذي هذا هو
مدى تقلب الكرت: يستعبط ليه مو كاتب اسمه!!
انوار : خلصي فتحيه ولا فتحته انا
مدى تناظرها: اصلا انا مستغربه للحين مافتحيته، والله طلع عندك احترام للخصوصيات!!
انوار كفختها على كتفها : فتحيه وانتي ساكته
مدى فتحت الشريط وطاروا البلالين : للاااهه ابييهمم
انوار : ياربي يا شينك ياامدى- وشالت غطى البوكس
انفتح البوكس وطاحت جدرانه وطلع فيه من داخل ورود ورديه وفي النص دبدوب ابيض كبير ماسك علبه سودا صغيره
انوار ومدى : ووااااووووو
مدى : الله دبدووبب
انوار: شوفييهه بيده شيي
مدى اوه صدق
خذت العلبه فتحتها طلع داخلها ساعه واسوارتين من كارتير
انوار انهااررتت : يجنننوونن
مدى : مننججددد ... صبر صبر بصور ..هايدي روحي جيبي جوالي بسرعه
راحت هايدي جابت جوالها وصورته
مدى : بمووتت الورد يجنن
انوار: مين تتوقعين جايبه؟.
مدى بأستغراب : مدري والله وايش المناسبه اصلا !!
رد عليها صوت من وراها : يمكن اليوم ميلادك!!
لفو على مصدر الصوت : بابا !!
ابو سلطان بإحبااطط : لااهه من جابلك هديه قبلي !!
مدى تضحك: مدري
ابو سلطان قرب منها وضمها وهو ماسك كيستين: كل عام واميرة ابوها بخير يارربب
مدى تبوسه وهي تضحك : وكل عام وحبيب اميرته معها يعطيك العافيه ياعمري انت
ابو سلطان يبتسم : تستاهلين اكثر مهو قدرك ذا
انوار بزعل مصطنع : غش وانا متى يجي يوم ميلادي
ضحكوا عليها
انوار: بعدين تعالي شلون يوم ميلادك ولا تدرين يالهبله؟؟
مدى : والله مدري نسيت من ملكة مهيا والحوسهاللي صارت مع اني كنت احسب متى يجي بس سبحان الله
ابو سلطان : يلا العمر كله يارب
مدى : العمر كله معك يارب
ابو سلطان بمزح : لا عاد وش هو العمر كله معي !!
مدى تخصرت : اجل وشو من تبيه يكون معه!!
ابو سلطان : مع زوجك ان شاء الله .. انا مب دايم لك
مدى تعلقت في رقبته: بعيد الشر لا تقول كذا ..مابي عمر من دونك انت عمري بس
ابو سلطان يضحك : لا تقولين لي انا ذا الكلام خليه لزوجك
مدى بعدت عنه: شسالفتك انت .. لا يكون لاقيلي عريس وجالس تمهد !!
ابو سلطان غمز لها : هههههههههههههههههه شدراك!!
مدى تخصرت: لا حبيبي زوج نوير اول هذا هي بتطق الثلاثين
انوار صفقت راسها: شدخلني انا !! انتي وابوك تجوزون
مدى : لا والله ما تسمعينه يقول بيزوجني!!! انا ما ارضى اتزوج قبل اختي الكبيره!
انوار : لا حبيبتي احنا عيله ديمقراطيه .. واذا علي انا راضيه تتزوجين قبلي .. انا لاحقه
مدى : ههيي لا تقولين كذا .. ابوي ترا تكذب تبي تتزوج زوجها
ابو سلطان: قولي أمين جعلني ازوجكم ثنتينكم بليله وحده!
مدى : امين وياك
ماوعت الا والشبشب براسها : ايا قليلة الحيا تبين تزوجين ابوك علي!!!
ضحكوا عليها
مدى وهي ماسكه راسها : امميي!!!
ام سلطان : اقول بلا هذره زايده ويلا ادخلوا جهزت القهوه والحلا
ابو سلطان ضحك: صادقه يلا يلا جينا
مدى : صبر صبر عطني هداياي اول اخاف تروح تعطيهم زوجتك رضاوه
انوار تضحك: سكتي لا تسمعك
مدى تضحك: انزيينن
خذت الكيس من ابوها وقالت للخدامه ترقي البوكس غرفتها
..... 
دخل عليها الغرفه لقاها تحط مناكير : ججوودديي
جود : وليد؟ اهليينن
وليد بملل: وسهليين .. وش تسوين!!
جود: شوف عينك اتمنكر
وليد : طيب شرايك نطلع نروح كوفي !!
جود: والله؟؟ عاد محتااججهه اطلع منجد
وليد قام: يلا اجل استناك بالسياره
جود : دقايق بس 
خلصت اظافرها واخذت عبايتهاونزلت له
......
مها صحت على دق الباب
مها بنوم ونص عين فتحت الباب:ههممم شفيه!!
فؤاد: انتي للحين نايمه!! مو منصجك
مها: الا من صجي اخلص شتبي
فؤاد: ابي اقعد معاك.. اخلصي صلي وانزلي الحديقه جالسين نستناك
مها بتسليك: زين زين
جات بتسكر الباب رجع فتحه : روحي الحماام مو السرير! (تكرمون)
مها بحلطمه: ان لله وان اليه لراجعون
صلت ولبست جمبسوت وسوت شعرها كعكه فوق حطت مرطب ومسكرا ونزلت
دخلت على امها بالمطبخ: مسااؤوو
ام فؤاد: مساء النور.. صح النوم
مها خذت لها كاسة ماي: والله للحين فيني النوم
ام فؤاد : اللي يشوفك مايقول ذي مكملة ١٣ ساعه نوم
مها: ١٣ شوي تراا!! اذا كان ودي اكمل بس صحاني فؤاد
ام فؤاد : على طاري فؤاد تراه بالحديقه ينتظرك مع....
قاطعتها: ايه عارفه قالي مع بسيمة
ام فؤاد: ايه و
مها طلعت : ماما قولي للخدامه تجيبلي فطور برا
ام فؤاد تنهدت: ولا كأني اتكلم انا ارويها
مها راحت الحديقه وهي تتحلطم بصراخ: اللحين شتبي فيني يوم انك مصحيني هاه...
انخفض صوتها بالتدريج لحد ما سكتت ووقفت مكانها يوم شافتهم ثلاث مو بس اثنين!!
...التفت على صراخها وقعد يناظر صدمتها بشبح ابتسامه
مها بإحراج قامت تسب فؤاد بهمس ولفت بأتجاه الفله تركض
دخلت المطبخ تلهث: ال#### #####
ام فؤاد تضحك بخفيف: شفييكك؟؟
مها: ولدك فؤاد ال#### ليه ما قال!!
ام فؤاد بأستغباء: ما قال وش!؟
مها ناظرته امها بتركيز: يممهه قولي انك ما تعرفين!!
ام فؤاد ماقدرت تكتم ضحكتها
مها شوي وتشق جيبها قامت تنط بأنهيار : تعرفيينن يعننيي !! لييهه ماقلتتييي ... ياارببييههه..... شافني الرجال كذا .. يا ويلي ويلااهه
ام فؤاد بنظره خبيثه: وش يهمك اذا شافك!!
مها بتناحه : هاه!!
ام فؤاد بنفس النظره: ليش مهتمه انه شافك كذا وانتي ماتبينه اصلا !
مها انصبغ لونها احمر : هاه.. لا يعني بالله عليك هذا شكل وحده زوجها جايهها ثاني يوم الملكه !!!
وبعدين شالنظره ذي ؟؟
ام فؤاد بضحكه :لا ولا شي
مها: ايه ايه ... الا صح دامك تدرين ليه ماقلتي لي!!؟؟
ام فؤاد : حاولت اقولك بس انتي ماتعطين الواحد مجال على طول تقاطعينه هذا جزاك تستاهلين
مها جلست عالارض : يارببيي .. اصلا هذا وش جايبه اللحين؟؟؟
ام فؤاد: قومي قومي امشي نروح الصاله.. وبعدين وشو وش جايبه!! تستهبلين؟
مها قامت مع امها : لا يعني تونا امس مملكين وش يسوي هنا
ام فؤاد: جاي يشوف زوجته!!
مها: زوجته !! توه شايفها
ام فؤاد : ان لله وان اليه لراجعون شتبين انتي اللحين؟
مها : خليه يروح ماراح اطلع له انا
......: هو يدخلك عادي
مها لفت عليه وهي ودها تقوم تكفخه: #### انت ####؟؟؟ ليش ما قلت لي
فؤاد يضحك: قلت لك
مها : ما قلت كذاب
فؤاد : والله قلت جالسين نستناك!!
مها: والله!! يعني انت كذا قلت اني زوجي المصون هنا!!
وحذفت عليه المخده
مسكها : يادين الله لا يعجبك العجب ولا الصيام في رجب امشي بس الرجال برا
مها : خبل انت تبيه يشوفني وانا لابسه كذا!!
فؤاد : روحي غيري طيب!!
مها تكتفتوهي متربعه عالارض: والله ما اتحرك واعلى ما في خيلك اركبه 
فؤاد : يلييلل المبزرهه
وطلع وخلاها تتحلطم
ام فؤاد تضحك : انا بروح المطبخ اشوف المعجنات
مها بصراخ: خلي هاللي عندك تجيب لي فطور يفتح النفس بعد ماسدها ولدك الاهبل بحركاته!
صوت ثقيل من وراها: ما عجبتك حركاته!!
مها تجمدت مكانها وتجمعت الدموع بعينها
قرب لها الصوت لين ماجلس قدامها انصدم لما شاف الدموع بعينها جا بيتكلم الا قاطعه صوت فؤاد
فؤاد يضحك: كيف خيلي بالله !!
لفت عليه مها وهي تناظره بحقد وعيون دامعه
وهو بدوره بعد انصدم انها بتبكي ما مداه تحرك بسرعه لجهتها خايف وبيتأسف الا قامت تركض وعالدرج لغرفتها دخلت وقفلت الباب عليها راحت على سريرها وانهارت بكي
عند فؤاد يمسح على شعره : ياربيي شفيها ذيي
بدر : معليش شكلها ما كانت مستعده
فؤاد : والله مدري عنها غريببهه
بدر بمزح: لا يكون اختك بكايه!!
فؤاد يضحك: لا والله ماخبرتها ام دميعه بس مدري شصاير
دخل بسام : هاه كيف المفاجأة
وكان هو المتفاجئ بعدم وجود مها
بسام بصدمه: وينها!!
فؤاد: بكت وطلعت لغرفتها
بسام : اماا عااد!! وانت وش تسوي هنا؟؟
فؤاد : مالي وجه اروحلها تكفى روح
بسام: اوللهه عليك يابدر وش سويت بأختي من اول يوم
بدر رفع ايدينه وهو يضحك: ماسويت شي فعايل اخوك
...-دق جواله-  المهم انا رايح اللحين عندي كم شغله بس تكفون طمنوني عليها هاه!!؟
فؤاد: روح يارجال ان شاء الله مافيها الا العافيه 
بدر يطالعه بتهديد مصطنع: يا ويلك يا فؤاد ان صار فيها شي
بسام يضحك: ولليي ووللكك يا فؤاد اللحين عندك انتقامين من مهيا وزوجها الله يعينك
فؤاد؛ توكل يا رجال تراها اختي !!
بدر : تراها زوجتي!!
فؤاد: اختي قبل لا تصير زوجتك!!
بدر : بهذي غلبتني .. يلا مع السلامه
بسام وفؤاد: نشوفك على خير
بدر: طمنوني ها؟
بسام وفؤاد: ان شاء الله
.................
ماكان ودي انزله وانا ما خلصته بس عشان خاطر وحده منكم
واتوقع عرفتوا انتي مو وجه مواعيد ف متى ما كتبت واكتمل ينزل البارت 
انجوي