درة

وأصبحتي لي

الجزء15

بقلمي السيدة العلوية

احلى مشاهد العرس كان من جهة نصر ..داليا شوفتني مقطع الفديو

نصر:يتحرك الطير مذبوحا من الالم..جنت اهوس وامثل دور السعيد..ويعقوب ماخلى احد ماكومة بالحنه وهوسولي وبديت استمتع بالكذبة انه اني عريس وباجر تجي عروستي..

درة:عرفته يمثل ..عيونه واضحة..صرت اعرفها واعرف خفاياها..عيوني مغوركة بالدمع بس حابسها..عوفني يانصر شيجبرك ..عوفني مثل العافوني ..غلطت وخلي ربك يتكفل بية ..حملي ثكيل عليك واخاف من الجاي ..

♥يوم العرس المزعج♥

نزلت جبتها وطلعنا من بيت اهلها واول ماكعدت بالسيارة..خليهم يسولفون وتتوضح الصورة امامكم

●نصر●

بس كعدت يمي ..تذكرت الموقف كلة بحذافيره..بصورته القبيحة..وشكلها امامي وبديت اتنفس بصعوبة

◀درة▶

صعدت للسيارة وتذكرت كعدتي يمة ووشلون شافني بذاك اليوم..تذكرت كسرتي وملابسي ال-- ماحسيت بروحي من ضغطت على ايدة بقوة ..وحسيت راح اموت..احس الهوى مايدخل برئتي ..

وصلنا للبيت ..امي دوخت راسي ..هلاهل وصفكات وهوسات...

نصر:يلة درة دخلي..

درة:بخوف وحذر دخلت ومملوءة بالخجل والخوف كل المشاعر عندي متداخلة..اول مرة اشوف غرفة هيج بحياتي..كبيرة وواسعة والاثاث نازك وحلوو وحتى الالوان ..كعدت ..

نصر:باوعي..خل اوضحلج..اني وياج بس كدام الناس رجال ومرته..لكن بيناتنة انتي ..شايفة هذا..واشار الى أجلكم الله (النعل)انتي ارخص من عندة..تزوجتج لسببين..الاول وهو المهم ..لان ماريد يندفع الدين بية بداليا

والسبب الثاني مستحيل اكولة الج..ولاتتوقعين انتي بعيني زوجة انتي مجرد خدامة ..بعتي نفسج واني اشتريت..يعني بين قوس لاتعتقدين الج حقوق عندي غير بس راتب راح انطي الج كل شهر جزاء خدمتج لامي ولبيتي..

درة:اباوع بعيون نصر وعيوني انترست دموع ومالكيت غير بس ادنك راسي حتى مايشوف دموعي(جرحوني اهلي وكابرت وضميت وتناسيت وابتعدت وغمضت وصبرت واكول اهلي بس اه ياذلة الغريب ..هنت وهانت نفسي اه اه لو تعود الايام والله ولاامشي هالدرب ولااخطي خطوة ..يلة يانصر شتكول اعذرك وحقك باللي تكولة..)كنت افكر واخذتني الصفنة واذا اسمع صوت نصر فززني من غيابي