اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الجزء6 بقلمي السيدة العلوية
◆بيت نصر الدين◆ الاب:شو مختفي وينك نصر:مشغول بابا.. الاب:لكيتلك خوش عروسة نصر بنضرة مستغربة:رجعنا بابا..مو كافي مرة والنتيجة مثلما تشوف.. الام:لعد لشوكت تبقى هيج ..انت محتاج زوجة نصر:عفية سدو هالسالفة الغمه هاي.. الاب:(بنضرة للام )اوكي اوكي سديناه.. بعد ماخرج نصر يرد على اتصال غرامي.. الاب:اني ماعاجبني حيل وضع نصر ..وماريد اجرحه الناس تحجي بي الام: ليش يايمة ..اشو زينة الولد ابني طول وعرض وجمال وهيبة شحده اليحجي عنه.. الاب:يابنت الناس اسمعي ابنج يومية وية وحدة ومخلص صحته وفلوسة عليهن ..منو يستاهل هيج الام:اه ياربي ..تاليتنا علج بحلوك الناس.. الاب:اني اشوف يعقوب هو اللي يكدر عليه..
عند العصر..معرض السيارات..اتصل الاب بيعقوب وطلب يتلاكون الاب:السلام عليكم..شلونك ابويوسف يعقوب:هلة ومية هلة بعمي ..الله يسمع من حلكك ويصير عندي يوسف الاب:اي اتزوج ويصير عندك يعقوب:دااكون نفسي عمي والله كريم..خير عمي كول هههه لكيتلي عروس.. الاب:والله بس انوي واخطبلك اللي تريد..لكيت هالعنودي اللي عندي.. يعقوب:اي والله عمي هو لازم يتزوج ع الاقل يلم ابنه ويخلص من هالدوخة.. الاب:ميقبل ويومية سوالفة توصلني واني رجال الشيب تارس راسي تاليتي ابني هيج سمعته.. يعقوب:لاتنفعل عمو ..طيش شباب.. الاب:شبابيش عمرة 35 وعنده طفل شوكت يركد ويستقر.. يعقوب:لايكون بخاطرك اني اسولف وياه وان شاء الله خير..بعد يأمر الحجي بشي ..عيوني الك.. الاب:ماكذبت من كلت عنك ابن ثاني واخ لنصر..روح وليدي الله يحفظ شبابك..
بمكان اخر..صوت الموسيقى العالي..والاغاني الماجنة والدخان المنبعث..وطاولة بها خمر وفتيات ليل..
نصر وهو متثاقل لانه قد شرب اليوم واصبح كالبهيمة.. نصر:كابتن..كابتن النادل:تفضل استاذ نصر:شوف الشباب شيطلبون وكل شوية مر علينا خاف نحتاج شي.. مقداد:كفووو بابو طيوفي الورد جلال:والنعم من المعزب..اي هيج الكعدات التريح الواحد..بلادوخة المدير.. نصر:شبيك يمعود هو اكبر واحد يركض ورى الموضفات..هههههه مقداد:شبيك ابو طيف اشو دالغة تجيبك ودالغة توديك(يعني يتصفن ..كثر انشغاله) نصر:ضايج ومغثوث ..الحجي الله يسلمة يومية وجايب سيرة الزواج اللي يكول اني بنية ويريد يسترها هههه جلال:هههه دااتخيلك بنية ولك حتى لو ارغب بالزواج انهزم منك ..اييي وانته لابس حجاب وشواربك تارسة وجهك.. نصر:اوي عيني لاتوركض وراي ..تعال تقدملي ..وبدأت اقلد كلام البنات هههههه.. مقداد:هو اليشوف وجهج يتوب.. نصر:لاصدك جلو اريدك بخدمة عاطفية.. جلال:الي بيها خبز لو بس الك.. نصر:اسكت لك..تبعي هاي بس داريد اكتشفها..هاك هذا الرقم اريدك تنصب عليها وهاي كل المعلومات ..
درة-وبعد اسبوعين كانت تسليتي مع نصر..صحيح مااحلم احد يتزوجني ولكن نصر كان كلامي معاه يختلف .لكن اختفى وكلما ارسل مسج يقول ..مشغول..لهذا قررت اترك تلفوني وانتبه لدروسي وحتى اسيطر لان شهد عرس اخوها بعد اسبوع ولازم اتحضر..وشغلت الاغاني ونزلت انصف البيت وكنت اتجنب زوجة اخوية الي كل شوية مهددتني باخوية ومرات تنفذ تهديدها وانكتل ..عادي تعودت جسمي اخذ على هيج وضع..يلة مادام مخليني اكمل دراسة..
