اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بقلمي السيدة العلوية الجزء1 انا طريق لو سلكته نجيت انا رحمة لو بعدت عنها هلكت..انا درب يوصلك للسماء..انا درة بيضاء انا دموع فرح تذرفها لو عرفتني..انا ثوب طهر لو ارتديتني..انا نجوم وصفاء..فمن انا ..ومن انت..انا انتضر قدومك فهل ستأتي.. قصتي هذه المرة مختلفة جدا ..فلن تكون كلماتي بها بل انا مجرد قلم يروي بالحرف ماقالته صاحبة القصة وعذرا فبها نوعا ماجرأءة ولن استطيع تلافي تلك الكلمات لاني اريد ان ابرز واصور لكم تلك الشخصية حتى تتوقعوها..نعم بين سطورها سأخط واضع بصمتي انا الكاتبة.. في مكان ما في العراق اسكن انا..حيث ام متوفية واب اشبه بالغير موجود..لايسأل ولايهتم..واختين متزوجات مشغولات عني..واخ حنون لكنه الاخر يلهث وراء زوجته ولااشعر بوجوده سوى عندما يضربني ويصرخ بوجهي.. انا درة هذا هو اسمي ..عمري 16سنة،طالبة صف رابع اعدادي ملامحي عادية محجبة لكن ملابسي ضيقة جدا وبها فتحة تضهر قدمي..بالبداية ماكان قصدي اثير احد لكن مجرد ملابس حتى اصير حلوة لان هذه الفكرة مزروعة بدماغ بنات جيلي كلهم ..المدرسة بالنسبة الي رغم اني شاطرة لكن اعتبرها مكان للتسلية واخلص وكت واعتبرها فسحة الي.. احد الصباحات.. كنت امشي حتى اوصل يم بيت صديقتي شهد واتغنج كل الطريق وحاطة الهيتفون(headphone) براسي واسمع الاغاني من الصبح واذا بسيارة وراية..
مرحبا اني بطل قصتكم اليوم وبطل مختلف جدا عن اللي شفتوهم بباقي قصص السيدة العلوية..شكلا ومضمونا. الاسم: نصرالدين العمر: 35سنة المهنة: ضابط بالداخلية الاوصاف:ملامحي شرقية بحته ..طويل طولي 190سم الحالة الاجتماعية:منفصل ولدي ولد واحد.. اليوم متأخر عن الدوام لان اروح اخذ يعقوب وياي ونروح للجوازات عدنا مأمورية هناك وطبعا اخذت سيارتي الحديثة الي استعملها بس بالطلعات #درة وعندي سيارة ثانية للشغل وضعي المادي فوك الغيوم لان والدي عنده معرض سيارات والحمدلله ..عندي اخت متزوجة بالبصرة عند عمي وماعندي بس امي وابني بالبيت واخت صغيرة بالاول متوسط ومخلي خدامة لامي لان امراءة كبيرة وينخاف عليها.. اتمنى ماتسألون بعد عن وضعي لان سولفتلكم واني كلش اكره السوالف والكلام ..عصبي جدا..ماعلينا الاغاني من الصبح وصوت فيروز بأذاني وامشي بالشارع بهدوء لان شارع مدارس واخاف يطفر علية طفل ماادري منين واخاف اقتل واحد بدون قصد واشوف بنية كدامي ..مامخلية وسيلة مامسويتها حتى تكول اني بنت شارع..الحجاب الله الله..والملابس بعد شوية وتطك من عليها..استغفر الله ربي شكد محظوظ اني حتى بالصبح رزقي بيدي ..خل اضل وراها واضوجها وبعدين يجوز اضمها بالدفتر مال صويحباتي.. لكن نرفزتني باردة بالمشي واني عندي مشوار واريد اوصل ولهذا لحيت هواي وضغطت على الهورن
■درة ■ بعدلي شوية واوصل يم بيت شهد ومااشوف الا شخص لزك وراي بالسيارة وكل شوي يسوي بصوت السيارة اخر شي تعصبت..والتفتت درة:اي مو هذا شارع ماتمشي لزكت وراية.. نصر:حضرتج سادة الشارع شأسويلج يعني درة:غبي ..هي كلمة كلتها بلاوعي وياليت ماكلتها.. نصر:نضرات الغضب واضحة بوجهي والله لو ماهي بنت جان لعبت بوجها خريطة..لهذا خبثت ومشيت ع حفرة بسيطة بيها مي ووسخت ملابسها..وضحكت استهزاء ومشيت.. رحت مشوراري يعقوب:شبيك اليوم بس توزع ابتسامات.. نصر:هههه اليوم سويت مقلب بوحدة من الصبح طالبة مدرسة.. يعقوب:ولك خطية ليش هيج هذن فقيرات.. نظرات التعجب وعدم الرضا نظرت بيها لصديقي:فقيرات؟؟عمي دسكت اسكت..لو تشوف ملابسها ماتكول هيج بنات الشارع مو مثلها ماادري اهلها شلون مخليها تطلع هيج.. يعقوب:يجوز ناس متحررة نصر:هلة هلة ايييي واني متحرر وحاضر اضمها للقائمة درة:(دكيت باب شهد والاخت طلعت خربانه ضحك ع ملابسي):موصوجج شهد:شبيج يمعودة بضحك.. درة:هيج ولد و..... وسولفتلها .. شهد:شلون شكلة حلووو؟ درة:ولج جوزي بطلي عندج صاحب وتفكرين بغيرة.. شهد:عادي عصفور بأيد واثنين بالشجرة هههههه امشي غسلي باقي 10دقايق ويدك الجرس وصلنا للمدرسة بدأ درس الانكليزي واوووف شكد اكرهه.. المدرسة:كومي درة حلي هالجملة ع السبورة.. درة:حاضر ست..كمت وكملت وبعدها الست كالتلي تعاي بعد الدرس لغرفة المدرسات عندي شغلة وياج.. بقت المدرسة تشرح واني دماغي منتبه لان احب الدروس..وكملنا شهد:وين رايحة درة:لغرفة المدرسات ام الانكليزي رادتني.. شهد:دعوفيها بابا وتعاي درة:لااا اشوفها شتريد وهاج اشتريلي لفة وببسي .. وصلت لغرفة المدرسات واسمع المديرة تصيحلي :انتي تعالي يمي ؟؟بيا مرحلة انتي؟ واذا بصوت نقذني:من بعد اذنج ست عفيفة اني هسة احاسبها .. درة(تنفست وارتاحيت ،صح لساني مترين ومااحترم احد بس ست عفيفة لااااا رعب رعب..ابسط مابيدها تنطيني فصل ..التفتت واذا اشوف ست وسن وراية) الست:بسرعة تعالي لمختبر الانكليزي وراية درة:مشيت وادري اليوم مايعدي.. ست وسن:حبيبتي درة اني زعلانه عليج.. درة:{فتحت عيوني وتفاجأت بكم الحنان والطيبة بصوتها واسلوبها }:ليش ست؟ ست وسن:كل انسان لازم يخلي لنفسة قيمة ومعنى..وهالقيمة تضهر بتصرفاته ..يعني ملابسج هاي حلوة بحقج؟؟كبنت عائلة.. درة:شبيهم ملابسي ست كل البنات يلبسن هيج؟ الست:واحنا كل الناس خطأ نقلدها ..نمشي ورى القطيع ..قابل قطيع غنم احنا وماعدنا عقل..منو اليستاهل يلمح جزء من جسمج؟ درة:اطرقت براسي خجلا من كلامها الحنون..حاضر ست اغيرهم باجر ست وسن:اني انفعل من اشوف احد يصيح عليكم انتو بناتي طالباتي عزيزات عندي..يلة روحي هسة قبل لاتخلص الفرصة درة بابتسامة: تدللين ست
