عبط المراهقه

البارت الرابع والعشرون

السلام عليكم
...........................
حاول يمشيها معه بس ماكانت تقدر :" مدى مددى تسمعيني !! ساعديني وقومي امشي ..قومي ترا اذا ماقمتي بشيلك
تعب منها ماترد راح شالها وركض رايح للسياره وهو رايح شاف
........: هيي وش فيه من ذي
.........: سلطان تعال معي مدى مغمي عليها بسرعه امش
سلطان : مدى ! اما وشصار جواد رد
جواد : مو وقته امش اللحين خلينا نوديها الطبيب
ركضوا عند السياره سلطان جلس ورى وسدح مدى على فخوذه وجواد يسوق
سلطان : جواد بسررعهه
جواد كل شوي يلف عليهم : طيب طيب
سلطان شبه صراخ : جوااادد
،،،،،،،،،،،،،،،،،،،،،،،،،،،،،،،،،،
عند البناات
انوار وقفت : انا وحده ابي السوق
رولى : حتنا بعد ابي السوق
مها : انا مايهم وين بس ابي اطلع
جود: انا صدق مالي خلق بس بجي معكم
سلام : انا بجي لان نفسي في باسكن
انوار : اجل يلا نروح للعيال
لبسوا عباياتهم ونزلوا الملحق .
رولى دقت الباب ودخلت على طووللل
انوار بصرااخ : سلطاانن !
وليد : مهو بهنا
انوار تربعت عالارض: ماعلي المهم ودوني السوق
ورولى بسطت جنبها : حتى انا ابي اروح والشعب اللي معي طبعا
انوار : اممم - صغرت عيونها وصارت تحرك اصبعها السباب بإتجاه العيال- انتت
فؤاد : انا !!
انوار ضربت جبهتها: لالالا
فؤاد : اجل من ؟
انوار تأشر : اللي وراك ي دلخ
فؤاد هو عارف انها تستهبل : اوكي
انوار تكلم بسام : اخوك شفيه !! صدق مزيون بس استعيابه بطيء !
فؤاد : وصلت
انوار : طيب تفضل
فؤاد : وليد انت قلت تبي تطلعهم يلا قوم
وليد : وراك لزقتهم فيني !
سلام : الله وليد يبي يطلعنا !!!
جود : من وين طالعه الشمس
مها : للأسف ماكو شمس هسه اكو كمر
جود : ظريفه
مها : طيب اخلصوا من بيودينا !
انوار : فؤاد
رولى : يلا اخ فؤاد دق على اهالينا وقلهم انك بتطلعنا هيا
فؤاد: على كيف امكم هو اطلعكم !!!!
مها : عشون خوطري اخويه حوبي
فؤاد : بلا فشكلك تكلمي عدا
وليد : يلا قوموا انا بوديكم
انوار : ابن عمي العزيز اقدر لك هذا العرض لكني قد قلت من قبل ان فؤاد هو من سيذهبنا
مها : يذهبنا ايش !!
رولى : يقلنا يقلنا ههههههههههههههههههههههههههههههههه
انوار : المووههييممم
.......: حتى انا ابي فؤاد
،،،،،،،،: وانا اقول فؤاد يوديكم
الكل لف : تتررففهه وشررععه !!!!
ترفه: عمااتكم عمت عينكم
سلام : بدل ما تسلم تدعي
مها: بدويه
شرعه رمتها بالجزمه (تكرمون): وش بلاهم البدو يازينهم بلاس ماعرفتيهم زين
ترفه: يبي لس صقعه على هالقوطي الي براسس كود يتعدل
مها : اكلتوني بسم الله علي
شرعه : المهم اخلصوا علي وينهي ام سالم ؟
نبي نسلم عليها
رولى : داخل يعني وين بجيبي !
ترفه: طيب انتم ماتستحون على وجيهكم صارلنا ساعه واقفين حتى ما سلمتوا
وليد : هوب هوب ي عمه
ترفه تدق شرعه : والله وناسه احس اني شخصيه يقولون لي عمه
شرعه : اقول اركدي بس
........: احم احم درب درب
ترفه : هدى هدى
سلام :حي الله ذا الزول
مها : فديت الوقفه
رولى : امووتت عالمرسسمم
ترفه شرقت : اهئ اهئ -تضرب على صدرها- كل ذا عشان هالمخيس
.......: مخيس بعينس ي بلها
ترفه : سييفف عيب عليك توني شايفه نفسي ينادوني عمه
سيف : تستاهلين وراس تسبييني
ترفه : وانا صادزه
انوار : اقول تروف اسكتي بالله خليني اتمقل بذا الوجه الزين
جود : والابتسامه الخوقاقيه
سيف : وه وه انفداكم ..
مها قامت ودزت ترفه : اقول وخري مناك بس
راحت تبوس سيف وهو ابتسم : وزين هالسنون
باسها سيف : زينس انتي
وليد : ي هب علييك انا صارلي ساعه منقع هنا مالقيت المدح ذا حتى لو كشخت
سيف : شتبي انت
سلم الكل عليهم
شرعه : واللحين يلا خندخل نسلم على ام سالم
سيف : مابعد تسلمون عليها ؟.
شرعه : لا دخلنا سمعنا حسهم هنا وجينا
سيف : اجل يلا
مها مسكت يده ومشت
انوار : ما ينعرف لك مهيا ذاك اليوم ذايبه مع اخوي واللحين مع سيف
مها : ايه انا لازلت مع سلطان بس اخوك مو موجود ما يمنع اذوب مع اخر
شرعه : الا صدق وين سلطان وجواد ومدى ؟
الكل : مدريي
بسام : يام ساللممم
الجده : آمر ابوي انت
بسام : جايينك ضيوف
الجده : منهم !؟
بسام : ادخلهم
الجده : ويه ماخليتهم يدخلون يا فشيلتي
سامي : لاا ي جده قصده يدخلهم عليك
الجده : ههييهه .. لا وين خلهم بالمقلط
سامي : بس هم يبونك
سيف : وينها ام سالم
الجده تغطت بملفعها : هنا هنا حياك يابوي
سيف دخل : الله يحييس ... كيف حالس ي خاله
الجده : بخير وجعلك بخير بس من انت !
سيف : انا ولدتس
ترفه تبوس راسها : شلونس خاله
شرعه تبوسها : فكي ي خاله ولدس ذا
سيف : احنا عيال رجلس
الجده فكت : ههييهه انتي شرعه !
شرعه : ايوه
الجده: ي هلا والله ي هلا اسفرت وانورت تبارك البيت يومنكم جيتوه
مها : هااهه كني اسمع سب غير مباشر يام سالم
الجده : اقول مناك بس يالماصله
شرعه : ابعدي عنها ماعليك منها ي خاله بشريني عنس
الجده : بخير يامي انتي كيفس وكيف امس
شرعه :بخير الحمدلله ما عليها تسلم علييس
الجده : الله يسلمك وياها من الشر... اقرب يا سيف اقرب شوي ويجون اخوانك وانتن اقعدن اختكم راحت تصلي وجايه ..... والله كبرتوا اذكركم يومنكم بالابتدائي
ترفه : ووييينن ي خاله كبرناا ودخلنا الجامعه وشرعه ان شاء الله تصير دكتوره
الجده : دختوره ! هالله هالله عاد خليس دختورتي لامن حسيت نزل علي الضغط زقرتس
شرعه : على هالخشم
سوسن : يمه من يمك !!
سامي : تعالي عمتي اخوانك بس
سوسن دخلت : السلام عليكم
الكل :وعليكم السلام
سوسن : بسم الله -حطت حجابها على وجهها راحت للباب
الكل : هههههههههههههههههههههههههههههه
الجده : تعالي يا امي انتي تعالي اخوس ذا
سوسن : هذا سيف !!
الجده : اييهه
سوسن دخلت وهي مستحيه اول مره تمشف عنظ رجال فبقت لابسه حجابها : ي هلا ومرحبا اعذرني ما عرفتك
سيف : مسموحه .. اول مره تعيننيني ..
الجده : وهذول خواتس يا يمه شرعه وترفه
سوسن ناظرتهم : خواتي !
شرعه : ي هلا سوسن انا شرعه
سوسن : هلابك حبيبتي .. ي ما شاء الله وشذا الزين
سلموا على بعض
ترفه : وانا اقول جواد طالع على من ! اثر جماله منس
سوسن استحت : ههههههههههه شدعوه ...-التفتت على العيال : الا وينه جواد ما شوفه
فؤاد : طلع وماندري وين راح
................................
عند سلطان وجواد بالمستشفى
سلطان : ياربي شفيهاا
جواد : مدري .. حتى انا تفاجئت لما طاحت بحضني تبكي
سلطان : انا كنت حاس انو فيها شي حتى كلمتها تطلع لي بس شكلها تحسبك انا
جواد : مدري .. حتى انا حسيت
طلع الدكتور وراحوا له
سلطان : بشرنا دكتور اخبارها ؟
الدكتور : بخير وهي اللحين نايمه ..وش تقربون لها !
سلطان : اخوانها
الدكتور : تفضلوا معي
دخلوا المكتب
الدكتور : البنت حطينا لها مغذي عندها سوء تغذيه وتسبب لها بإغماء وو..
جواد : وايش !!
الدكتور : اكتئاب حاد
سلطان وجواد : اكتئاب حاد !
الدكتور : ايوه .. هي تعرضت للتعنيف!!
سلطان : لااء
الدكتور : منبوذه بالمدرسه !
جواد : لا مدى قويه وتاخذ حقها!
الدكتور :بكذا اسباب الاكتئاب مجهوله ،عموما هذا مو تخصصي بحولها لطبيب نفسي تزوره
سلطان : مايحتاج انا طبيب نفسي
الدكتور : براحتك بكتب لها ادوية تداوم عليها لمدة اسبوع وان شاء الله تتحسن
سلطان : ان شاء الله
جواد : نقدر نشوفها !!؟؟
الدكتور : ايوه تفضلوا
دخل اول شي سلطان شافها وتطمن عليها وقال لها ترمي الغطا على وجهها جواد بيدخل ونادا على جواد
جواد اول ما دخل وشافها صاحيه نط عندها: كيفك اللحين ؟
مدى هزت راسها اننها بخير
جواد : وش تحسين فيه !؟
مدى : يالله يطلع صوتها : جووعع
سلطان : جوعاانهه !!
مدى ناظرت فيه : ايوه جوعانه
سلطان : يخسي الجوع وانا اخو مدو
مدى ضحكت
جواد : ايه يختي اضحكي مو زين لك البكى
مدى سكتت وناظرت قدام وظلت ساكته
جواد : يووه .... طيب وش تبين تاكلين
مدى : احس اني شبعت
سلطان : شبعتي يوم شفتي وجهه الفقر ذا صح (ويأشر على جواد )
جواد طارت عيونه : نععمم !! قصدك شبعت يوم شافت جمالي
مدى بهدوء : ابي اطلع
سكتوا والتفتوا عليها
سلطان : خلي الي بيدك يخلص ونمشي
مدى بتحلطم : هفف شبعت منه صار له ساعه يصب فيني !!
سلطان : ي كذااببهه ما اخذنا نص ساعه من جينا هنا اصلا
مدى : عاد شسوي مابي اقعد بعد غصب
سلطان : ايوه غصب
جواد ناظرها وسكت بعدين قال : هو مو غصب بس عشان صحتك
مدى : صحتي اني اطلع ولا بمرض زياده .. بعدين تعالوا انتو ليش جايبيني انا مافيني شي -وتسحب ابرة المغذي من يدها وتقوم راحت دورة المياه الله يكرمكم
جواد وسلطان : هييي
سلطان : مدىى !!!!! وبعدين يعني
جواد : مابعد يخلص ليش شلتيه ؟
طلعت وهي مضبطه نقابها ناظرت فيهم بعدين اتجهت للباب وطلعت
لحقوها
سلطان : جواد روح معها انا بروح اقول للدكتور اننا بنطلعها
جواد : طيب
جواد راح وراها وهو يمشي بسرعه عشام يلحق عليها
جواد قرب يمها ومسك يدها عشان توقف لانها كانت بتركب سياره ثانيه
جواد : مددىى لحظه
مدى : قلتت لكم طلعوني ما طلعتوني .. مايكفيي اللي فيينني لييشش تعاندوونن
جواد : شفييكك شقلت انا اللحين عشان تعصبين!! وبعدين وش اللي فيك !!
مدى طاحت دمعتها : شفيني !! قول وش مافيني انا ...اناا -بعدين سكتت وناظرته بصدمه - انت اصلا وش جابك هنا !!؟؟؟
جواد يناظرها بأستغراب وصدمه وشك وكلشي بالحياه بعدين لمس جبهتها : فيك شي ولا شي وش وش جابني هنا !!
مدى بعدت عنه : لا صدق شتسوي هنا
جواد : انا جبتك !
بدت تتذكر انها طاحت بكي في حضن احد بعدين ناظرت فيه بصصدمه : لا يكون انت !
جواد فهمها : ايوه انا
مدى راحت عنه: انسى كل شي
جواد ضحك : طيب .. تعالي نروح عند السياره
مدى : طيب يلا امش قدامي
جواد مشى قدامها وكل شوي يلتفت عليها
جواد : يختي تعالي قدامي تعبت رقبتي طل شوي تلف عليك!
مدى : اقول ناظر قدامك بس لا تفلع بالسياير وتبلشنا وبعدين لا تخاف انا موب بزر عشان اضيع
جواد : طيب طيب
وصلوا السياره
مدى : ليش سيارتك هنا ؟
جواد : مدى متأكده انك بخير !! توني قبل شوي قايلك اني اللي جبتك !
مدى : طيب خلاص اسكت مابي اسمع صوتك
ظلوا كذا دقيقه بعدين جا سلطان
سلطان يركب السياره : السلام عليكم
جواد ومدى : وعليكم السلام
وحركوا عالبيت
مدى بس حركوا السياره سرحت بعدين شهقت وصارت تبكي بصوت خافت
جواد حس انها تبكي لف على سلطان : سلطان شوفها شكلها تبكي !
سلطان شال السماعه و التفت عليه : وش !
جواد : شوفها يمكن تبكي !
سلطان : طيب - التفت عليها وشافها ضامه يدينها وتبكي تحاول تخفي دموعها بتنزيلها لراسها
سلطان ناظرها شوي بعد رجع على وضعه وقال بصوت طبيعي : شوي ونوصل
جواد : خلاص اصلا وصلنا
نزلوا وهي اول ما حطت رجلها عالارض......
---------------؛-؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
داخل البيت الكل جالس يسولف مع بعض
شرعه : ااسككتت !
سيف : لالالا لازم يعرفون
شرعه نطت عليه : قلت لك اسكت خلاص- وتسكر فمه
وهو يوخر يدها ويقول : ايه المهم لمن كانت بزر كان في واحد تحببهه قد الدنيا لكن هو مايطيقها ابد كل ماتروح له يهج
البنات : ياللننشببههه
شرعه : اشش بسس
الكل : هههههههههههههههههههههههههههههه
سيف : ايه اكمل .. المهم مره راحت له علمود توكله وتمشطه
مها : شدعوه مايعرف ياكل !
سلام : ولا يمشط !
بسام : يمكن مشلول !
سامي : لا يغبي شلون مشلول وهو كل ماشاف خشتها يهج
سيف : وبعدين يعني ما اكمل
شرعه : ايه لا تكمل
الكل : الا الا كملل
سيف : بكمل- ومد لسانه لها ؛ المهم راحت له حطت له الاكل واكل يوم جات تمشطه وتغسله وراحت له من ورى وهو محبوس مايمدي يهج كان يعطيها شلوتي بسرعة الفين يطيرها
الكل : ااحح
سيف : احنا ماوعينا الا والهوا جايبها لنا وش فيس يابنت علامس كان تقول الخيل شاتني وهي تبتسي
شرعه :تسذوووببنن اقرع
سيف : هههههههههههههه ايه هين هين
ترفه : بس يا انها بطلله ذالحين
شرعه : اييه هذي السواليف السنعه مهوب سواليفك يا مستر سيف
مها : ما علمناك احنا
رولى : شف من يتكلم
جود : نسينا ما كلينا !!!
مها : وش !!!
سلام : انا اقولكم ..-تربعت- ذاك اليوم اختنا بالله سوت فينا مقلب وقمنا نراكض بالجناح وحنا نركض في النهايه مهيأ داست على صرصور
رولى : وجلست تصررخ حبتين وتبكي بس الحمدلله مابكت
جود : غسلت رجلها بديتول اكثر من خمس مرات
مها : بس يا حبيباتي هذي حشره شي طبيعي بقرف
سيف : كلكن مهايطيات
شوي الا يشوفون شي يشخط من الصاله الى الدرج
ترفه : بسم الله كأني شفت شي شطف
مها ضحكت بخبث : ايه حتنا -وغمزت لسلام والبنات وفهموها
ترفه : شطف بسرعه
سلام : ايوا متعودين
رولى : اصل البيت ده مسكون ي حبيبتشي
شرعه : احلفي بالله !!
تورطوا البنات حرام يحلفون كذب
جود : تررا نتكلم جد
انوار : ايوا حتى انا اول ماجيت شفت حاجات كذا وقالوا لي البنات انو مسكون
مها : خصوصا جناحنا
بسام : عاد الملحق الله خييرر
جود : يووهه الملحق وما ادراك ما الملحق
سلام : احس كبيرهم بالملحق
مها : اكييدد دام وليدووه فيه تلقينه هو مستدعيهم
وليد : انتي اشبمك علي وش يدخلني فيهم بسم الله علي
شرعه : حمااسس قومن خنروح
البنات "صددممةة عممر مررتت علليي " يناظرون بعض بتعجب
ترفه ضربت شرعه عى خفيف : لا مهبوله انتي اهجدي اقول
شرعه : وش فيس قومي حماس
فؤاد جا وروع ترفه: بخخخ
ترفه غمضت عيونها ونقزت : "قل اعوذ برب الفلق من شر ما خلق " تتفف تف بسم الله بسم الله .
البنات : هههههههههههههههههههههههههههههههههه
مها : ييعممري تروف خافت مررهه هههههههههههههههه
ترفه تضرب فؤاد : حمار ليش تسوي تسذا
رولى : يقلببي خلاص نمزح نمزح
جود : بس جد وشذا اللي شطف
العيال : ما شفنا شي اصلا
مها : بنات قوموا نشوف شكله صعد فوق
شرعه : قداام
انوار : اثقلي شوي ي خبله
شرعه حذفتها بالمخده : لا تقولين خبله انا عمتك
انوار : انا اكبر منك - حولت عيونها وهجت (شردت؛ هربت *
وهم طالعين من الصاله قابلوا وسلطان
سلطان : شفييكم على وين
مها وقفت : وه وه هلا بهالطله
جاها سيف من ورا : يالخاينه ليش تقولين له زيي
مها : بسم الله .. هاه لا يعني خلاص عااد انت وياه زيون شسوي بعد لامن اقبلتوا ادوخ
سلطان : هههههههههههه هلابك ي حارستي .. هاه اشوف سيف عندنا !
انوار : وخواته المهبل بعد
شرعه : وبعدين يعني كم مره اقولس انا عمتتسس احترميني
انوار : ان شاء الله عمتي
سلطان : اهليينن
وسلم عليهم
ترفه : وينك فيه صارلنا ساعه هنا
سلطان : كنت مشغول شي مع جواد
مها : صدق وينه جودي !!
جواد من ورا سلطان : جودي بعينك يارب
مها : كيفي كيفي
ترفه : هلاااا جوواد
جواد ابتسم : ي هلااا
سلموا عليه
سلام : المهم يلا بنات تعالوا نروح نشوف من فوق
جواد : ليش من فيه فوق !
مها : ملك خص
جواد : شتبييين انتي !
مها : مدري بس الاكيد اني ما ابيك -- يلا بنات
جواد دخل داخل : فؤادووهه شفيها اختك علي !
فؤاد : مدري عنها خل تطير بس... انت قول وين كنت
جواد : مشغول شوي
وليد : الله والشغل عاد
بسام : شكله بزنس مان واحنا ماندري
جواد : ايه وش عرفكم انتم ..كان عندي جلسة تصوير مع شخصيه مهمه
سامي : منهو ذا ان شاءالله
سلطان يعدل شماغه: انا اكيد
فؤاد بسخريه : انت ! .. ووش منصبك يا باشا
سلطان : ايه انا مو مالي عينك انا ولا وش !
جواد : على اي اساس الشخصيه المهمه صارت انت !؟
العيال : اووححح
سلطان : طيب سلك الله يبلا العدو
جواد : المره الجايه ان شاء الله
سلطان : اقول بس طيروا عني اللحين انا حصلت واحد بعمري عالاقل موب انتو
فؤااد : يالجحده وانا جحدتني
سلطان : بزر انت شبي فيك اللحين عندي سيف
فؤاد يصغر عيونه : هيين هيينن سيفوه ذا مرده بيروح وبترجع لنا
سيف : وللدد
وليد : انا عمك
سيف : ي **** انت وياه مفروض تفرحون ان لكم عم قدكم موب تصيرون عنصريين
سلطان : الله يعين عمنا ذا شكله بيطلع ابزر منهم
سيف : سلييطيينن مو معناه انك اكبر مني بسنتين يعني تاخذ راحتك
سلطان : ي رجالل !!
سامي : طيب يلا يلا انا جوعان وابي بيتزا مين بيعشيني ؟
وليد : كان امي تدق علي ! - وقام
فؤاد شاف ساعته : يووهه تأخرت على ابوي
بسام : حمام حمام الله يكرمكم
جواد : بروح عند جديده(الجده)
سلطان : مواعد جيمي اني بكلمه
باقي سيف
سامي :هااه يا العم المصون تعشيني اصلا مافي خيار ثاني
سيف : اعشيك ياولد اخوي اعشيك
العيال سمعوا ان خلاص سيف بيعشيهم رجعوا
سيف : نعم نعم ليش رجعتوا ؟؟
سامي : ايه روحوا انتو مشغولين
وليد : هاه امي بس نسأل متى ارجع البيت
فؤاد : وانا ابوي كنسل الشغل
سلطان : وجيمي نايم
جواد : جديده تحوم ( مو بالبيت )
ناظروا بسام
بسام: هاه شفيكم انا رحت الحمام الله يكرمكم
سيف : اقول سامي يلا قوم نشتري بيتزا
قاموا لعيال معهم
سيف رفع حاجب : خيييرر !!؟ على وين
العيال : نتعشا !!
سيف يستهبل : اها طيب يلا روحوا تعشوا
العيال استفهام
سيف : سامي بسرعه ولا رحت اكل وخليتك
راحوا للسياره ومشوا على طول
وليد : حساففهه
فؤاد بحسره: راحت علينا البيتزا
بسام : انا شذنبي كنت بالحمام الله يكرمكم
جواد بوجه بريئ : وانا ما هجيت انا قلت بسلم على جديده بس
سلطان بحومة كبد : مالنا الا كبسه
فؤاد : لالالا شبعت من الكبسه انا
وليد : وانا مابي رز
جواد : وانا ما اكل رز بالليل
العيال كلهم ناظروه بإستغراب : وليش ان شاء الله
جواد شق الابتسامه : مسوي دايت
العيال : الله يخلف
وهذا هم ضلوا ما تعشوا اللي جلس يلعب سوني واللي على جواله واللي يناظر التلفزيون
.....................
عند البنات صعدوا فوق
شافوا اول شي نقاب مرمي بعدين حجاب بعدين فرده وحده من الجمزه بعدين الثانيه الله يكرمكم بعدين عبايه بعدين بنسات بعدين ربطة شعر
انوار : الله الله وشذا !!
سلام : حاطه علبة بنس براسها ذي شوفي كم وحده
جود : شوفوا عالكنبه
ناظروا الكنبه لقيو مدى نايمه
ترفه راحت تررككض ونطت عليها : مددى
مها : من متى ذي هنا !!
مدى فتحت عيونها وناظرت فيها باستها ورجعت نامت
ترفه : شفيها ذي...
انوار قربت بسرعه : مدى ! شفييكك
مدى : فيني النووومم
شرعه قربت باستها وحطت يدها مكان النبض تجسه: نبضها منتظم بس وجهها ذابل !
راحوا غرف النوم كلهم بغرفه وصاروا يتكلمون
ترفه : ماهي عادتها
سلام : والله حتى احنا مستغربين شفيها !
مها : هذي مو اول مره تصير لها
انوار : كيف يعني
رولى : من سنتين بدت معها هالحاله صارت تجلس يومين بس تبكي ومنفسه
جود : والسبب مجهول واحنا نعديها بس اهمشي انها ترجع نفس قبل
سلام: بس مستحيله نخليها هالمره لازم نعرف
انوار مسكت يد مدى : لحظه لحظه - طلعت جوالها ودقت على احد -
انوار : الو ... هلا وينك ... اسمع زين تعال الحديقه بنكلمك ... اوك يلا سريع ...باي .. يلا بنات البسوا وتعالوا معي
البنات : ويينن
انوار : انتو تعالوا بس ولا عليكم وبنفهم السالفه
لبسوا ونزلوا الحديقه وشافوا ...
انوار : جينا
التفت : اهلين .. شفيكم !
انوار : اسمع انت جيت يوم جات مدى صح !
......: صح
انوار : يعني هي كانت معك
....... ما عرف وش يقول : كيف منهي اصلا
انوار : مدى ... سلطان اسمعني انا عارفه ان مدى كانت معك .. وين كنتوا
سلطان "هفف شسوي فيهم ذول اللحين .. بس هم قراب منها لازم يعرفون ": بالمستشفى
البنات : المستشفى !!
مها : وجودي شكان يسوي معكم بالمستشفى
جواد من وراها : كم مره اقولك اسمي مو جودي
مها : انطم بس
جواد : ان شاء الله عمتي
ترفه : تكلم سلطان وشله كنتم بالمستشفى !
جواد : اغمى عليها ووديناها المستشفى
سلام : انت شدخلك
جواد : انا وديتها يوم طاحت سلطان كان شايلها وانا طلعت من الملحق وشفته وقلي تعال نوديها وكان وجهها ازرق
سلطان : بس
شرعه صغرت عيونها : وايش قال الطبيب !؟.
جواد وسلطان ناظروا بعض : سوء تغذيه
البنات : بس !!!!
جواد وسلطان : ايوه بس
شرعه : جواد تعال معي- وراحوا بعيد- تكلم وشفيها مدى ؟
جواد : سوء تغذيه !
شرعه : جواد لا تستهبل على راسي مستحيل عشان سوء التغذيه بتقعد تبكي
انوار سحبت سلطان وراحت لجواد وشرعه : بنات استنوا شوي : يلا تكلموا
جواد وسلطان : قلنالكم
انوار : لا تستعبطون
شرعه : لو سوء تغذيه ما كان بكت
انوار : ولا نفست
جواد : استغفرالله العظيم
سلطان : اسمعوا بس مو تقولون للبنات ولا تدري مدى باللي فيها
شرعه وانوار خافوا : ليش وش فيها
سلطان : بقول لكم لانكم كبار وبتفهمون
انوار توترت : ققوولل
سلطان : معها اكتئاب
انوار وشرعه ارتاحوا : بسس
جواد مو اي اكتئاب .. اكتئاب حاد سببه مجهول ولانها مكتئبه صار عندها سوء تغذيه
انوار وشرعه شهقو بقوه : هههئئئ
انوار : منجدك انت
شرعه : عارف ايش يعني اكتئاب حاد جواد لا تستهبل الاكتئاب قد يؤدي الى الموت
سلطان : عارفين عشان كذا خليكم حولها لان احتمال تفقد الوعي بأي لحظه
جواد : وحاولوا تغصبونها عالاكل
انوار : والدم اللي بيدها من وش ! لا تقولون حاولت تنتحر
سلطان : هههههههه لا عاد شدعوه
جواد : الهانم شالت المغذي بقوه قبل لا يخلص وطلع دم بس
انوار : احسب
سلطان : المهم خليكم حولها
شرعه : ماتعرفون ليش هالاكتئاب او من جاها !
سلطان : لا بحاول اعرف وانتو بعد حاولوا
شرعه وانوار : طيب
شرعه : قولوا لسيف نبي ننام هنا
جواد : طيب
رجعوا البنات صعدوا فوق وراحوا الغرفه
شرعه : تروف ترا بننام هنا
ترفه : اوكي
انوار : بنات خلكم حول مدى كل شوي صحوها تاكدوا منها
سلام : ليش
انوار : احتمال يغمى عليها بأي وقت
البنات : اوك
سوو لهم اكل وتابعوا فلم بعد ما قوموا مدى سدحوها عالسرير وكل شوي وحده تطل عليها بعدها ناموا على الساعه 9
........عند العيال
دخلوا عليهم وهم يضحكوون
سامي : لا احلى شي لما كذا تاكلها وتنمط الجبنه
سيف : اللي بالخضرا اطعم شي
سامي : واللي على اطارفها انواع من كل شي
سيف : السلام عليكم
العيال تشهونوا من كلامهم
بسام : شدعوه سامي ماجبت لي بيتزا منا ولا منا
وليد : انا ولد عممكك
سامي : لا ماحبت احد قالكم انحاشوا
سيف : ايه تستاهلون
سلطان بتحمق: عادي اصلا اكلنا كبسه
سيف : هههههههههه عافيه
جلسوا وصاروا يسولفون والعيال كل شوي يعطونهم نظرة الحسره
سيف رمى مفاتيح سيارته على وليد : في اغراض بسيارتي روح جيبهم بسرعه
وليد : نععمم!
سيف : انعم الله عليك ..روح جيب الاغراض اللي بسيارتي
وليد : استغفرالله
قام يجيب اغراض سيف ورجع وهو يصرخخ
وليد : تسلم سييفوهه والله ان خاطري فيها
جا وحط الاغراض عالطاوله
والعيال فاتحين عيونهم اول ما شافوا الاغراض طبوا عليها وفتحوها وسيف يضحك
سيف : بسام جيب الكاسات بسرعه خلينا ناكل
كان شاري خمسه بيتزا من كل نوع وهو وسامي اصلا ما اكلوا راحوا شروا وتمشوا شوي و جاو
وهم ياكلون
فؤاد : ياخي انت ليش ماجيت منزمان
بسام : منجد والله يا زينك بس
سيف : عشان تعرفون بس قيمة عمكم
سلطان : اقول توكل بس
جواد : يعطيك العافيه .... الا صدق ترا تروف وشروع يبون ينامون هنا
سيف : الله يعافيك .. اوك خلاص ادق على امي واقولها
صاروا يسولفون ويضحكون لما خلصوا تابعوا فلم وناموا بس سيف راح البيت ما نام معهم

...................
اليوم الثاني الصباح الساعه 9
صحو البنات على صوت ازعاج بالمطبخ تبع الجناح اصوات اشياء تتسكر وتنرفع وتنحط ومويه وصراخ
صحوا مفجووعيين راحوا يركضون بجهة المطبع بكششهم وبجايمهم واروبتهم وانصدموا باللي شافوه
.
^
&&&&&&&&&&&&&&&&&&&&&&&&&&&&&&