درة

سعادة شكلية

الجزء12

بقلمي السيدة العلوية

كنت بالدوام واسولف وية يعقوب

نصر:ابو يوسف نويت اتزوج واخلصك من همي

يعقوب:احلى خبر هذا ..ياسعيدة الحظ اللي وكعت الاسد..

نصر:هههههه ام الصدرية

يعقوب:اثاريك من تجي يمنه ترابط يم الباب..مو علمودي..بالخير يارب تتهنى شوكت المشية

نصر:بس خل يردلي خبر اخوها الشفية..

يعقوب:شبيك خو مامسويلك شي ..ترى اني اعرف هالولد مو راحة..

نصر:(هلة هلة ..عائلة كل واحد وراه بلية)شبي

يعقوب:انسان مادي كلش ومايعرف احد بالفلوس تصور الجوارين يكولون مخلي ابوه يوقعله على تنازل بأسمة للبيت

نصر:لا ااا شكد ناقص تربية واخواته واهلة

يعقوب:ماعندة بقت بس هاي البنية الراح ياخذها اخوية والبقية متزوجات

نصر:وانتة شمدريك..

يعقوب:ابوسلام الله يخليه نص ساعة يمة يسردلي المنطقة من الطول للطول ههههه

واثناء الكلام واذا تلفوني يرن ..انطيته ليعقوب خاف وحدة من اللي اعرفهن حتى يصرفها

يعقوب:اي اي اهااا ان شاء الله الجمعة يمكم ..

نصر:منوو ..

يعقوب:نسيبك يكول موافق وتعال وجيب المشية والسيد الجمعة العصر..

نصر :الذي ازهر وجهه ..صدك تحجي صدك..

يعقوب:الله لايضيعلك تعب وفرحة مبروك خوية شايف كل الخير ..

نصر:عمري 35سنة لكن اتمنى اكمز مثل الاطفال وفرحتي ماتنوصف..مولان راح اخذ درة بس لان راح اكدر ارجعها عن طريق السوء..شوف منو يسولف..حتى لو اني ولد مااتعيب بس هي بنية بسرعة تضيع ..

♡بيت درة♡

الاخ:درة عندي سالفة وياج اكعدي

درة:اي كول

الاخ:اكو زلمة اجة طلبج مني واني وافقت مبين خوش ولد وعنده فلوس

درة:بدون ماتسألني..