عبط المراهقه

البارت الثامن والعشرين

كانوا جالسين يسولفون ويطقطون على مها
فجأه احد تنحنح ورا الباب
مها نقزت: وشو وشووو بيدخخلل !!
فؤاد اختبص: مدري لحظه بشوف
راح ورا الباب وشاف سلطان
فؤاد تنهد : هذا انت يا رجالل
سلطان: شفيك
فؤاد: نحسبك عريس الغفله بيدخل
سلطان ضحك: لا انا عريس الغفله يبي يدخل ب ربع ساعه جيت اسلم على مها
فؤاد : اها طيب طيب
سلطان علا صوته: السلام عليكم .. عالبرككهه مهاا منه المال ومنك العيال
الكل تننهد؛ سلطاانن
مها زفرت: سلطان الحمدلله
سلطان ضحك: طيب مها تخاف انتم تخافون ليه!!
سلام : كذا تضامن شتبي انت
سلطان: ايه ايه هههههه ..(وبمزح) هاه مها لسا حارستي الشخصيه ولا تقدمين استقالتك ؟؟
مها نست انها عروس: لا وشو ما استقيل انا ابد
انوار: لا اسألها الحين اسألها بعد ما يدخل العريس المخضرم
سلطان : تهقين كذا
مها: هي هي وشو لا لا هذا منصب انا محد يأخذه مني ولا احد يأخذني من سلطان
وليد : يأخذك العريس المخضرم على قولتها
سلطان : ماعليك منهم مكانك بالحفظ والصون
سلام : أي حفظ وصون وهي راحت لواحد ثاني خلاص انا اعلني حارستك الجديده
سلطان: ههههههههههههه يلا انا بروح الله يباركلك مها ويوفقك.... وانتو ياخي استحوا واطلعوا ترا شوي ويدخل زوجها
مها صرخت بعدم تصديق : كذاابب
سلطان: والله
سامي: يلا اجل مع السلامه مشينا احنا
جواد: ترا واقفين عند الباب انتي بس نادي وندخل نكوفنه اذا تبين
مها بخوف: خلكم هنا
فؤاد: ماطلبتي شي
سلطان : ياذا النشبه ماصدقوا خبر ذول ... يلا مع السلامه
سيف : دقيقه خذني معك
راح سلطان من هنا وصوت تحنحن من هنا
مها انهارت وبهمس: ميينن ذا يممهه
فؤاد: شكله زوجك
مدى: وييهه لا صبر نطلع
مها: وين تروحون خلكم هنا
رولى: تستهبلين عشان ينجلط وتوه مادخل عليك يكفي الجيش اللي عندك ماشاء الله
طلعوا البنات
ودخل الزوج المصون يناظر الارض رفع عينه وهو مبتسم :السلام عليكم ....(سكته منظر العيال حوالينها)
دخل ابو فؤاد: شفيك يابدر أدخل ؟
بدر ناظره وناظر العيال
ابو فؤاد انصدم : انتم ماطلعتوا؟!!
العيال بدورهم بعد منصدمين!!!!
مها استغربت ليش عم الصمت فجأه فضطرت ترفع عيونها
ابو فؤاد: ماقالكم سلطان اطلعوا؟؟ ورا ماطلعتوا
فؤاد : احم .. الا قال بس مها قالت خلكم
وليد: وطبعا ماراح نكسر اختنا يوم ملكتها
ابو فؤاد: ايه ايه يلا اللحين اطلعوا
العيال ماتحركوا
ابو فؤاد: يلااا
العيال سلموا على بدر وهم طالعين وباركوا له
اما مها ف لازالت عيونها معلقه على زوجها المسمى بدر
ابو فؤاد: أدخل يابدر هذي عروستك
راح لمها وقفها وهي استوعبت انه من دخل وهي تقزه
وقفت مع ابوها وقرب منها بدر
بدر بأبتسامه : مبروك يا مها !
مها بصوت زين طلع : هه يبارك فيك
سلم عليها بالخد وجلس قريب منها
ابو فؤاد ابتسم : يلا اخليكم براحتكم
طلع ومها تفرك بيدها ومارفعت نظرها اما بدر فهو قاعد يناظرها كيف متوتره
مها "ياربي ذا وين وانا وين اففف وانا من دخل وانا اقزه كأن ما عمري شفت رجال "
بدر ببحه : كيف حالك؟
مها رفعت عيونها وناظرته: هاه
بدر ابتسم : كيف حالك؟
مها بهمس وتوتر واضح: طيبه طيبه ..وانت؟
بدر يستهبل يبي يصير جوها : انا؟؟ شفيني ؟
مها: يعني كيف حالك ؟
بدر : طيب طيب
مها " مسوي يتريق ذا.. المهم ما لازم انسى ليش طلبت اقابله انا .. ع اساس ان باقي له لزمه ... ايه لازم "
مها أخذت نفس ورفعت عيونها تناظره: الحي....
ضاعت علومها بعد ماشافته قريب منها
رجعت ورا شوي : احم اللحين انت يعني كم عمرك؟؟
بدر يسوي نفسه يفكر : قصدك كم بيني وبينك؟ اممم تقدرين تقولين يعني ان كنتي نفس ما اعرف ام ١٩ سنه يعني بيني وبينك -ناظر عيونها: عشرين سنه
مها وقف عقلها "اللحين انا وش سألت وهو ايش جاوب"
بدر جاته رساله : احم... اهلي بيدخلون اللحين عشان الشبكه والاشياء ذي
شوي اندق الباب وقف بدر ووقفت معه مها بسرعه بس اختل توازنها من الكعب كانت بتطيح بس يدينه كانت اسرع ومسكتها
بدر ابتسم لها : بسم الله عليككك، انتبهي
مها فوق دوختها داخت من قربه وابتسامته
بدر عدلها وظل ماسك يدها وقت ما دخلوا امه و خواته وبنته بتول
امه جات تسلم على مها : مبرووكك يا بنتي مبروك يا ابني منك المال ومنا العيال يارب
مها تحاول تفك يدها من يده :يبارك فيك يا خاله
جاو خواته بعدها يسلمون
ام بدر : بدر!! شو بك ماسك ايدا للبنت؟؟
اخته : ماراح تطييرر ترا
بدر انتبه وفك يدها : نسينا ماكلينا يا ليان !! مدري مين اللي دخلنا عليها وهي بحضنه!!
سلام حمرت خدودها : هيههه اسكت
...
عند العيال يوم طلعوا
فؤاد: اللحين مو ذا اللي عزم سيف؟؟
جواد: مدري
بسام: هذا الشايب اللي تقولون عنه !!
سامي: اشك ان حنا الشياب والله
وليد : بس ياحظ مها
فؤاد: "وان تكرهوا شيئاً وهو خيرا لكم" سبحان الله
العيال : سبحان الله
جواد : بس لسا انا مو مصدق
بسام: مو مهم انت تصدق ولا المهم مها تصدق ومايغمى عليها
فؤاد: صادق والله ..ليتي ما طلعت
ابو فؤاد من وراهم: انتم مارحتوا!! وبعدين وشهوله ليتك ماطلعت؟؟ البنت ماهيب مع احد غريب مع زوجها 
فؤاد: بس زوجها ذا توه يصير قريب بعد ماكان غريب
ابو فؤاد: اقطع واخس ولا قدامي اشوف عالمجلس
..
نرجع للعرسان
ام بدر: تروك اختك وعود مع عروستك (احس مو مفهوم لذلك بترجم / اترك اختك واقعد مع زوجتك)
وانتي ميهاف هاتيا للشبكه
ميهاف : مو الدبله اول
ام بدر : لاء الشبكه ونختما بالدبله
(مدري انا ترا)
ميهاف: ايه تمام
جابت ميهاف الشبكه وعطته يلبسها
بدر يناظرهم: البسها وانتم هنا؟؟
ام بدر : ايهه لكان (ايه اجل) بدك يانا نطلع !!
ليان تغمز : ايه ماما بدو يانا نطلع مشان ياخد راحتو
بدر يضحك: كلهم عادي يقعدون الا انتي اطلعي
ليان : لا ماراح اطلع عناد وهذي قعده يم العروسه بعد
عشان مايمديك تسوي شي
بدر راح لمها وقفها : وخري عن زوجتي
بتول : خلاص ارحموها مسكينه .. بابا يلا لبسها
بدر : يوهه نسينا ذي احنا .. مو قلت لك لاتقولين بابا تكبريني وانا توني معرس!!
مها ضحكت على خفيف
بدر : ايه كذا حلوين اضحكي
ميهاف: والله انها كاسره خاطري بدر اخلص عليها موقفها ليه
بدر حطها قدامه وأخذ العقد ولف يدينه على رقبتها تحت شعرها وهي صارت بحضنه تستنشق عطره ووجهها احمرر عاد بدر يسوي شغله ببطئ قرب وجهه عند اذنها ع اساس يشوف كيف يسكر العقد وهمس لها:
وش اسم عطرك ؟
مها تفاجأت من السؤال ورفعت رأسها طلعت عينه بعينها: هاه
قرب لها أكثر باس عينها سكر العقد وأبعد عنها بسرعه
عشان ماتنحرج
ليان حقت كتفه: صدتك ترا وش قلت لها
ام بدر : يوهه يا ليان خلص ..بدر حبيبي خود الحلقات لبسا
ميهاف : تبين ينقب اذنها
بدر : هه هه مسويه تضحكين قلبي وجهك اقول .. هاتيهم امي
قرب منها وهو يحاول يركب الحلق ركب اول وحده سليمه عند الثانيه وهو يركبهالا على ميهاف: ينقب اذنها هه
مها بألم : اايي
بدر : بسم الله عليك شفيك؟
ميهاف : قلت لك بتنقب أذن البنت وخر اشوف
بتول : بدر حبيبي ابعد خلاص احنا نلبسها
بدر : وشو بدر ابوك انا يا بنت
مها نست نفسها وهمست : دوبك تقولها لا تقولين ابوي يالشايب.. تستهبلين اي شايب
بدر كان قريب منها وسمع فضحك عليها نلبسها الحلق
بدر: يلا بسرعه هاتوا الدبله واطلعوا برا ياخي مصختوها !!
ليان: يبي الفكه ذا
بدر: يعني رجال وعروسته لازم يقعدون يتعرفون ويتفقون وتقعدون عندهم ليه؟؟
ام بدر : ايه معو حق ابني يلا ماشيين نحنا ..يلا يا بنات
طلعوا
قد ان مها جلست بدر قرب منها وجلس عالأرض ومسك يدها اليسار كانت لابسه خواتم شالهم ولبسها الدبله وظل حاضن يدها رفع عيونه لعيونها وهمس ببحه: لبستك الخاتم وصرت لك زوج وعساني بعدها حبيب
قام وقف مسك دفنها برقه ورفع وجهها وبنفس البحه :ناظريني مها.. ناظري ... انا هنا مو بيدينك
مها تحاول تناظر اي مكان الا عيونه وبتوتر: انت عاد
حبه حبه علي
بدر ضحك : طيب اهم شي ناظريني لا تنزلين عيونك
مها: ما.. ما اقدر
بدر : ليش
مها: بدر .. بدر انا توني اعرف اسمك امس اصلا واليوم تطلع غير عن اللي توقعته .. يعني شلو..شلون تبيني اتعود وانت خالفت كل توقعاتي
بدر استغرب : ما فهمت !! انتي مغصوبه؟
مها ناظرته بقوه : مو مها اللي تنغصب
بدر بضحكه : تمام تمام ... طيب لو لاحظتي وراك مالبستيني دبلتي!!
مها: انا البسك!! بزر انت
بدر : لا بس انا لبست وانتي تلبسيني
مها: البسك وتروح بعدها !
بدر : ان بغيتي اروح وان بغيتي اقعد وان بغيتي اروح انا وانتي(وغمز)
مها بسرعه : لا يبه روح انت شدخلني اروح انا معك !
بدر: دخلك انك زوجتي
مها تحس بحرارة مو طبيعيه تحاول تجاريه عشان يروح: طيب هات يدك البسك
حط يده فوق يدها اللي اختفت تحت يده مسكت صعبه البنصر ودعست فيه الخاتم بقوه: يلا روح
بدر : احح ... طيب شوي شوي ..لهدرجه مضايقك وجودي؟
مها توترت: هاه لا مو القصد بس يعني تعرف البنات يستنوني
بدر : طول عمرك معهم تبخلين علي بنص ساعه؟؟
مها ناظرت بعيد: بدر تكفى خلاص روح
بدر ابتسم: طيب مو تهدين يدي بالاول -حرك يده-
مها تركت يده بسرعه وحكت رقبتها
بدر ضحك: طيب يلا اشوفك على خير
وقفت معه وقبل لا يطلع التفت عليها: صح نسيت خذي
مد لها كيس وباقة ورد ابيض مدت يدها لتأخذ الكيس ماوعت الا وهي بحضنه وهو يطبع على رأسها بوسه عميقه همس لها وعينه بعينها: استودعتك الله
طلع من هنا وهي طاحت عالكنبه من هنا: اففف عليه مارضى يطلع .. اللحين انا باخذ ذا!! ولا بأحلام فكرت فيها اصلا -قطع سوالفها هجوم البنات
مدى: هاه شصار
سلام: الله الله يا قلبي ياروحي شالشبكه الزينه ذي
جود : ناظريي دبلتتهاااا
رولى : شصار اعترفي للحين وجهك احمر
انوار: باسك؟؟!!
ترفه: لالا شوفي روجها باقي عدل شكلها ما باس
شرعه صفقتها على راسهاوهي تضحك: وجعع قليلة حيا
مدى : اي بوس واي خرابيط وهو شايب عايب
مها بسرعه: انتي الشايبه والله
سلام : اووهه بدينا ندافع
مها باحراج: لا مو على بس يعني لو تشوفين يا سليمه أصح مني ومنك
جود: اوللهه شدعوه
مها: والله يوم دخل ان عيوني تعلقت فيه مهوب مصدقه احسبهم دخلوا علي واحد ثاني الا يوم يقول ابوي يلا يا بدر
ترفه: اوصفيه اوصفيه
مها : اثاري امه سوريه وانا اقول من وين له هالعيون الزيتيه
انوار: امااا عاد يعني ذيك السوريه الحلوه اللي داخل تصير حماتك!!؟؟
مها: لابسه ذهبي!؟
انوار: ايه
مدى فقعت ضحك: يا ان نوير نشبت لها سوالف وطق حنك
شرعه: ما شاء الله عليها حبيبه
انوار : والله تجنن وعسل ياحظك جا من السما
جود: غيرتوا السالفه من الرجال لامه .. مهيا يلا قولي
مها بمزح: انقلعي شتبين بزوجي
سلام: الله وزوجك اخلصي قولي كيف شكله
مها: مدري شلون بس انه خالف كل توقعاتنا ...يعني مدري كيف قزيته ادور شعره بيضاء وحده مالقيت
مدى ببساطه: اكيد صابغ
مها : صابغ بعينك باين شرعه طبيعي لونه بني غامق بعد
جود: يهب عليك قزيتيه صح
مها: اي والله اقولك انلخمت ليش مدخلين علي ذا المزيون
رولى تغمز : مبين غيرت الخطه وبتروح تشتري جهاز ثاني
مها بسرعه: ما يبي لها كلام ذي !! خبله تبيني اروح له بالخلاقين اللي فوق !!!
ضحكوا عليها البنات
مها : بس يا انه جريء
ترفه : شلون يعني
مها تسوي ثقيله : خلاص كنسل مانيب قايله
مدى صفقتها: تكلمي اقوولل
مها : ايي .. شدراك انتي سوالف بين الرجال ومرته
سلام بنص عين: الرجال ومرته
مها: ايه الرجال ومرته ... ما قلت لكم بغى ينقب اذني
شرعه تضحك : لييهه
مها: يركب الحلق بأذني وهو يناظر اخته
انوار: ما علينا من الدفاشه اهم شي رومنسي !!!
مها تلون وجهها وتذكرت كيف كان قريب منها : هاه
ترفه: ما يبي لها سؤال ذي من الوجوه تعرفين انه رومنسي وبقوه بعد هههههههههههههههههههههههههههههه
مها قامت : انقلعوا بس وين امي ما دخلت!!
مدى : ياعمري خاله حنان انكرففتت
مها بعتب: شدعوه ما تقدر تدخل مع بنتها!!
جود بتصريفه: يعني بالله عليك كيف بتدخل وهي ما تعرف عمره صعبه تدخل معك عند رجال يمكن يكون اكبر منها
مها بتسليك: ايه ايه بس هذا مايمنعها تدخل معي ..المهم يلا قوموا نروح عند المعازيم شوي
سلام: وجهها مغسول بمرق ذي!!
ترفه: اللي اعرفه اللي توها متملكه ما تقعد مع العالم تقعد بمجلس ثاني مع ربعنا
مها: عاد انا غير عن الناس
مدى : على طاري ربعها ناديتي صديقاتك
مها : لا ما ناديتهم .. مين فيه برا !!
شرعه: حريم اخواني وخالتس وحمواتس
مها: يوهه ياثقلها الكلمه حموات
مدى : يوهه مسكيينههه الله يعينك من كيد الحموات
مها: لا مبين انهم حبابات الله لا يقوله
مدى: ان شاء الله حتى انا حمواتي حبابات
سلام : ههههههااايي تزوجي بالاول
مدى : بسرعه جيبو لي عرييسس
شرعه : طيب وتخيري عيال عمامك موجودين
مدى بإحباط: عيال عمامي!! لا مابي
سلام : على طاري عيال عمامي سلطان صار لي ييسسس
مها : اننننن للحين لي سلطان
جود: يالطمع عندك بدر وش تبين بسلطان
انوار: استحوا على وجهكم تتهاوشون على اخوي قدامي
مها: اصلا غشش راح علي سلطان
ترفه: جاك بدر اقول احمدي ربس
مها: يا بدر ذا هذا وانتو ماشفتوه وخاقين كيف لا شفتوه
انوار: هاااهه عرفننااا شكللهه مزز  صحح
مها بدون احساس: مز بس !! ياهو يجنن
مدى تصفق : ااييووههه هاتي هاتي
مها عدلت جلستها وصارت تحرك يدينها: يعني صدق صدق بعيد عن انه زوجي اللحين بس يا انه خالف توقعاتنا كلها
البنات بأهتمام: كيف يعني ؟؟!!
مها قعدت تتخيله قدامها وتوصفه: اول شي ماهو شايب ولا له كرش طيب ... يجي اطول من ابوي ومسويله عوارض شعره ماعرفت اميز لونه بالضبط بس انه ناعم .. عيونه نفس ماقلت لكم اول زيتي غامق ضحكته يا بنات ضحكته تجننن تروي الضميان
جود : ييااههه جيبوا عمبلوص بسرعه البنت غرقت
سلام: غرقانه بتجيبينلها بدل المطافي اسعاف؟؟
ترفه: غرقانه مو محترقه يعني الدفاع المدني
رولى : شوفوا وين وصلوا
مها: خلاص طيب امشوا نرقص
مدى : ايه والله يلا
شرعه بخبث : مهااا اييشش ههذذااا !!!؟؟؟
مها لفت لها : وشو.... هئئ هدية بدر كنت بنساها
البنات نطوا عند شرعه: دوري دوري فيه كرت !! ... وش جايب ... الله وورردد ابيض ...حسافه ما جاب احمر
مها: ههييههه جيبوهااا
شرعه: لااءءهه
انوار : لقيت كرت لقيت
البنات: وش مكتوب اقرريي
مها جمدت مكانها تسمع
انوار بهيام  : ‏"لِيت اللقى ينعَاد واشبع عيُونِي مِن شُوفتك...مكتوب مبروك علي انتي ومبروك عليك انا ...اتمنى لنا حياه سعيده .."
البنات خقوا: يااهه يحليله الشايب
مها : ههييههه من قالك اقريها
مدى: يلا خنفتح الهديه
مها : انقلعي انقلعي  هاتوا هديتي ..
خذت الهديه عطتها الخدامه ترقيها غرفتها وقعدوا يرقصون
....
انتهت الملكه على خير وجا اليوم الثاني العصر
:
كانت تمشي في طريق ماله نهايه وهي مدنقه رأسها وقفت فجأه يوم شافت ظله رفعت رأسها له والدموع بدت تتبلور في عيونها : مي..مينن؟؟
قرب لها وبدت تبان شوي ملامحه قرب لحد ما صارت تحس بأنفاسه على وجهها همس لها ببحة صوته: جيتك
همست له بخوف: مين انت؟
مسك دقنها ورفع وجهها : ناظريني عشان تعرفين؟
رفعت عيونها الا يهاجمها نور قوي خلاها تغمض عينها بقوه وآخر شي سمعته : جببتتهه لا تفرطين فيه
وبعدها بدأ صوته يتلاشى ......
..........
نوقف هنا
اشوفكم اسبوع الجاي 👋🚶‍♀️